က္ၜၚ်ကံက်၊ ဂျာန္နဝါရဳ(၇)
ဟိုတ်နူရေၚ်တၠုၚ်ဒၟံၚ် ညံၚ်ကောန်ကမၠောန်ဍာ်(၄)တၠတံ သ္ဂောံဗၠးတိတ်ကၠုၚ်ဂှ်ဖိုဟ်တုဲ အတိုၚ်စၟဳစလဝ်ပြဟ်ဟ်တေံ ပ္ဍဲဂိတုဂျာန္နဝါရဳ စၟတ်တ္ၚဲ(၄)ဂှ် ဟွံကလေၚ်ဗၠးတိတ်ကၠုၚ်ဏီရဂှ် ဝန်ဇၞော်ကာစဵုဒၞါသေံ ဖွမ်တာမ် ဝဳချာယာဇျှာဲ ဟီုရ။
ညံၚ်ကောန်ဍုၚ်သေံ(၄)တၠ သ္ဂောံကလေၚ်ဗၠးတိတ်ကၠုၚ်ဂှ် ရေၚ်တၠုၚ်ဒၟံၚ်ဖိုဟ်ရောၚ်တုဲ ဌာနဝန်ဇၞော်ကာဍုၚ်သ္အာၚ်ဂှ် အရာဒးရေၚ်တၠုၚ်အဆက်လက်ကရဴတံဂှ် ရေၚ်တၠုၚ်မံၚ်ရောၚ်ဂှ် ဝန်ဇၞော်ဝဳချာယာဇျှာဲ ဟီုသ္ဂးလဝ် ပ္ဍဲဂိတုဂျာန္နဝါရဳ စၟတ်တ္ၚဲ(၅)ဂှ်ရ။
ကောန်ကမၠောန်ဍာ်သေံ (၄)တၠ ဒးဒုၚ်ရပ်လဝ်ပ္ဍဲဍုၚ်ကအ်သံၚ်ဂှ် မသကလောကောဒေံညးတံ အာစိုပ်ဆဵုဂဗလဝ်တုဲ သီုပန်တၠ ပရေၚ်ထတ်ယုက် ကာယကီုစိုတ်ကီု ခိုဟ်ဒၟံၚ်ရဂှ် ဝန်ဇၞော်ဝဳချာယာဇျှာဲ ဟီုရ။
ခြာဟွံလအ်ဏံ သၞာဲဒဴဗၟာတံ ကလေၚ်ဗလးကဵုညးတံပန်တၠဂှ်ရောၚ်ဂှ် ဝန်ဇၞော်ကာစဵုဒၞါသ္ပဒတန်လဝ်ကီုလေဝ် ဟိုတ်နူပြဿနာ စပ်ကဵုလၟေၚ်ကမၠောန် ညးတံသ္ဂောံဗၠးတိတ်ဂှ်တုဲ တ္ၚဲဗၠးတိတ်ချိုတ်တ်ပၠိုတ်တ်ဂှ် ဟွံဂွံတီကေတ်ဏီရဂှ် သ္ဂးရ။
ပ္ဍဲဂိတုနိုဝေန်ဗာ လ္ပာ်အိုတ်ဂှ် နကဵုအမှုလုပ်စိုပ်ပ္ဍဲတွဵုဒၞက်ဍာ်ဍုၚ်ဗၟာဂှ် ကံၚ်ဇြဳပၞာန် ဖျေံလဝ်ဒဏ်ထံၚ် ကုကောန်ဍုၚ်သေံ (၄)တၠတံ နူ(၄)သၞာံ စဵုစိုပ်(၆)သၞာံရဂှ် တုဲကၠုၚ်ခြာဟွံလအ်ဂှ် ပရိုၚ်တိတ်ကၠုၚ်လဝ်ရ။
ပြဟ်ဟ်တေံဂှ် ဝန်ဇၞော်ဝဳချာယာဇျှာဲဂှ် ပ္ဍဲတ္ၚဲဗၠးၜး ဂိတုဂျာန္နဝါရဳ စၟတ်တ္ၚဲ(၄)ဏံမ္ဂး ကောန်ဍုၚ်သေံ (၄)တၠဏံ ဗၠးတိတ်ရောၚ်ဂှ် ဟီုပ္တိတ်လဝ်ရ။
ပ္ဍဲတ္ၚဲဂှ်ဂှ် ကောန်ဍုၚ်သေံတၞဟ်ဟ် (၁၅၁)တၠ ဗၠးတိတ်ကၠုၚ်လဝ် နူကဵုထံၚ်စာတ်ဍုၚ်ဗၟာရ။
ဟိုတ်နူကံၚ်ဇြဳပၞာန်တံ ရပ်လဝ်ကောန်ဍုၚ်သေံ(၄)တၠဂှ် အခိၚ်ဗွဲမလအ်လဂှ်ရ သကဵုစိုတ်လီုအာယျဂှ် ညးမၞုံအခေါၚ်ဟီုဂး ဌာနဝန်ဇၞော်ကာဍုၚ်သ္အာၚ် ဗာလာန်ကူရ ဟီုရ။
သွက်ကောန်ဍုၚ်တံဂှ် ဂွံဗၠးတိတ်ဂှ် ဌာနဝန်ဇၞော်ဇကုတံ ၜိုတ်သၟဟ်အစောံဆက်ဂ္စာန်အာရောၚ်ဂှ် ညးထပ်ဟီုဗပေၚ်စုတ်လဝ်ရ။
ဌာနဝန်ဇၞော်ကာဍုၚ်သ္အာၚ်ကံၚ်ဇြဳပၞာန်ဂှ် ၜိုန်ရပံၚ်တောဲရေၚ်တၠုၚ်ကဵုမံၚ်ကီုလေဝ် ဟိုတ်နူလၟေၚ်ကမၠောန်ကၟိန်ဍုၚ်ဗၟာတံတုဲ သွက်ကောန်ကမၠောန်ဍာ်(၄)တၠဏံ သ္ဂောံဗၠးတိတ် လအ်လမံၚ်ရဂှ် ညးမၞုံအခေါၚ်ဟီုဂး ဗာလာန်ကူရ ဟီုရ။
သၞာဲဒဴရုၚ်ကလုတ်သေံ မၞုံဍုၚ်လ္ဂုၚ်တံ အာစိုပ်ကအ်သံၚ်တုဲ ဆဵုဂဗလဝ်ကဵု ကောန်ဍုၚ်သေံ(၄)တၠတံတုဲ၊ နအလဵုညးတံဂှ် အေၚ်ဒုၚ်တုဲ သွက်ဂွံပ္ညဳပ္ညပ်ချိုတ်တ်ပၠိုတ်တ်ဂှ် နွံပၟိက်ရဂှ် ညးမၞုံအခေါၚ်ဟီုဂး ဌာနဝန်ဇၞော်ကာဍုၚ်သ္အာၚ်သေံဂှ် ဟီုဗပေၚ်စုတ်လဝ်ရ။
Ref: Bangkokpost