ၜၚ်ကံက်၊ ဒဳဇြေမ်ဗာ ၂၁
စပ်ကဵုကံၚ်ဇြဳပၞာန်ဗၟာတုဲ ပ္ဍဲဂကောံအာဇြဳယာန်ဂှ် လညာတ်ဟွံတုပ်သၟဟ်တံ နွံဒၟံၚ်ဖိုဟ်တုဲ သွက်ဂွံဆက်ဆောံကဵုသ္ကိုပ်ဗိုလ်ပၞာန်ဗၟာတံဂှ် ဍုၚ်သေံ စမ်ၜတ်ရပ်စပ်အာ နဲကဲပရေၚ်ကလုတ်တမာန်တၟိတံဏောၚ်ဂှ် ဌာနဝန်ဇၞော်ကာဍုၚ်သ္အာၚ် ဟီုလဝ်ရ။
ဍုၚ်သေံဂှ်တှ်ေ သွက်ဂွံကလေၚ်ဗပေၚ်ဇြဟတ် လၟေၚ်ကမၠောန်ပရေၚ်ၜိုဟ်လလမ်ဍုၚ်ဗၟာဂှ်တုဲ စဳဇန်လဝ် သ္ဂောံဒုၚ်တဲကၠောန်ဗဒှ်အာ ပေါဲသဳကၠဳဒေသမဆေၚ်စပ် ဗွဲမလုပ်သၞောဝ်ဟွံသေၚ်တံဂှ်တုဲ ကိစ္စပေါဲရုဲမာဲ ကံၚ်ဇြဳပၞာန် စဳဇန်ဒၟံၚ် သ္ဂောံဂွံကၠောန်ဗဒှ်ဂှ်လေဝ် စုတ်သဳကၠဳအာဏောၚ်ဂှ် တမ်ရိုဟ်ပရိုၚ်ဂမၠိုၚ် ဟီုလဝ်ရ။
ဍုၚ်သေံဂှ်တှ်ေ ပရေၚ်သွံရာန်ဗၞိက် အောန်စှ်ေအာကီု၊ ညးဆုဲပြံၚ်မံၚ်တန်တဴ ဟွံမွဲကဵုလိက်တၞးသက်သဳတံ လုပ်စိုပ်ကၠုၚ် အပ္ဍဲဍုၚ်ညးတံ နကဵုလၟိဟ်ဗွဲမဂၠိုၚ်ဂၠေၚ်ဂှ်မပါလုပ် သွက်ကိစ္စဗွဲမဂၠိုၚ်ဂၠေၚ်ဂှ် ဒှ်ဒၟံၚ်ဓဝိၚ်ရ။
တုဲပၠန် ပ္ဍဲပယျဵုဒှ်ဒၟံၚ်ပရေၚ်ကယျာန်ဓဝါန် အကြာၜါဍုၚ် ပ္ဍဲတွဵုရးသေံဇၞော်ဂှ် စပ်ကဵုဒပ်ပၞာန်ဝတံ ဖျေံလဝ်ဒပ်ဂှ်တုဲလေဝ် ဍုၚ်သေံ ဒစဵုဒစးလဝ်တုဲ သွက်ဂွံဆုတ်ကလေၚ်ကဵုဂှ် အာတ်မိက်လဝ်ကီုလေဝ် ဟွံပြေပြံၚ်ဏီဖိုဟ်ရ။
အကြာသၞာဲဒဴဍုၚ်သေံကဵု ဍုၚ်ဗၟာတံဂှ် သဳကၠဳအာ ပရေၚ်ဗ္တိုက်သ္အးအမှုရာဇဝတ်ကၠောံၜက်ပယျဵုတံဂှ်ဏောၚ်ဂှ် ညးမၞုံအခေါၚ်ဟီုဂး ကံၚ်ဇြဳပၞာန် ဟီုလဝ်ကီုလေဝ် တ္ၚဲလဵုမွဲ သဳကၠဳအာဏောၚ်ဟီုဂှ် ဟွံဟီုလဝ်ရ။
ဍုၚ်သေံဂှ်တှ်ေ ဍုၚ်မလုပ်ဂကောံအာဇြဳယာန််တံ ဟွံပါမွဲသာ် သွက်ပရေၚ်ဆက်ဆောံ ကုကံၚ်ဇြဳပၞာန်ဂှ် ပ္တိတ်အာဇြဟတ် နကဵုနဲကဲကလုတ်တမာန်တၟိတံဏောၚ်ဂှ် သၞာဲဒဴသေံဂမၠိုၚ် ဟီုလဝ်ရ။
Ref; Pimr Asia News