မတ်မလီု၊ ဨပရဴ ၂၆
ထံၚ်စာတ် ကေုာံ ဂုက်အချုက်လ္ပာ်ပၞာန် နွံသၟဝ်ကောပ်ကာဲဌာနဝန်ဇၞော်ကာစဵုဒၞါ အလဵုအသဳညဳသၟဟ်ဂကူ NUG ဂှ် ရုၚ်သၞောဝ်ပဒေပၞာန် စၟဳတ်အာ ဗွဲမဗဗွဲကဵုသၞောဝ်ဏောၚ်ဂှ် လလောၚ်ပ္တိတ်လဝ်ပရိုၚ်ရ။
ညံၚ်ပရေၚ်ကောပ်ကာဲ ထံၚ်စာတ် ကေုာံ ဂုက်အချုက်လ္ပာ်ပၞာန်တံဏံ ဂွံကိတ်ညဳကဵုသၞောဝ်လၟေၚ်ကမၠောန် မဆက်စပ်ဂမၠိုၚ်ဂှ် သ္ကိုပ်က္ဍိုက်ပ်ပၞာန် ဒပ်ပၞာန် PDF သ္ပဒတန်လလောၚ်ပ္တိတ်ကၠုၚ်လဝ် အမိၚ် စၟတ် (၆၂/၂၀၂၅) နကဵုစၟတ်တ္ၚဲ ဂိတုဨပရဴ ၂၄ ရ။
စပ်ကဵုညးဒးဒုၚ်လဝ်ဒုဟ်ဒဏ်ဂမၠိုၚ်၊ ညးဒးဒုၚ်ချုက်လဝ်ဂမၠိုၚ်ဂှ်တုဲ ပ္ဍဲအရာစၟဳတ်ဂဗုတ် ကေုာံ သွက်ဂွံဂွံအခေါၚ်အရာ မထေက်ကဵုဂွံဂမၠိုၚ် ဗွဲမဗဗွဲကဵုသၞောဝ်၊ လၟေၚ်ကမၠောန်၊ စေဝ်ပၞောန်၊ တၚ်စၞောန်ပၟိၚ်တံဂှ် ညံၚ်အခိၚ်ဟွံဂွံလအ်လဂှ် ရုၚ်သၞောဝ်ဥပဒေပၞာန် သွက်ဂွံစၟဳတ်မၚ်ရံၚ်အာ မဒှ်ရ။
ပ္ဍဲကဵုထံၚ်စာတ် ကေုာံ အချုက်ဂုက် လ္ပာ်ပၞာန်တံဂှ် စၟဳတ်မၚ်ရံၚ်အာ လၟိဟ်ကောန်ဒုဟ်ဂမၠိုၚ် ကေုာံ အခေါၚ်အရာမပ္တံကဵု ပရေၚ်မၚ်မွဲရံၚ်စံၚ်ပရေၚ်ထတ်ယုက်၊ ပရေၚ်စသုၚ်မံၚ်စံၚ်တံ ကလိဂွံလဝ် နွံဟွံမွဲဂှ်ဏောၚ်ဂှ် ထ္မံက်ထ္ၜးလဝ်ရ။
သ္အာၚ်နူဂှ်ပၠန် ပ္ဍဲအရာစၟဳတ်ဂၠိုက်ဂၠါဲဂဗုတ်တံဂှ် သွက်ဂွံစၟဳတ်အာ ဒဒှ်မအခိၚ်မလအ်လ လဇုဲလဇ နွံ၊ ဟွံမွဲဂှ်ကီု၊ ဒဒှ်မရပ်ထိၚ်လဝ် ဗွဲမဗဗွဲကဵုသၞောဝ် နွံ၊ ဟွံမွဲ တၚ်စၞောန်သာ်ဏံတံ ပါလုပ်ဂှ် ကဵုသမ္တီလလောၚ်ပ္တိတ်လဝ်ရ။
တၚ်လလောၚ်ပ္တိတ်အမိၚ်ဂှ်တှ်ေ အလဵုအသဳညဳသၟဟ်ဂကူ NUG ၊ ဌာနဝန်ဇၞော်ကာစဵုဒၞါ၊ ဒပ်ပၞာန်စဵုဒၞါညးဍုၚ်ကွာန် PDF ၊ ဂအုပ်ရုၚ်ပၞာန်တံ လလောၚ်ပ္တိတ်လဝ်ရ။
ပရိုၚ်−သြၚ်လောန်တိုၚ်(မ်)
ဗီု−NUG