ၜၚ်ကံက်၊ နိုဝမ်ပါ ၁၈
ပ္ဍဲကဵုအကြာသၞာံ ၂၀၂၆ ဏံ သ္ပအစာံစမ်ၜတ်ကၠုၚ်လဝ်ဗီုပြၚ်ဍာ်သၟဝ်တိ နူကဵုခရိုၚ် ဇံၚ်မာဲ ဇံၚ်ရာဲ ၁၃၃ ဒၞာဲတုဲ ပ္ဍဲကဵု ၉ ဒၞာဲဂှ် ဍာ်မွဲလေတ် သၞောတ်ဗ္ၜတ်ဓါတ်ဂျိအာသေန်နေတ် ပါလုပ်မံၚ်ၜက်အာ နူကဵု ၀ ဒသမ ၀၁ မဳလဳဂရမ်ဂှ် နူကဵုဌာနရိုဟ်ကၞက်ဍာ်သၟဝ်တိ အလဵုအသဳသေံ လလောၚ်ပတိတ်လဝ်ပရိုၚ်ရ။
သှ်ေမံၚ် ၁၂၄ ဒၞာဲတံဂှ် ၜက်မံၚ်နူကဵုသၞောတ်ဗ္ၜတ်တံ ဟွံမွဲပုဟ်ဂှ် ညးတာလျိုၚ်သေံတံ ဟီုရ။
ပ္ဍဲကဵုသၟဝ်ကျာဍုၚ်သေံ အကြာဇိုၚ်ကြုၚ် တမ်ကၞောတ်ကြုၚ်တံဂှ် ဂၠိုက်ဂၠာဲဆဵုညာတ်လဝ် ဂျိအာသေန်နေတ်တံတုဲ သွက်ဍာ်ၜဳဍာ်ကြုၚ် ဂွံကလေၚ်သ္ဇးဇ္ၚးကၠုၚ်ဂှ် ကၠောန်အာမံၚ် ပရေၚ်ဂၠိုက်ဂၠာဲမၚ်မွဲရံၚ်စံၚ်အာတံ နွံရ။
ပ္ဍဲကဵုအကြာဒၞာဲတံဏံ ၜံက်ခါဲလဝ် ဍာ်ပလိုၚ်ဇြိုဟ်ဟ် စကာသုၚ်စောဲမံၚ် ဍာ်တံဏံဂှ်ရ ဒးဆက်မံၚ်ရံၚ်အာပၠန်ရောၚ် ညးတာလျိုၚ်သေံတံ ဟီုရ။
ပရောဒဒှ်ဍာံ ဍာ်ဂွံကၠိခန်ပပ်ပဳအာ ဒှ်အန္တရာဲမာန်တံ ညံၚ်ဂွံဂၠိုက်ဂၠာဲလ္ၚတ်အာ ချိုတ်တ်ပၠိုတ်တ်မာန်ကီု ပရေၚ်ဆက်စပ် အကြာဗလးတိကဵု ဍာ်တံဂှ် ဒးဆက်ကၠောန်အာ သုတေသနပၠန်ရောၚ်။
ညးမံၚ်စံၚ်တန်တဴအာမံၚ် ဍာ်ဇမၠိၚ် ပ္ဍဲအကြာဒေသတံဏံ သွက်ဂွံယှအ်ဖျေံ အန္တရာဲပရေၚ်ထတ်ယုက်ညးတံမာန်ဂှ် ရုဲစှ်စကာသုၚ်စောဲ သၞောတ်ဟဍိုဟ်ကေတ်ဍာ်တံတုဲ အတိုၚ်နူကဵုဌာနဍာ်သၟဝ်တိ စၟတ်ကဵုလဝ် ဍာ်နူကဵုဒၞာဲဗၠးဘဲအန္တရာဲဂှ်ဟေၚ် သုၚ်စောဲအာညိဂှ် ညးတာလျိုၚ်သေံတံ ကဵုလဝ်ကသပ်ရ။
Ref:TheNationThailand

