ဝက်လက်၊ နဝ်ဝေမ်ဗာ ၂၆
ပ္ဍဲကဵုပေါဲဗ္တိုက်သီဗ္ဒိုပ်ဗၠာဲသၟိၚ်တိဍာ် ကွာန်ယှိုဲပါန်ကံ ပွိုၚ်ဍုၚ်ဝက်လက်၊ ရးသက်ကိုၚ်ဂှ် ပါလုပ်သီုကဵုသ္ကိုပ်ဗ္ဒိုပ်ဗၠာဲသၟိၚ် သၟဝ်တဲကံၚ်ဇြဳပၞာန်ဂှ် ရပ်ဂွံလဝ်ဂျိုၚ်ၚ် ၁၆ တၠဂှ် ဒေသပၞာန် စၟတ်(၁) NUG လလောၚ်ပ္တိတ်လဝ်ပရိုၚ်ရ။
တုဲကၠုၚ် ပ္ဍဲဂိတုနဝ်ဝေမ်ဗာ ၂၁ တေံဂှ် သီဂွံလဝ် ဗ္ဒိုပ်ဗၠာဲသၟိၚ်ယှိုဲပါန်ကံဂှ်တုဲ လ္ပာ်ကံၚ်ဇြဳပၞာန်ဂှ် ၃ တၠ ချိုတ်လဝ်ရောၚ် သ္ဂးလဝ်ရ။
အပ္ဍဲပေါဲဗ္တိုက်ဂှ် သီဂွံလဝ် လွဟ်ဍောတ်တ် ၃၁ ဇကိုအ်၊ မကမ် ၆၄၀၀ ပြၚ်၊ ဗမ်တဲ ၃၂ မ၊ မာၚ် ၆ မ၊ သြန် ၉ ကိုဋ်ဒ္ကေဝ်ပြၚ် ကေုာံ ကပေါတ်လွဟ်လက်နက်ပၞာန်တံဂှ်ရောၚ် ထ္မံက်ထ္ၜးလဝ် ပ္ဍဲတၚ်လလောၚ်တြးဂှ်ရ။
လ္ပာ်ကံၚ်ဇြဳပၞာန်ဂှ် အပ္ဍဲပေါဲဗ္တိုက်ဂှ် ဗ္တိုက်ဂြာတ်လဝ်မခတိုဟ် နကဵုက္ၜၚ်ကျာဂျက်ဗ္တိုက်သၟးဟွံက ဟိုတ်နူပန်ပှော်ဗ္တိုက်လဝ်ကဵု သီုကဵုက္ၜၚ်ကျာသၞေၚ်ဝဲဂှ်ရ ကောန်သ္ဂံၚ် PDF မွဲတၠ ပြဟ်လလုဲအာလဝ်ဂှ် ဂွံတီကေတ်ရ။
ပ္ဍဲကဵုဗ္ဒိုပ်ဗၠာဲသၟိၚ်ယှိုဲပါန်ကမ် ဖျေံသ္ဇိုၚ်ဝက်လက်ဂှ် ဒှ်ဒၞါဲ ဇြဟတ်ကောန်ဒပ်ကံၚ်ဇြဳပၞာန် ၂၀ ပြၚ် ဖျေံလဝ်သ္ဇိုၚ်ရောၚ်ဂှ် ဂကောံဇြဟတ်ပၠန်ဂတးတံ သ္ဂးလဝ်ရ။
ပရိုၚ်−သြၚ်လောန်တိုၚ်(မ်)
ဗီု−ဒေသပၞာန် စၟတ် (၁)
sanlontai