မနဳလာ၊ ဖေဖဝ်ဝါရဳ ၆
သမ္မတတြေံ ရိုဝ်ဒရဳဂိုဝ် ဒူတာတေ ကြဴနူဟီုဂးကၠုၚ် ပါ်ပ္တိတ်အာ တ္ကအ်သၠုၚ်ကျာဍုၚ်လ္ၚဵုတံ နူကဵုဍုၚ်ဏောၚ်တုဲဂှ် ကုညးမပ္တိတ်ဇြဟတ် သွက်ဂွံပါ်ထ္ကးဍုၚ်တံဂှ် အလဵုအသဳဖဳလေတ်ဖေန် သွက်ဂွံသုၚ်စောဲဇြဟတ်ဗ္တိုက်သရိုဟ်အာဂှ် ဒှ်ဒၟံၚ်ဒတုဲဏောၚ် သၞာဲဒဴဂီုကၠီုမွဲတၠ ဟီုရ။
စပ်ကဵုပွမပ္တိတ်ဇြဟတ် သွက်ဂွံပလေဝ်သၞောဝ်သ္ဇိုၚ်ဒက်ပ္တန်ဂှ်တုဲ ဒဒှ်မဒက်မဟာမိတ် ကုသမ္မတ ဖာဒဳနာန်မာကောသ် လီုလာ်အာတုဲဂှ် ဒူတာတေ ဌာန်ဇာတိညး ဍုၚ်မေန်ဒါနာအိုဝ်ဂှ် ပါ်ပ္တိတ်နူကဵုကၟိန်ဍုၚ်တုဲ အာတ်မိက်လဝ် သွက်ဂွံလလောၚ်တြး ပရေၚ်ဗၠးၜးရ။
ပွမပလေဝ်သၞောဝ်သ္ဇိုၚ်ဒက်ပ္တန် ၁၉၈၇ ဂှ်ဝွံ သွက်ပရေၚ်ဓလိုက်တမ်ရိုဟ်ဍုၚ်သ္အာၚ်တံ ညံၚ်ဂွံလောဲသွာဏောၚ် မာကောသ် ဂးလဝ်ကီုလေဝ် ဒူတာတေဂှ်တှ်ေ ဟိုတ်နူမိက်ဂွံဆက်ကေတ်အဝဵုတုဲ ပ္တိတ်လဝ်ဇြဟတ် သွက်ဂွံပလေဝ်ပလေတ် သၞောဝ်သ္ဇိုၚ်ဂှ်ဏောၚ်ဂှ် စောတ်စောဲလဝ်ရ။
ညးကဵုကသပ်ပရေၚ်ဂီုကၠီုကၟိန်ဍုၚ် အက်ဂွါနဝ် အေနဝ်ဂှ် စပ်ကဵုပွမပ္တိတ်ဇြဟတ် သွက်ဂွံပါ်ပ္တိတ် ဒေသမေန်ဒါနာအိုဝ်ဂှ်တုဲ ဟိုတ်နူဒှ်ပွပ္တိတ်ဇြဟတ် သွက်ဂွံက္တဵုသပုန် ကုအလဵုအသဳဂှ်ရ သုၚ်စောဲဇြဟတ် ဗ္တိုက်သၠေက်အာဏောၚ် သ္ဂးလဝ်ကီုလေဝ် ဟီုစုတ်လဝ် ယၟုဒူတာတေဂှ် ဟွံမွဲရ။
သ္အာၚ်နူဂှ်ပၠန် ဟိုတ်နူဖ္တိုက်ဖ္အောဝ် သွက်ဂွံပါ်တိတ်တံဂှ်တုဲ ဖန်ဗဒှ်ကၠေံ တၚ်တုပ်စိုတ်ပရေၚ်ၜိုဟ်လလမ်အလဵုအသဳ ကုဂကောံပါ်တိတ်တြေံတံ လက်ဗ္တးမာန်ရောၚ် ညးဟီုလဝ်ဏီရ။
အခိၚ်အလဵုအသဳ ပ္တိတ်ဒၟံၚ်ဇြဟတ် သွက်ဂွံဗ္တိုက်သရိုဟ် မၞိဟ်က္တဵုသပုန်တံကဵု မၞိဟ်စိုပ်တၞုၚ်တၞးတံဂှ် ပ္ဍဲမေန်ဒါနာအိုဝ် ပေါဲဗ္တိုက်တံ ပွပကီုပရာပ်တံ က္တဵုဒှ်လဝ် ဂၠိုၚ်ကဵုစှော်သၞာံတုဲ ကွာန်ရးဗွဲမဂၠိုၚ်ဝွံ ဒိုက်ဝါတ်ဒၟံၚ်အိုတ်ရ။
ဂကောံသပုန်ဒေသဂှ်ဇၞော်အိုတ် (MILF) ဂှ်ဝွံ ပ္ဍဲသၞာံ ၂၀၁၄ တေံ ကေတ်လဝ်တၚ်တုပ်စိုတ် ထ္ပက်လဝ်စၟတ်တဲ ပရေၚ်ၜိုဟ်လလမ် ကုအလဵုအသဳတုဲ ပ္ဍဲကဵုဒေသ မဿလေမ်ဗွဲမဂၠိုၚ် မံၚ်တန်တဴတံဂှ် ညံၚ်ဂွံဂွံအခေါၚ်အုပ်ဓုပ်အပိုၚ် ပွမပ္တိတ်ဇြဟတ် သွက်ပရေၚ်ဗၠးၜးတံဂှ် ဗလးထောံလဝ်တဲရောၚ် ဂွံတီကေတ်ရ။
သ္ကိုပ်ဝန်ဇၞော် စပ်ကဵုလ္ပာ်ဒေသတံဂှ် နကဵုဇကုတံ တၚ်တုပ်စိုတ်ပရေၚ်ၜိုဟ်လမ်ဂှ် စွံအဓိက သ္ပလဝ်ဇြိုဟ်ဟ်နက်က်ဖိုဟ်ရောၚ်ဂှ် သ္ဂးလဝ်ရ။
သ္ကိုပ်က္ဍိုက်ပ်ကာစဵုဒၞါဖဳလေတ်ဖေန် ရိုဝ်မဳရိုဝ် ဗရဝ်နာဂှ် ကောန်ပၞာန်ဇကုတံဝွံ ကောံကလောံတုဲ မၚ်မွဲတဴသစ္စာ လ္တူပရေၚ်အုပ်ဓုပ်ကောပ်ကာဲ ကေုာံ သၞောဝ်သ္ဇိုၚ်ဒက်ပ္တန်တံဖိုဟ်ဂှ် ဟီုလဝ် ပ္ဍဲဂိတုဖေဖဝ်ဝါရဳ ၃ တေံရ။
Ref: Reuters