ကွာလာလာမ်ပူ၊ မေ ၇

သမ္မတ တာမာန်ယှာမူဂါရက်နာန် ကော်ဘိက်တုဲ ဨကရာဇ်မလေဝ်ယှာဝွံ နူဂိတုမေ ၆ စဵုကဵု ၇ ဂှ် အာစိုပ်သေန်ကာပေါဝ်ဏောၚ် ဌာနဝန်ဇၞော်ကာဍုၚ်သ္အာၚ်သေန်ကာပေါဝ် ဟီုရ။

ဣဏံဝွံ ဒးဒုၚ်ခါန်ကၞက်ပ္တိုန် နဒဒှ်ဨကရာဇ်မလေဝ်ယှာတုဲဂှ် ဒှ်လၟေၚ်တရဴဍုၚ်သ္အာၚ် သူလ်တာန်ဨဗရာဟေန်သူတာန်အေဿကာန်ဒါန် အလန်ပထမကၠာအိုတ်ရ။

ညးဝွံ သၞာံ ၂၀၂၂ တေံ အာစိုပ်လဝ်သေန်ကာပေါဝ် အလန်လက္ကရဴအိုတ် နဒဒှ်ဇၞော်သ္ကိုပ်ဒေသဂျဵုဟိုဝ်ရ။

ကြဴနူမအံက်ညး တိုန်နန်တုဲ ဂွံ ၃၄ သၞာံဂှ် ပ္ဍဲဂိတုဂျာန္နဝါရဳတေံ သူတာန်အေဿကာန်ဒါ ဒှ်ကၠုၚ်ဨကရာဇ်မလေဝ်ယှာ မရနုက်ကဵု ၁၇ ရ။

ပ္ဍဲလၟေၚ်တရဴညးဂှ် ဂၞကျာ် ရာဂျာ ဇြာရေတ် သဵုဖဳယာ၊ ဝန်ဇၞော်ပရေၚ်ပလံၚ်ဗစိုပ် အာန်ထိုဝ်နဳလိုဝ်ကဳ ကေုာံ သၞာဲဒဴကဆံၚ်ဇၞော်ဇၞော် တၞဟ်ဟ်တံလေဝ် ပါကၠုၚ်လဝ်ကီုရ။

အပ္ဍဲလၟေၚ်တရဴညးဂှ် ဨကရာဇ်မလေဝ်ယှာဝွံ ဆဵုဂဗအာကဵု သမ္မတသေန်ကာပေါဝ်၊ သ္ကိုပ်ဝန်ဇၞော်၊ လစှ်ေသ္ကိုပ်ဝန်ဇၞော်၊ ဝန်ဇၞော်ပရေၚ်ဘဏ္ဍာတံ ဗွဲတၞဟ်ခြာဏောၚ် မဒှ်ရ။

ဒၞါဲသ္ကိုပ်ဝန်ဇၞော်သေန်ကာပေါဝ်ဂှ် ပ္ဍဲဂိတုမေ ၁၅ တေံ လစှ်ေသ္ကိုပ်ဝန်ဇၞော် ထ္ပက်အဇာ ကေတ်အာတာလျိုၚ်ဏောၚ်ဂှ်ရ ဣဏံဝွံ သ္ကိုပ်ဝန်ဇၞော်ကဵု ဨကရာမလေဝ်ယှာတံ ဆဵုဂဗလက္ကရဴအိုတ် ဒှ်ကၠုၚ်ဏောၚ် မဒှ်ရ။

Ref: CNA

Leave a Reply

Your email address will not be published. Required fields are marked *