ပျုၚ်ယာန်၊ မာတ် ၁၇
ပရေၚ်ပ္ကတ်ပ္ကေၚ်ပၞာန်ကျာ ကိုဝ်ရဳယျာသၟဝ်ကျာဂှ် အလဵုက္ဍိုပ်သ္ကိုပ် ကေန်ဂျုၚ်အာန် ကောပ်ကာဲလဝ်တုဲ သွက်ဂွံဒစးဒုၚ်ပလေဝ်ပလေတ်လတ် သွက်ပေါဲပၞာန် နတဲစှ်ေစှ်ဂှ် ဖ္တိုက်ဖ္အောဝ်လဝ်ရောၚ် ဌာန်ပရိုၚ်ကၟိန်ဍုၚ် KCNA ထ္မံက်ထ္ၜးလဝ်ရ။
အပ္ဍဲသတ္တာဟဏံ ပြဟ်ဟ်တေံ ကြဴနူကိုဝ်ရဳယျာသၠုၚ်ကျာ ကေုာံ အမေရိကာန်တံ ကၠောန်သ္ပပရေၚ်ပ္ကတ်ပ္ကေၚ်ပရေၚ်ပၞာန် လၟေၚ်သၞာံတုဲဂှ် ပွပ္ကတ်ပ္ကေၚ်ကိုဝ်ရဳယျာသၟဝ်ကျာတံ မံက်တိတ်ကၠုၚ်ရ။
ကၠောန်သ္ပပရေၚ်ပ္ကတ်ပ္ကေၚ်နတဲ မဆပ်စပ်ကဵုပေါဲပၞာန်တိုက်ရိုက်တံဂှ်မှ ကောန်ပၞာန်ဂမၠိုၚ်ဝွံ ဒစးဒုၚ်ပလေဝ်ပလေတ်လဝ် ညံၚ်ရဴသၟာပရေၚ်ဗ္တိုက်တံမာန်ဏောၚ်ဂှ် က္ဍိုပ်သ္ကိုပ်ကေန် ဟီုလဝ်ကဵု ကောန်ဒပ်ညးဂှ် ထ္မံက်ထ္ၜးလဝ်ရ။
စပ်ကဵုကောန်ပၞာန်ကိုဝ်ရဳယျသၟဝ်ကျာတံ ဒှ်ဒၟံၚ်ဒတုဲဂှ်တုဲလေဝ် ဂွံဇြဟတ်ပြေစိုတ်ဂှ် ကေန်ဂျုၚ်အာန် ဟီုလဝ်တုဲ သွက်ဂွံကၠောန်သ္ပပ္ကတ်ပ္ကေၚ် ပ္ဍဲဒၞါဲပွဳပွူနာနာ ရာသဳဥတုနာနာတံ ပ္ဍဲအကာဲအရာသ္ကာတ်မြဟ်အိုတ်တံဂှ် စၞောန်ပ္ညုၚ်လဝ်ရ။
တၚ်တုပ်စိုတ်ပရေၚ်ပၞာန် ကိုဝ်ရဳယျာၜါဍုၚ် ၂၀၁၈ ရန်တၟံ သ္ဂောံဖအောန်ဖျေံအသိၚ်ပရေၚ်ကြံၚ်မ္ၚိုဟ်ဂှ် ကိုဝ်ရဳယျာသၟဝ်ကျာ ပလီုထောံ ပ္ဍဲဂိတုနဝ်ဝေမ်ဗာတုဲကၠုၚ်တေံတုဲ နဒဒှ်အလန်ပထမကိုပ်ကၠာအိုတ် အမေရိကာန် ကေုာံ ကိုဝ်ရဳယျာသၠုၚ်ကျာတံ ပ္ကတ်ပ္ကေၚ်လဝ်ပၞာန်ရ။
ဒပ်ကျာ အမေရိကာန် ကေုာံ ကိုဝ်ရဳယျာသၠုၚ်ကျာတံဝွံ ပွပ္ကတ်ပ္ကေၚ်နတဲတံဂှ်လေဝ် ကၠောန်သ္ပလဝ်ရ။
ပ္ဍဲတ္ကအ်ကိုဝ်ရဳယျာဂှ် ပရေၚ်ကြံၚ်မ္ၚိုဟ်တံ သၠုၚ်တိုန်ကၠုၚ်ဒၟံၚ်တုဲ ဟိုတ်နူပရေၚ်စမ်ၜတ်ကမ်လှောဝ် ကိုဝ်ရဳယျာသၟဝ်ကျာ ဂၠိုၚ်ၚ်ကဵုဝါတုဲ အမေရိကာန် ကေုာံ ကိုဝ်ရဳယျာသၠုၚ်ကျာတံ ပ္တိုန်ဒုဟ်ဟီုဗျိလဝ်အိုတ်ရ။
Ref: Reuters