သဵု၊ ဖေဖဝ်ဝါရဳ ၂၃
စပ်ကဵုပရေၚ်ပလေဝ်ပလေတ်ပြုပြေၚ်ပြံၚ်သၠာဲ သ္ပလဝ်ဒတန်တံဂှ်တုဲ ဟွံကၠောန်ကမၠောန်မွဲသာ် လၟိဟ်အ္စာဂဥုဲပ္ကတ်ပကေၚ် ဗ္ကပ်ဗဗေၚ် ကိုဝ်ရဳယျာသၠုၚ်ကျာတံ ဂၠိုၚ်တိုန်ကၠုၚ်ဂှ်ရ ညးဗြဴပါ်ကရေက်သၠးဂဝ်ဂၞဴတံကဵု အစဳဇန်လွဳတ်ယဲကေန်သာတံဂှ် ဒးပဆုဲပြံၚ်မံၚ်ရဂှ် ဂွံတီကေတ်ရ။
အ္စာဂဥုဲတန်ဍောတ် (၈၈၀၀)ပြၚ် မဒှ်ဇြဟတ်ကောန်ကလောန်ပ္ကတ်ပကေၚ် ၇၁ တၟံကၠံတံဂှ် နုက်တိတ်အာနုကလောန်အိုတ်ယျဂှ် အထံက်ဝန်ဇၞော်ပရေၚ်ထတ်ယုက်ဍုၚ်သဵု ပက်ဇြေန်သူ ဟီုရ။
အစဳအဇန်သၠုၚ်ပ္တိုန် အခေါၚ်တိုန်စိုပ်ဘာဂဥုဲတီတီဒှ်ဒှ်တံဂှ် ပရေၚ်ဒစဵုဒစး ပ္ဍဲလောကကွတ်ပညာဂဥုဲ ကိုဝ်ရဳယျာသၠုၚ်ကျာတံ သၠုၚ်တိုန်မံၚ်ကီုလေဝ် ဟိုတ်နူလၟိဟ်အ္စာဂဥုဲအောန်ကၠုၚ်တုဲ လၟိဟ်မၞိဟ်အယုက်ဇၞော်ဇၞော်တံ ဂၠိုၚ်တိုန်ကၠုၚ်ဂှ်ရ ပရေၚ်ပြုပြေၚ်ပြံၚ်သၠာဲတံ ဟွံဒေါံဟွံဂွံနွံပၟိက်မံၚ်ရဂှ် အလဵုသဳတံ ခၠေဝ်ပၠန်လဝ်ရ။
အ္စာဂဥုဲတံဂှ်တှ်ေ ယဝ်ခါရပြံၚ်သၠာဲသာ်ဂှ်မ္ဂး ကဏ္ဍပရေၚ်ရေၚ်တၠုၚ်တံ ဇီုကပိုက်ကၠုၚ်တုဲ ဇီုကပိုက်ကၠုၚ်ကဵု ဍာ်ဒ္ကေဝ်ပရေၚ်ပညာတံမာန်မံၚ်ရဂှ် သ္ဂးလဝ်ရ။
ဆ္ဂး ညးဍုၚ်ကွာန်နူရးဒေသ အခေါၚ်လွဳတ်ဂဥုဲအောန်မံၚ်တံဂှ်တှ်ေ ထံက်မံၚ်ဂလာန် ကုအစဳဇန်အလဵုသဳတံအိုတ်ရ။
အ္စာဂဥုဲတံဂှ်တှ်ေ ဟိုတ်နူပရေၚ်ပြံၚ်သၠာဲပလေဝ်ပလေတ်ဏံတုဲ မ္ၚးနူစရိတ်ကလောန်သြန်ဂိတုညးတံ ဇီုကပိုက်ဂှ် ဂွိၚ်ဖေက်ဂုဏ်သိက္ခာညးတံစှ်ေမံၚ်အိုတ်ရဂှ် ညးပါ်ပါဲတံဟီုရ။
အလဵုအသဳဂှ်တှ်ေ သွက်အ္စာဂဥုဲတံ ဂွံကလေၚ်ယိုက်ဂၠေၚ်တာလျိုၚ်ပ္ဍဲရုၚ်ဂဥုဲဂှ် ကဵုလဝ်တၚ်စၞောန်လဝ်ကီုလေဝ် လၟိဟ်အ္စာဂဥုဲဗ္ကပ်ဗဗေၚ်တံ သာတုဲဂၠိုၚ်ကၠုၚ်ရဂှ် ဝန်ဇၞော်ပရေၚ်ထတ်ယုက် ဒုၚ်လဝ်ဝန်ရ။
ရုၚ်ဂဥုဲနာနာ ကိုဝ်ရဳယျာသၠုၚ်ကျာဂှ် သွက်ပရေၚ်ပါ်ကရေက်ကာမံက်တိုန်တံဂှ် ဒးဗ္ဒဗ္ဒါဲဒၟံၚ် အ္စာဂဥုဲပ္ကတ်ပကေၚ်တံရ။
ပြဟ်ဟ်ဏံဂှ်တှ်ေ ဟိုတ်နူလၟိဟ်အ္စာဂဥုဲ ဗ္ကပ်ဗဗေၚ်တံ ဂၠိုၚ်တိုန်ကၠုၚ်ဂှ်ရ ညးဗြဴပါ်ကရေက်သၠးဂဝ်ဂၞဴတံကဵု ညးယဲကေန်သာတံဂှ် ဒးပဆုဲပြံၚ်ထောံ တ္ၚဲသၞောတ်ဗ္ၜတ်ဟွံမွဲရဂှ် ဂွံတီကေတ်ရ။
Ref: AFP