နျူယျံက်၊ ဂျာန္နဝါရဳ ၁၂
စပ်ကဵုပရေၚ်ထ္ပက်လဝ်လှုဲ ကၟာတ်လဝ်ပရိုၚ် ညးဗြဴ Porn Star မွဲတၠဂှ်တုဲ နကဵုဒဝ်နေဝ်ထြာပ် မဂွံဇၞးလဝ် ပေါဲရုဲမာဲသမ္မတအမေရိကာန်ဂှ် ဟွံဒးဒုၚ် ဒဏ်ထံၚ်၊ ဟွံဒးဒုၚ် ဒုဟ်ဒဏ်တၞဟ်ဟ်တံရပုဟ်ဂှ် နာဲဗ္စာမွဲတၠ သ္ဂုတ်သွာတ်လဝ် ပ္ဍဲဂိတုဂျာန္နဝါရဳ ၁၀ တေံရ။
နာဲဗ္စာ ဟောန်မာချက်ဂှ်တှ်ေ ကၠာပေါဲယဵုဒုၚ်သစ္စာ ဒဝ်နေဝ်ထြာပ်မၞုံအာယုက် ၇၈ ပ္ဍဲဂိတုဂျာန္နဝါရဳ ၂၀ တေံ ဟွံဂွံစဂှ် ကဵုလဝ်အခေါၚ်ဗၠးနူဒုဟ်ဒဏ်ရ။
ထြာပ်ဝွံ ဒုဟ်ပြာကတ်တုဲ အခိၚ်ဒးဒုၚ်ဖျေံလဝ်ဒုဟ်ဒဏ်ဂှ် ဒှ်ကၠုၚ်သမ္မတအမေရိကာန် အလန်ကိုပ်ကၠာအိုတ်မွဲတၠရ။
ပ္ဍဲကဵုသၞောဝ်သ္ဇိုၚ်ဒက်ပ္တန် အမေရိကာန်ဂှ်တှ်ေ ညံၚ်ဟွံဂွံဖျေံဒုဟ်ဒဏ် ကုသမ္မတတံဂှ် စဵုဒၞါကဵုလဝ်တုဲ ဒဒှ်ရဟွံဖျေံဒုဟ်ဒဏ် မပ္တံကဵုဒဏ်ထံၚ်၊ ဒဏ်သြန် ကေုာံ ဒုဟ်ဒဏ်တၞဟ်ဟ်တံဂှ် နာဲဗ္စာ ဟောန်မာချက် ဟီုလဝ်ရ။
နကဵုထြာပ် နကဵုအရီုဗၚ်သၞောဝ်ဥပဒေသာ်ဏံဂှ် ကလိအာကဆံၚ်ဒၞါဲမာန်ကီုလေဝ် ဗ္ၜတ်အမှုရာဇဝတ်ညး မသ္ကာတ်မြဟ်ဂှ် ယအ်စှ်ေအာဟွံသေၚ်တုဲ ပြဝညး ဒဒှ်ရဗဗွဲဓဝ်ဂှ်လေဝ် မိက်ဂွံသ္ဂး သာ်ဏံဟွံသေၚ်ပုဟ်ဂှ် နာဲဗ္စာ ဟောန်မာချက် သ္ဂးရ။
ထြာပ် အခိၚ်ဂွံဇၞးကေတ်ပေါဲရုဲမာဲ အလန်ပထမတေံ ညးဗြဴ Porn Star ညးမကော်မိပ်လဝ်မွဲစွံဂှ် ညံၚ်ဟွံဂွံဟီုပ္တိတ်ဒဒှ်ဍာံဂှ် ကဵုလဝ်ၚုဟ် ခရိတ်ကၟာတ်ပရိုၚ်ရ။
ညးဂှ်တှ်ေ ဒုဟ်ဟွံမွဲပုဟ် ဟီုပ္တိတ်လဝ်ကီုလေဝ် နူကဵုရုၚ်သၞောဝ်ဓဝ် ယဝ်ရသ္ဂုတ်သွာတ်ကၠုၚ် ညးဒုဟ်နွံဏောၚ်ဟီုမ္ဂးလေဝ် ဒဒှ်ရလုပ်အာတ်ဒုၚ်ဂုန်ဏောၚ်ဂှ် ဟီုကြီုလဝ်ရ။
ပွမပ္တိတ်ကၠုၚ်ဇြဟတ် ညံၚ်ညးဂွံဒးဒုၚ်ဒုဟ်ဒဏ် နကဵုဂဗုတ်ဏံဂှ်ဝွံ ညံၚ်ညးဟွံဂွံဇၞး ပေါဲရုဲမာဲဂှ် ဒှ်ပွပ္တိတ်ဇြဟတ် ဟွံအံၚ်ဇၞးမွဲရောၚ်ဂှ် ထြာပ်ဟီုလဝ်ရ။
စပ်ကဵုပရေၚ်ကဵုအခေါၚ်ဗၠးနူဒုဟ် ကုထြာပ်ဂှ်တုဲ ညးရေၚ်တၠုၚ်ဂဗုတ် အလဵုအသဳအမေရိကာန်တံလေဝ် ထံက်လဝ်ဂလာန်ဂှ် ဂွံတီကေတ်ရ။
Ref: Reuters