သဵု(လ်) ၊ နဝ်ဝေမ်ဗာ ၂၇
ကိုဝ်ရဳယျာသၟဝ်ကျာ ကြဴနူပန်ဗလးလဝ် ဂြိုဟ်ပ္တောံထံၚ်ပရိုၚ်ပၞာန် ပ္ဍဲသတ္တာဟတုဲကၠုၚ်တေံဂှ်တုဲ ဒဒှ်ရနွံပၟိက် သွက်ဂွံရီုဗၚ် ညံၚ်နျူကလဳယျာဂွံသ္အးဇ္ၚး ပ္ဍဲကဵုတ္ကအ်ကိုဝ်ရဳယျာဂှ် ဝန်ဇၞော်ကာဍုၚ်သ္အာၚ်ကြုက် ဝါန်ယိ ထ္မံက်ပ္တိတ်ဟီုဂးလဝ်ရ။
ဝန်ဇၞော်ကာဍုၚ်သ္အာၚ် ဝါန်ဝွံ ပ္ဍဲဂိတုနဝ်ဝေမ်ဗာ ၂၇ တေံ ဆဵုဂဗလဝ်ကဵု ဝန်ဇၞော်ကာဍုၚ်သ္အာၚ် ကိုဝ်ရဳယျာသၠုၚ်ကျာ ပက်ဂျေန် မဒှ်သ္ကအ်သဳကၠဳညး ပ္ဍဲကဵုဍုၚ်ဗူသာန်ဂှ်ရ။
နဒဒှ်ဖဵုအဆက်လက္ကရဴ ကြဴနူကိုဝ်ရဳယျသၟဝ်ကျာ ပန်ဗလးဂြိုဟ်ပ္တောံတုဲဂှ် သွက်ဂွံကၠောန်သ္ပ ညံၚ်နျူကလဳယျာဂွံသ္အးဇ္ၚးဂှ် အာတ်မိက်လဝ် ဍုၚ်ကြုက် သွက်ဂွံပါလုပ်ကဵု နူကဵုအခန်ကဏ္ဍ မဒှ်အထံက်အပၚ်တံဂှ်ရောၚ် သၞာဲဒဴအလဵုအသဳ ကိုဝ်ရဳယျာသၠုၚ်ကျာ အာတ်မိက်လဝ်ရ။
ပရေၚ်ဂၠါဲသၞ ကိုဝ်ရဳယျာသၟဝ်ကျာတံဂှ် ဒေါအ်ဒေၚ်တုဲ ပွမရေၚ်တၠုၚ် ညံၚ်နျူကလဳယျာဂွံသ္အးဇ္ၚးဂှ်ဝွံ ဒှ်သွက်ဒတုဲဖဵုတုပ်သၟဟ် ကိုဝ်ရဳယျာသၠုၚ်ကျာ ကေုာံ ကြုက်တံရောၚ်ဂှ်လေဝ် သၞာဲဒဴဂမၠိုၚ် ဟီုဂးလဝ်ရ။
နကဵုဗေကျေန် နူကဵုအခန်ကဏ္ဍ ဒှ်အထံက်အပၚ်တံဂှ် ပါလုပ်လဝ်လၟိုန်တုဲ ပရေၚ်ကြံၚ်မ္ၚိုဟ် အာယှဗၟံက်သၟဝ်ကျာတံ ဂွံအောန်စှ်ေအာဂှ် ဆက်ကၠောန်အာဏောၚ် ဌာနကာဍုၚ်သ္အာၚ်ကြုက် ကလေၚ်ခၠေဝ်ပလန်လဝ်ရ။
ပ္ဍဲကဵုဍုၚ်ကြုက်ဂှ် အစဳဇန်ဇၞော်ဇၞော်တံလေဝ် နွံဒၟံၚ်တုဲ ဆိုက်ဗ္ဒက်အာ နကဵုကဆံၚ်သၠုၚ်ၚ်တံဏောၚ်ဂှ်လေဝ် ဝါန် ထပ်ဟီုဂးလဝ်ရ။
သ္အာၚ်နူဂှ်ပၠန် ဟိုတ်နူပရေၚ်ဓလိုက်တမ်ရိုဟ်ဍုၚ်သ္အာၚ် ကြုက်တံ စှ်ေဒၟံၚ်ဂှ်ရ အခိၚ်တၠုၚ်လအာ ပရေၚ်ပိုန်ဒြပ် ဟွံချိုတ်ပၠိုတ်ဒၟံၚ်တံ ဇၞော်ပၟဝ်ကၠုၚ်ဒၟံၚ်ဂှ် ဂလာန်ဝါန်ဏံဂှ်ဝွံ သွက်ပရေၚ်ဓလိုက်တမ်ရိုဟ် ကိုဝ်ရဳယျာသၠုၚ်ကျာဂှ် ထ္မံက်ထ္ၜးဒၟံၚ် တၚ်စၟဳညးရောၚ် ညးလ္ၚတ်ဂမၠိုၚ် သ္ၚဳဂၠိပ်လဝ်အိုတ်ရ။
Ref: NHK World
sanlontai