ဗေကျေန်၊ ဖေဖဝ်ဝါရဳ ၂၂
ပ္ဍဲဂါဇြာ အေဿရေထ္ပက်ဒၟံၚ်ပၞာန်ဂှ် တၚ်သ္ဂုတ်သွာတ်ကံၚ်ဇြဳဂီုကၠီု ကုလသမဂ္ဂ မအာတ်မိက်လဝ် သွက်ဂွံဒေါအ်ပန်ပှော်လွာဲဂှ်ဂှ် အမေရိကာန် တးပါဲလဝ် နကဵုအဝဵုဝဳတဝ်ဂှ်ရ ဍုၚ်ကြုက် ပ္တိုန်လဝ်ဒုဟ်ပါ်ပါဲလဝ် သ္ကာတ်တ်မြဟ်ဟ်ရ။
ဟိုတ်နူပြဝဏံတုဲ က္တဵုဗဒှ်အရေဝ်ပရိုၚ် မဗၠေတ်မှာတံဂှ်တုဲ ဆက်တုဲဂွံဂစိုတ်အာမၞိဟ်ဂှ် ကဵုထောံဂၠံၚ် ဗွဲမစိုပ်တရဴရောၚ် ကြုက် သ္ဂးလဝ်ရ။
တၚ်သ္ဂုတ်သွာတ် အေဝ်ဂျဳရဳယျာ ပၠောပ်လဝ်ဂလာန်ဂှ်ဝွံ က္တဵုဗဒှ်တဴ ပရေၚ်သဳကၠဳဒေါအ်ပေါဲပၞာန် မးမးဏောၚ်ဂှ် သ္ၚိဗု ဟီုရ။
အမေရိကာန်ဂှ် ပ္တိုန်လဝ်ဂလာန် ပရေၚ်ဒေါအ်ပန်ပှော်ယာယဳ တၚ်ကဵုသတိ ကုအေဿရေ ညံၚ်ဂွိုအ်လုပ်ၜက်ၜေတ် ဍုၚ်ရာဖာ မဒှ်ရ။တ
ပ္ဍဲဂါဇြာ အခိၚ်ပေါဲဗ္တိုက်တံ ဆက်က္တဵုဒှ်ဒၟံၚ်ဂှ် ဂလာန်အေဝ်ဂျဳရဳယျာပၠောပ်လဝ်ဂှ် ဟိုတ်နူအမေရိကာန် တးပါဲထောံဂှ်ရ ပရေၚ်ပ္တိုန်ဒုဟ်ဗျိပၠုတ်တံ မံက်တိတ်ဒၟံၚ် ဗွဲမသၠဲတြးရ။
ဂလာန်ပ္တိုန်ထ္ၜးဏံဂှ် ပ္ဍဲကဵုကောန်ဂကောံကံၚ်ဇြဳပရေၚ်ဂီုကၠီု ၁၅ ဍုၚ်ဂှ် ၁၃ ဍုၚ် ထံက်လဝ်ဂလာန်တုဲ ဗျိတိၚ် ဟွံကဵုလဝ်မာဲပုဟ်ဂှ် ဂွံတီကေတ်ရ။
ကလုတ်တမာန် စပ်ကဵုကုလသမဂ္ဂ အေဝ်ဂျဳရဳယျာဂှ် ဟိုတ်နူပြဝဏံတုဲ ပ္ဍဲဝၚ် ဗီုလဵုသ္ဂုတ်သွာတ်အိုတ်ရောဟီုဂှ် ချပ်ဗ္စာကေတ် နလညာတ်ညာန်ဇကုအိုတ်ညိဂှ် ဟီုလဝ်ရ။
ကလုတ်တမာန်အမေရိကာန်ဂှ် အခိၚ်ဆက်ကၠောန်အာဒၟံၚ် ပရေၚ်သဳကၠဳ အကြာအေဿရေ ကေုာံ ဟာမာသ်ဂှ် ဂွံအာတ်မိက် ဒေါအ်ပန်ပှော်လွာဲဂှ်ဂှ် ဟွံစိုပ်အခိၚ်ဏီပုဟ်ဂှ် ဟီုရ။
သ္အာၚ်နူဂှ်ပၠန် ကလုတ်တမာန်ဗျိတိၚ်ဂှ် ဟိုတ်နူပြဝဏံတုဲ က္တဵုဗဒှ်တဴအန္တရာယ် လ္တူပရေၚ်သဳကၠဳမာန်တုဲ ပရေၚ်ဒေါအ်ပန်ပှော် ဂွံဒှ်ကၠုၚ် အောန်အာဂှ် သ္ဂးရ။
သ္ကိုပ်ဝန်ဇၞော်အေဿရေဂှ် စဵုကဵုတၚ်ရန်တၟံညးတံပေၚ်ကၟိုဟ်ဂှ် ဆက်ဗ္တိုက်အာဏောၚ်ဂးလဝ်တုဲ ဇြဟတ်ဂရိုဟ်သာ်လဵုနွံနွံ ဒေါအ်ဒေၚ်အာဟွံသေၚ်ပုဟ်ဂှ် ကဵုလဝ်သမ္တီရ။
Ref: BBC