ဒါကာ၊ ဂျောန် ၂၃
နကဵုဒပ်ပၞာန်ဗၟာ ကေုာံ ဒပ်ပၞာန်ရခေၚ် AA တံ ယဝ်ရဆက်ကၠောန်သ္ပဒၟံၚ် ပရေၚ်ပန်ပှော် ပ္ဍဲတိဍာ်တွဵုဒၞက် ဗေန်ဂလာန်ဒေတ်မ္ဂး ကလေၚ်ခၠေဝ်ပၠန်အာဏောၚ်ဂှ် ဝန်ဇၞော်ကာအပ္ဍဲဍုၚ် ဗေန်ဂလာန်ဒေတ် အသာဒူဇြာမာန်ခါန် ဟီုလဝ် ပ္ဍဲဂိတုဂျောန် ၂၀ တေံရ။
စပ်ကဵုပရေၚ်ပန်ပှော် အပ္ဍဲဍုၚ်ညးတံ နွံလဝ်ဂှ်တုဲ ဒဒှ်ရဒှ်တဴဓဝိၚ်တၟာဂလိုၚ်ဂှ် ကဵုလဝ်သတိ ကုဒပ်ပၞာန်ဗၟာ ကဵု AA တံ ဗွဲမဇြိုဟ်နက်တုဲယျဂှ်လေဝ် ဝန်ဇၞော်ခါန် ဟီုရ။
ယဝ်ရပရေၚ်ပန်ပှော်တံ ဟွံဒေါအ်ဒေၚ်အာပုဟ်ဟီုမ္ဂး နကဵုညးတံ ခၠေဝ်ပၠန်အာဏောၚ်တုဲ ယဝ်ရညးတံ ဒးဒုၚ်ဗ္တိုက်မ္ဂး သွက်ပရေၚ်ဗ္တိုက်ဏံဂှ် ခၠေဝ်ပၠန်အာဏောၚ်ဂှ် ဝန်ဇၞော်ခါန် ဟီုလဝ်ကဵု အ္စာပရိုၚ်ဂမၠိုၚ်ရ။
ပ္ဍဲဍုၚ်ဗၟာ ပြသၞာအပ္ဍဲဍုၚ် နွံဒၟံၚ်ညိညတုဲ ဂကောံဇြဟတ်ကောန်ဍုၚ်အရၚ် ဟွံတုပ်သၟဟ်တံလေဝ် နွံဒၟံၚ်တုဲ အကြာညးတံ ဒှ်ဒၟံၚ်ပဋိပက္ခရောၚ် ဝန်ဇၞောန်ခါန် ဟီုလဝ်ရ။
ပ္ဍဲတွဵုရးရခေၚ် ဒေသဗွဲမဂၠိုၚ်ဂၠေၚ်ဂှ် AA သီဂွံလဝ်ရောၚ် ပိုယ်တံ ဂွံတီကေတ်တုဲ ကောန်ဒပ်မၚ်ပယျဵုဗၟာတံ ဂြိပ်လုပ်ကၠုၚ်လဝ် ပ္ဍဲဍုၚ်ဗေန်ဂလာန်ဒေတ်တံဂှ်ရောၚ် ဝန်ဇၞော်ဂှ် ဟီုရ။
လဆောဝ်လဆောဝ် ဒပ်ပၞာန်ဗၟာကဵု AA တံ ဒဒှ်ရ ဗၠေတ်မှာတုဲ လေပ်ပန်ပှော်ဒး ကုဒပ်မၚ်ပယျဵု ဗေန်ဂလာန်ဒေတ်တံဂှ်လေဝ် နွံဂှ် ဝန်ဇၞော်ဂှ် ဟီုဗပေၚ်လဝ်ရ။
ပ္ဍဲကဵုက္ၜၚ်ညးတံ ယဝ်ရပစူလဝ်အလာံဗေန်ဂလာဒေတ် ကၠးကၠးဖ္ဍးဖ္ဍးမ္ဂး ညးလဵုမွဲမှ ပန်ဟွံဂွံပုဟ်ဂှ်လေဝ် ညးဟီုရ။
နူဒေသ တဳခနာတ် ယာန်ဍာ်ဂမၠိုၚ် အာကၠုၚ်တ္ကအ်သုက်မာတေန်ဂှ် ပ္ဍဲကဵုၜဳနာတ် ဒၞါဲလ္ၚဵုတံဂှ် အာကၠုၚ်ဝါတ်ဂါတ်တုဲ တၚ်ကော်ဆဴတံ နွံဒၟံၚ်ဂှ်လေဝ် ဝန်ဇၞော်ခါန်ဂှ် ဟီုလဝ်ရ။
ဟိုတ်ဂှ်ရ နကဵုဗေန်ဂလာန်ဒေတ် ဒးလုပ်စိုပ်အာကၠုၚ်ဒၟံၚ် ပ္ဍဲဗလးဍာ်ဍုၚ်ဗမာဂှ်ရ ပရေၚ်ပန်ပှော် ဒပ်ပၞာန်ဗၟာ ဟွံသေၚ်မ္ဂး AA တံ ဒဒှ်ရနွံလဝ်ဂှ် ညးဟီုလဝ်ရ။
ပြဟ်ဟ်ဏံဂှ်တှ်ေ လ္ပာ်ဍုၚ်ဗၟာ ပန်ပှော်လဝ် က္ၜၚ်ဗေန်ဂလာန်ဒေတ်တံ ဟွံမွဲရဂှ်ကီု၊ က္ၜၚ်ၜါဖ္ဍိုက် ဖျေံလဝ် လ္ပာ်ဍုၚ်ဗၟာဂှ်လေဝ် ကလေၚ်ကော်ဏာယျဂှ် ဝန်ဇၞော် ဆက်ဟီုလဝ်ရ။
ညံၚ်ပရေၚ်ပန်ပှော် ဗွဲကြဴ ဟွံဂွံမွဲဂှ် ညးတံ စၟဳကေတ်ကီုလေဝ် နကဵုညးတတ်ကၠောံအာကၠုၚ် ဒေသတံဏံဂမၠိုၚ် သွက်ဂွံစွံသတိအိုတ် ဒဒှ်ရမိက်ဂွံဖ္တိုက်ဖ္အောဝ်ဂှ် ဝန်ဇၞော်ကာအပ္ဍဲဍုၚ် ဗေန်ဂလာဒေတ် ဟီုလဝ်ရ။
Ref: BSS