ပဠဝ်၊ ဂျောန် ၂၈
ဗ္ဒိုပ်ဒပ်ပၞာန် ဖျေံလဝ်ဒပ် ပ္ဍဲကွာန်(ကျောက္ကာ) ပွိုၚ်ဍုၚ်ပဠဝ် ရးတၞၚ်သဳဂှ် ဒးဒုၚ်လုပ်စိုတ်ဗ္တိုက်လဝ်တုဲ ကောန်ဒပ်ကံၚ်ဇြဳပၞာန် ပိတၠ ချိုတ်အာလဝ်ရောၚ် ညးဒုၚ်တာလျိုၚ်လလောၚ်ပရိုၚ် တမ်ဒပ်လၟိဟ် ၁ ခရိုၚ်ဗိက်ဟီုကဵု ဌာန်ပရိုၚ်သြၚ်လောန်တို(မ်) ရ။
ဗ္ဒိုပ်ကံၚ်ဇြဳပၞာန် ကေုာံ ဗ္ဒိုပ်ပၞာန်မၚ်ကွာန် ပံၚ်ကောံ မဖျေံလဝ်သ္ဇိုၚ် ပ္ဍဲကဵုလဒေါဝ်ကွာန်(ကျောက္ကာ)ဂှ် ပ္ဍဲဂိတုဂျောန် ၂၇ အခိၚ်နူဂယး ၜိုတ် ၅ နာဍဳဂှ် ဒပ်ပံၚ်ကောံဇြဟတ်ပၠန်ဂတးတအ် လုပ်စိုပ်ဗ္တိုက်လဝ်ရ။
ဟိုတ်နူပရေၚ်ဗတိုက်ဏံဂှ်တုဲ ပေါဲဗ္တိုက်ၜါလ္ပာ် ဒှ်ဒၟံၚ် ပွိုၚ်ဘာ်နာဍဳပြၚ်တုဲ လ္ပာ်ကံၚ်ဇြဳပၞာန် ဇီုကပိုက်ချိုတ်အာ နွံလဝ်ရ။
အပ္ဍဲပေါဲဗ္တိုက်ဂှ် လ္ပာ်ကောန်ဒပ်ကံၚ်ဇြဳပၞာန် ပိတၠ ချိုတ်တုဲ ညးကလိဂွံဝပ်တံလေဝ် နွံတုဲ နူကဵုကံၚ်ဇြဳပၞာန်ဂှ် သီဂွံလဝ် လွဟ် ၅ ဇကိုဟ်ကဵု ကပေါတ်မဆက်စပ်ဂမၠိုၚ်ရောၚ် သ္ဂးရ။
ပရေၚ်ဗ္တိုက်ဏံဂှ် ဒပ်ပံၚ်ကောံမဟာမိတ်တအ်ကဵု ဒပ်ပၞာန်စဵုဒၞါညးဍုၚ်ကွာန် PDF ခရိုၚ်ဗိက် တမ်ဒပ်လၟိဟ် (၁) တအ် ဗတိုက်လဝ်ရ။
တုဲကၠုၚ်ဂိတုဂျောန် ၂ တုဲကၠုၚ်တေံဂှ်လေဝ် ဒပ်ကံၚ်ဇြဳပၞာန် ထ္ပက်ကၠုၚ်ကရောၚ်ပၞာန် ပ္ဍဲကဵုကွာန်တပိုဝ် ပွိုၚ်ဍုၚ်ပဠဝ်ဂှ်တုဲ ကောန်ဒပ်ကံၚ်ဇြဳပၞာန် ဗ္ဒါဲ ၁၀ တၠ ဇီုကပိုက်ကလိဂွံလဝ်ဝပ်ရ။
ပရိုၚ်−သြၚ်လောန်တိုၚ်(မ်)
ဗီုရုပ်− CJ