မဝ်သကိုဝ်၊ မာတ် ၉
ဍုၚ်သွဳဒေန် ဒှ်ကၠုၚ်ဂကောံမဟာမိတ်နေတိုဝ်တုဲ ပ္ဍဲဥရဝ်ပ ပေါဲပၞာန်သုၚ်စောဲဇြဟတ်ပေၚ်ၚ်တုဲ ဒးဗ္တိုက်တံ က္တဵုဒှ်ကၠုၚ်မာန်ဂှ် သၞာဲဒဴရုယှာကဆံၚ်လ္တူမွဲတၠ ကဵုလဝ်သတိရ။
ဇၞော်သ္ကိုပ်အကေဝ်ဒမဳပၞာန် ဒပ်ပၞာန်ရုယှာ သ္ကိုပ်ဗိုလ်ဗလာဒဳမာ ဇြာရုနေဿကဳဂှ် ကြဴနူဒုၚ်တဲ သွဳဒေန် နဒဒှ်ကောန်ဂကောံတုဲဂှ် ကဵုလဝ်သတိ သာ်ဏံရ။
ဍုၚ်ပလိုတ်တံဝွံ ဂလိုၚ်ပ္တိုန်လၟိဟ်ကၟိန်ဍုၚ် ပါလုပ်အာ ပ္ဍဲဒပ်ညးစၞးညးတံတုဲ ဟိုတ်နူကၠောန်ဒၟံၚ် ညံၚ်ပေါဲပၞာန်ယူကရုၚ် အသိၚ်ဂွံသၠုၚ်တိုန်ကၠုၚ်ဂှ်ရ ပ္ဍဲဥရဝ်ပ ပေါဲပၞာန်ဇၞော်ဇၞော် က္တဵုဒှ်ကၠုၚ်မာန်ဂှ် ပါဲဟွံဗၠးပုဟ်ဂှ် ဌာန်ပရိုၚ် RIA ထ္မံက်ထ္ၜးလဝ်ရ။
သ္အာၚ်နူဂှ်ပၠန် ဍုၚ်ပလိုတ်တံဝွံ ရပ်စပ်စကာ ဂကောံဇြဟတ်သာ်ဏံတံတုဲ သွက်ဂွံဆေၚ်မုက်ဒိဓဗတ် ကုရုယှာ လ္ဂောံကဵုပရေၚ်ပၞာန်ဂှ် ပ္တိတ်ဒၟံၚ်ဇြဟတ်ဂှ်လေဝ် ညးဟီုလဝ်ဏီရ။
ပၞာန်ဂၠးကဝ်ဒုတိယ တုဲဒှ်အာ စဵုကဵုသၞာံဗွဲမလအ်လ ဍုၚ်သွဳဒေန် မဒတူလိုၚ် နဒဒှ်ဍုၚ်မံၚ်အကြာဂှ်ဝွံ ဒှ်ကၠုၚ်ဍုၚ်ဂကောံနေတိုဝ် မရနုက်ကဵု ၃၂ ဍုၚ်ရ။
သမ္မတရုယှာ ဗလာဒဳမာပူတေန်ဂှ် ပေါဲပၞာန်နျူကလဳယျာ က္တဵုဒှ်ကၠုၚ်မာန် ဘပဠလဝ်တုဲ ဒပ်နျူကလဳယျာညးသီုဖအိုတ်ဂှ် ညံၚ်ဂွံဗဗွဲကဵုခေတ် ပလေဝ်ပလေတ်လဝ်တုဲယျဂှ် ကဵုလဝ်သမ္တီရ။
ဍုၚ်ဥရဝ်ပတံဂှ်တှ်ေ ပ္ဍဲပေါဲပၞာန်ယူကရုၚ် နကဵုရုယှာ ကလိဂွံပေါဲအံၚ်ဇၞး ဇၞော်ဇၞော်မ္ဂး ဍုၚ်သှ်ေဒၟံၚ်တံဂှ်လေဝ် ဗ္တိုက်ကၠုၚ်မာန်ဏောၚ် ပရေၚ်ဒှ်ဓဝိၚ်သာ်ဏံ နွံဒၟံၚ်ရ။
သမ္မတပြၚ်သေတ် မက်ကရောန်ဂှ် ဗလးဏာဒပ်ဍုၚ်ပလိုတ်တံ ပ္ဍဲယူကရုၚ်မာန်ရောၚ် ဟီုလဝ်ဂှ်ရ ပရေၚ်ဒှ်ဓဝိၚ် စပ်ကဵုပေါဲပၞာန်ဇၞော်ဇၞော်မွဲ က္တဵုဒှ်ကၠုၚ်မာန်ဂှ် မံက်တိတ်ကၠုၚ်ဒၟံၚ် ဇၞော်ဇၞော်သၠဲသၠဲရ။
ဍုၚ်ပလိုတ်တံ ယဝ်ရဗလးအာဒပ် ပ္ဍဲယူကရုၚ်မ္ဂး ပၞာန်ဂၠးကဝ်တတိယ က္တဵုဒှ်ကၠုၚ်မာန် တၚ်သ္ၚဳဂၠိပ်သာ်ဏံလေဝ် နွံဒၟံၚ်ရ။
Ref: Independent