ဍာ်ဗု၊ မေ ၃၀
ဟိုတ်နူပေါဲဗ္တိုက်ၜါလ္ပာ် က္တဵုဒှ်ဒၟံၚ် ဗ္ဒါဲဒၞါဲဒေသပရေၚ်ပိုန်ဒြပ်တၟေၚ်ထဝါဲ ပွိုၚ်ဍုၚ်ဍာ်ဗု ရးတၞၚ်သဳဂှ်တုဲ ညးဍုၚ်ကွာန်ဒေသ ၁၀၀၀ ပြၚ် ထောံလသာဌာန်ဒၟံၚ် ဒးဂြိပ်ဒဴပါဲဒလေတ်ဒၟံၚ်ရောၚ် ဂွံတီကေတ် ဇရေၚ်ဂကောံဇြဟတ်ပၠန်ဂတးတံရ။
စနူဂိတုမေ ၂၉ တုဲ ဒပ်ကံၚ်ဇြဳပၞာန် ထ္ပက်ကၠုၚ်ကရောၚ်ပၞာန် လ္ပာ်ပလိုတ်ကွာန်ဨကနိ ဗ္ဒါဲအပိုၚ်အခြာဒေသပရေၚ်ပိုန်ဒြပ်တၟေၚ်ထဝါဲဂှ်တုဲ ဒှ်လဝ်ပေါဲဗ္တိုက်ၜါလ္ပာ် ကုဒပ်ပၠန်ဂတးရ။
ဒပ်ကံၚ်ဇြဳပၞာန် ထ္ပက်ကၠုၚ်ကရောၚ်ပၞာန်ဂှ်တုဲ တ္ၚဲဏံ မွဲတ္ၚဲဓဝ် ပေါဲဗ္တိုက်ၜါလ္ပာ် ဒှ်အာလဝ် ဟွံအောန်နူပိဝါတုဲ အကာဲအရာပရေၚ်ဇီုကပိုက်ချိုတ် သီုၜါလ္ပာ် သောဲသောဲဗြောဲဗြောဲဂှ် ဟွံဂွံတီကေတ်ဏီရ။
ဟိုတ်နူပေါဲဗ္တိုက်တုဲ ညးဒေသ ၁၀၀၀ ပြၚ် နူကဵုကွာန် (ဝက်ချောင်း၊ ဧကနိ၊ ရငဲ၊ ဝဇွမ်းတော့) တံဝွံ ဒးဂြိပ်ဒဴပါဲဒလေတ်ဒၟံၚ် ပ္ဍဲကွာန်ဒၞါဲဗၠးဘဲတံကဵု ပ္ဍဲဒဵုဂြိုပ်ကၠအ်ဂူဝါတအ်ရ။
ကြဴနူဍုၚ်ရုယှာ ဂွံတၚ်တုပ်စိုတ် သွက်ဂွံဖျေံတမ်ရိုဟ် ပ္ဍဲအပိုၚ်အခြာဒေသပရေၚ်ပိုန်ဒြပ်တၟေၚ်ထဝါဲဂှ်တုဲ ကံၚ်ဇြဳပၞာန်ဝွံ စကာဇြဟတ်တုဲ ပ္တိတ်ကၠုၚ်ဇြဟတ် သွက်ဂွံထ္ပက်ပၞာန် ကုဒပ်စဵုဒၞါညးဍုၚ်ကွာန် မၞုံပ္ဍဲဒေသဏံရ။
ဒပ်ကံၚ်ဇြဳပၞာန် ထ္ပက်ကရောၚ်ပၞာန် လုပ်စိုပ်ကၠုၚ်ဂှ်ဝွံ ဂွံၚးတးတိဍာ် ပ္ဍဲပွဳပွူဗ္ဒါဲဒေသပရေၚ်ပိုန်ဒြပ်တၟေၚ်ထဝါဲဂှ် ဒှ်မာန်ရောၚ် ဒပ်စဵုဒၞါညးဍုၚ်ကွာန် ဖျေံသ္ဇိုၚ်ဒေသတအ် သ္ၚဳဂၠိပ်လဝ်ရ။
ပရိုၚ်−သြၚ်လောန်တိုၚ်(မ်)
ဗီုရုပ်−CJ