ရေဝ်၊ ဂျောန် ၂၆
တွဵုရးဍုၚ်မန် ပွိုၚ်ဍုၚ်ရေဝ် ပ္ဍဲကွာန်စဳပျး ပ္ဍဲဂိတုဂျောန် စၟတ်တ္ၚဲ ၂၅ တေံ မၞိဟ်တြုံဒေသမွဲတၠ ဒးဒုၚ်ပန်ဂစိုတ်လဝ် နကဵုသေနာတ်တုဲ ချိုတ်အာလဝ်ရောၚ် ညးဒေသဂမၠိုၚ် ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။
ဥူအညာ အာယုက်မၞုံ ၅၀ သၞာံ ဒၟံၚ်ကွာန်စဳပျးဂှ် သၟာသေနာတ်ဂမၠိုၚ် လုပ်ပန်ဏာလဝ် ပ္ဍဲသ္ၚိဒၟံၚ်ညးရ။
ဒးဒုၚ်ပန်ကဵုသေနာတ်တုဲ ဥူအညာ ကလိဂွံအာဝပ် ပ္ဍဲက္ဍိုပ် ကေုာံ ပ္ဍဲသြိုဟ် ပိလစုတ်တုဲ ချိုတ်အာလဝ် ပ္ဍဲဒၞါဲဒှ်ပရူဂှ်ရ။
အတိုၚ်ဂလာန်ညးဒေသတံဂှ်မ္ဂး ဥူအညာဝွံ ဒှ်ကောန်ကလောန်သာမညမွဲတၠတုဲ မူဟိုတ်ဂွံဒးဒုၚ်ပန်ဂစိုတ်ရောဟီုဂှ်လေဝ် ဟွံဂွံတီကေတ်ပုဟ်ဂှ် သ္ဂးရ။
ဇွရုပ်ဥူအညာဏံဂှ်တှ်ေ ဂကောံပရဟိတဒေသတအ် ပလံၚ်ဗစိုပ်ဏာလဝ် ရုၚ်ဂဥုဲလၟိုၚ်တုဲ စၟဳတ်ဒၟံၚ်ရောၚ် ဂွံတီကေတ်ရ။
စပ်ကဵုပရေၚ်ပန်ပှော်ဏံတုဲ နူကဵုသြၚ်လောန်တိုၚ်(မ်) ဆက်စၠောံသၟာန်သၟုက်လဝ် ကုဒပ်ပၠန်ဂတးဖျေံသ္ဇိုၚ်ဒေသတံဂှ်တုဲ ညးတံ ပန်လဝ်ဟွံသေၚ်ပုဟ်ဂှ် ကလေၚ်သှ်ကဵုလဝ်ရ။
ပရိုၚ်−သြၚ်လောန်တိုၚ်(မ်)
ဗီုရုပ်−CJ