မတ်မလီု၊ ဂျာန္နဝါရဳ ၂၄
တွဵုရးဍုၚ်မန် ပ္ဍဲဍုၚ်မတ်မလီုဂှ် တိဗိလာတ်မွဲရိုက် ၚုဟ်သၠုၚ်တိုန်ကၠုၚ် စဵုကဵုပွဳပွူ ၃၀၀၀၀ ဒ္ကေဝ်တုဲ ဒးဂဗဒၟံၚ်ကဵု အကာဲအရာ ကပေါတ်အပ္ဍဲဗွဝ်ဖျာ ပိုတ်အိုတ်ဂှ် တၠကမၠောန်ပရေၚ်သိုၚ်ခၞံဂမၠိုၚ် ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။
ပ္ဍဲဂိတုဂျာန္နဝါရဳ သတ္တာဟပထမတေံ တိဗိလာတ် ၚုဟ်မၞုံလဝ် ၁၈၀၀၀ ဒ္ကေဝ်ပြၚ်ဂှ်ဝွံ ပ္ဍဲဂိတုဂျာန္နဝါရဳ သတ္တာဟတတိယဂှ်တှ်ေ မွဲရိုက်ဂှ် ၚုဟ်သၠုၚ်တိုန်ကၠုၚ် စဵုကဵု ၂၇၀၀၀ ဒ္ကေဝ်ပြၚ်တုဲ ပ္ဍဲဒေသလ္ၚဵုတံဂှ်တှ်ေ ဒှ်ကၠုၚ်စဵုကဵုရာန်ဟွံဂွံရ။
တိဗိလာတ် ပိုတ်အိုတ်ကၠုၚ်ဂှ်ဝွံ ပ္ဍဲရုၚ်စက်တိဗိလာတ်မျာၚ်ကလေဝ် တွဵုရးကရေၚ်ဂှ် ပၠံၚ်သၟုဟ်ဓာတ်ပိုတ်ဒၟံၚ် မွဲသတ္တာဟပြၚ်အာတုဲ ပရေၚ်ပလေဝ်ပလေတ်တံ ဟွံမွဲဏီဂှ် သ္ဂးရ။
လအာတုပ်သာ်ဂှ်ကီု ဟိုတ်နူၚုဟ်တိဗိလာတ် က္ဍၚ်တိုန်ကၠုၚ်ဂှ်တုဲ ကပေါတ်အရပ်စပ်မဆက်စပ်ဂမၠိုၚ် မပ္တံကဵုပသဲ၊ ဍိုတ်၊ ဗတဳ၊ တၟအ် ကပေါတ်ဗၞိက်အပြောံသာ်ဏံဒှ်တမ် ၚုဟ်ဗက်တိုန်ကၠုၚ်ဂှ် ဂွံတီကေတ် ဇရေၚ်တၠကမၠောန်တံရ။
အပ္ဍဲပွိုၚ်ၜါသတ္တာဟ ပရေၚ်တိဗိလာတ်ပိုတ်အိုတ်ဒၟံၚ်ဏံဂှ် ယဝ်သောၚ်ကလးကဵုဟွံမာန်မ္ဂး ပရေၚ်ဇီုကပိုက်ဇၞော်ကဵုဇြဟတ် လ္တူကဏ္ဍပရေၚ်သိုၚ်ခၞံတံ နွံကၠုၚ်မာန်ဂှ် တၠကမၠောန်ဂမၠိုၚ် သ္ၚဳဂၠိပ်လဝ်ရ။
ပရိုၚ်−သြၚ်လောန်တိုၚ်(မ်)
ဗီု−CJ