ကိဗ်၊ ဒဳဇြေမ်ဗာ ၂၉
ကြဴနူဝဳဒဳယောသ္ကုတ် ကောန်ပၞာန်ရုယှာတံ ပန်ဂစိုတ်လဝ် ကောန်ပၞာန်က္ဍိုၚ်ကျာယူကရုၚ် မထံက်လဝ်ၜံၚ် ဖျေံလွဟ် ပ္ဍဲမုက်ပၞာန် နကဵုဓဇန်န်ဂှ် မံက်တိတ်ကၠုၚ်တုဲဂှ် ကၠောန်ၜိုတ်ဒၟံၚ် သွက်ဂွံဂၠိုက်ဂၠါဲစၟဳတ် နကဵုအမှုရာဇဝတ်ပၞာန်ရ။
ပ္ဍဲကဵုမုက်ပၞာန် ဍုၚ်ရုယှာသီဂွံလဝ် ဍုၚ်ဇြာပိုဝ်ရဳဇြဳဟဳရာဂှ် ကောန်ပၞာန်ယူကရုၚ်တံ ဖျေံလွဟ်တုဲ အခိၚ်ကၠေၚ်လဝ်တဲ လက္ကရဴက္ဍိုပ်ဂှ် ကောန်ပၞာန်ရုယှာတံ ပန်ဂစိုတ်ထောံလဝ် ဓဇန်န်ရ။
ၜိုန်ရဗဳဒဳယောသ္ကုတ်ဂှ် ရုပ်ဟွံကၠးကွေံကီုလေဝ် ကောန်ပၞာန်ရုယှာတံ ပန်ဂစိုတ်ထောံလဝ် ညးတံဂှ် ဂွံဆဵုကေတ် ချိုတ်တ်ပၠိုတ်တ်ရ။
ပရေၚ်ဒဒှ်ဏံဂှ် သၞာဲဒဴကဆံၚ်လ္တူ ယူကရုၚ်တံ ဒစဵုဒစးဟီုဗျိလဝ်တုဲ ကောန်ပၞာန်ပူတေန်ဂမၠိုၚ်ဝွံ မၞိဟ်ဟွံသေၚ်ပုဟ်ဟီုဂှ် ဒှ်ဒၟံၚ်ပရေၚ်ဒဒှ် ထ္ၜးဒၟံၚ်သက်သဳမွဲရောၚ်ဂှ် ဟီုဂးလဝ်ရ။
ကောန်ထံၚ်ပၞာန် ရပ်ဂွံလဝ် အပ္ဍဲပေါဲပၞာန်တံဂှ် ဒးမၚ်မွဲသာ်လဵုရောဟီုဂှ် ပ္ဍဲကဵုသၞောဝ်ဍုၚ်နာနာတံ ၜိုန်ရတုပ်လဝ်စိုတ်ကီုလေဝ် ကောန်ပၞာန်ရုယှာတံဂှ် ပန်ဂစိုတ်ထောံလဝ် ဟွံမွဲကဵုဓဝ်ဗ္စာရဏာမၞိဟ်ရ။
ဣဏံဝွံ ဒှ်ပရေၚ်ဖံက်ပ္ကဝ် သၞောဝ်ဍုၚ်သ္အာၚ် မဆက်စပ်ကဵု ကောန်ထံၚ်ပေါဲပၞာန်တံ မံက်က်ထေၚ်ၚ်တုဲ ဌာနထံၚ်ပရိုၚ်ယူကရုၚ် ဂၠိုက်ဂၠါဲစၟဳတ်ဒၟံၚ်ဖိုဟ်ရ။
ကြဴနူစၟဳတ်သ္ပဒတန် ဝဳဒဳယောသ္ကုတ်ဏံတုဲဂှ် သွက်ဂွံရပ်စပ်အာ နဒဒှ်သက်သဳ သ္ဂောံစောတ်စောဲ ကောန်ပၞာန်ရုယှာတံ နကဵုအမှုရာဇဝတ်ပၞာန်ဂှ် နွံဒၟံၚ်ရ။
ကောန်ပၞာန်ရုယှာတံဝွံ ကောန်ပၞာန်ယူကရုၚ် ရပ်ဂွံပ္ဍဲမုက်ပၞာန်တံဂှ် ပန်ဂစိုတ်ဒၟံၚ်လၟိုန်ရတုဲ ဗဳဒဳယောလၟုဟ်ဝွံ ပ္ဍဲကဵုလၟေၚ်ဒဒှ်သာ်ဏံဂမၠိုၚ် ဒှ်စၜိုတ်မွဲရဂှ် မဳဒဳယျာယူကရုၚ်တံ ထ္မံက်ထ္ၜးလဝ်ရ။
Ref: Daily Mail
sanlontai