ဂျဳနဳဗာ၊ မာတ် ၃
သွက်ဂွံတာဒၞါ ပွမဗ္တိုက်ဒၟံၚ် လ္တူညးဍုၚ်ကွာန်ဍုၚ်ဗၟာတံ ဗွဲမဓဇန်ကြမ်ကြဂှ် နကဵုဗွိုၚ်ဍုၚ်သ္အာၚ်ဂမၠိုၚ် ကေတ်အရေဝ် ထိၚ်ဒက်သၞောတ်ဗ္ၜတ်ထောံ ဒဒှ်မကံၚ်ဇြဳပၞာန် ကလိဂွံဒၟံၚ်သြန်ဍုၚ်သ္အာၚ်တံ ပါလုပ်သီုကဵုဂွံဒၟံၚ်အခေါၚ်ရာန်ကၠေၚ်က္ၜၚ်ကျာ ကေုာံ အခေါၚ်ရာန်လွဟ်လက်နက်တံဂှ် ဇၞော်သ္ကိုပ်အခေါၚ်အရာမၞိဟ်ကုလသမဂ္ဂ ဟီုရ။
ဒဒှ်မပကီုပရာပ်ဒၟံၚ် လ္တူညးဍုၚ်ကွာန် အပ္ဍဲဍုၚ်ဗၟာတံ ပါလုပ်သီုကဵုရိုဝ်ဟေန်ဂျာတံ ဗွဲမဓဇန်ကြမ်ကြဂှ် သွက်ဂွံတာဒၞါ နကဵုဗွိုၚ်ဍုၚ်သ္အာၚ်ဂမၠိုၚ် သွက်ဂွံကလေၚ်စွံအာရီု ကုဇြဟတ်ဓာတ်ညးတံဂှ် ကမ္မယှေန်နာအခေါၚ်အရာမၞိဟ် ဗိုလ်ကာတက်ခ် သ္ဂးလဝ်ရ။
ညံၚ်ကံၚ်ဇြဳပၞာန် ဂွိုအ်ဆက်ကၠောန်သ္ပဍဵုဍိုက် လ္တူညးဍုၚ်ကွာန်တံမာန် သွက်ဂွံဖအိုတ်ကၠေံ အခေါၚ်ရာန်ကၠေၚ်က္ၜၚ်ကျာ၊ လွဟ်လက်နက် ကေုာံ သြန်ဍုၚ်သ္အာၚ်တံဂှ် ဍုၚ်သ္အာၚ်တံ ဒးထေက်ကဵုကၠောန်ရောၚ်ဂှ် ညးဆက်ဟီုရ။
ပ္ဍဲကဵုဍုၚ်ဗၟာဂှ် ရိုဝ်ဟေန်ဂျာတံ ဒးဒုၚ်ပါ်ကၠုၚ်ကဆံၚ်၊ ဍဵုဍိုက်၊ ထဍေၚ်ပ္တိတ်တံ လအ်ကဵုစှော်သၞာံဂှ်တုဲ ဒးမံၚ်ဒၟံၚ် ပ္ဍဲကဵုဗ္ဒိုပ်ညးဒဒိုက်ဍုၚ်သ္အာၚ်တံ ညံၚ်ရဴညးဒးဒၟံၚ်ထံၚ်တံရောၚ်ဂှ် မေဿတာ တက်ခ် ကဵုလဝ်သမ္တီရ။
ဍုၚ်ဗေန်ဂလာန်ဒေတ်ဂှ်လေဝ် ဟိုတ်နူဒးဒုၚ်လဝ်တဲ ရိုဝ်ဟေန်ဂျာတံတၟာဂလိုၚ်ဂှ်ရ ဒဒှ်ရဍုၚ်ညးတံ က္တဵုဒှ်ဒၟံၚ်အန္တရာယ်ယျဂှ်ရ ဗွဲကြဴဏံ ရိုဝ်ဟေန်ဂျာနူဍုၚ်ဗၟာတံဂှ် ဒုၚ်အာတဲ ဟွံသေၚ်ရပုဟ်ဂှ် ဂိတုတုဲကၠုၚ်တေံ ဟီုလဝ်ရ။
ရိုဝ်ဟေန်ဂျာ ဂၠိုၚ်ကဵုကၠံ ဒးဂြိပ်တိတ်ကၠုၚ် ဟိုတ်နူပွပကီုပရာပ်တံဂှ် ဍုၚ်ဗေန်ဂလာန်ဒေတ် တာဒၞါဒၟံၚ် သ္ဂောံလုပ်စိုပ်ဍုၚ်ညးတံရောၚ် ရုၚ်ဇကုတံ ဂွံဒုၚ်ဒၟံၚ်တဲ ပရိုၚ်ပတှ်ေဖျေံစိုတ်ဂွံတံဂှ် မေဿတာ တက်ခ် ကဵုလဝ်သမ္တီရ။
ဟိုတ်နူပဋိပက္ခ ကေုာံ ပရေၚ်ဍဵုဍိုက် ပ္ဍဲကဵုဍုၚ်ဗၟာဂှ်တုဲ ညးဒးဂြိပ်တိတ်ကၠုၚ်တံဂှ် ဍုၚ်သ္အာၚ်တံ သွက်ဂွံစဵုဒၞါကဵုဂှ်လေဝ် နကဵုဇကုတံ ဖ္တိုက်ဖ္အောဝ်ဂှ် ညးသ္ဂးလဝ်ဏီရ။
Ref: Reuters