ကဗူလ်-၂၁
အဳရာန် ဖာပ်ထဍေင်ပတိတ်ထောံတုဲ ကောန်ဍုၚ်အာဖကာန်နေတ်သတာန် ဒါဇြေန်မွဲမဂၠိုၚ်တံ ဍိုက်ကၠုၚ်ကွဳစက်မွဲမဂှ် ပ္ဍဲဒၞာဲအာဖကာန်နေတ်သတာန် ပလိုတ်တေံ ကွဳစက်ဒှ်ဟိုတ်တုဲ မၞိဟ်ဗွဲမဂၠိုၚ်ပါကၠုၚ် ပ္ဍဲကွဳစက်တံဂှ် သီုကဵုကောန်ၚာ် ၁၇ ပါလုပ် မၞိဟ် ၇၃ တၠ ချိုတ်အာလဝ်ရဂှ် ညးတာလျိုၚ် တာလဳဗာန်မွဲတၠ သ္ပလဝ်ဒတန်ရ။
ကွဳစက်သွက်ဂွံအာ ဍုင်ကဗူလ်ဏံ ကာလစိုပ် ပ္ဍဲတွဵုရးဟဳရာတ်ဂှ် ဇီုဒးကဵု ကွဳစက်မွဲ ကွဳလိုန်ဓါတ်တံ ပ္ဍဲအဝ်ဂတ် ၁၉ အခိၚ်ဗတမ်တုဲ ပၟတ်တူအာလဝ်နွံ ဌာနတွဵုရး တၚ်နၚ်ပရိုၚ်ကဵု ပရေၚ်ယေန်သၞာၚ် တာလဳဗာန် သ္ကိုပ်စၞောန် အမ်ဒူလာ မိုတာခဳက ဟီုရ။
မၞိဟ်ပါကၠုၚ် လ္တူကွဳစက်ဗာတ်သ်ဏံ သီုဖအိုတ်ဟွံက မၞိဟ်လ္တူယာန်တၞဟ် ၜါတၠတံလေဝ် မ္ဒးချိုတ်လဝ်ရ။
အပ္ဍဲဍုင်တိမိညးတံ ဟိုတ်နူပေါဲဗတိုက်ဒှ် ဒးဂြိပ်ပါဲလဝ်တုဲ ကောန်အာဖကာန်နဳသတာန် လိက်ထံက်ဂလာန်ဟၟဲမွဲသာ် စိုပ်မံၚ် အဳရာန်ဂှ် နူကဵု တဳဟဳရာန် တုဲကၠုၚ်ဂိတုတေံ သၠုၚ်အသိၚ်တုဲ ထဍေၚ်ပတိတ်မံၚ်ရ။
ညးဒဳကွဳစက်ဂှ် ဒဳအသိင်ကွဳစက်ၜက်အာတုဲ ဟွံသ္ပဂရု ဟိုတ်နူဒဳမံၚ်ဗီုဏံဂှ် ဒှ်အာပရေၚ်ဗီုဏံရောၚ် သာ်ဝွံ ဒပ်ဗၠာဲသၟိၚ် ဟဳရာတ် ဟီုရ။
ဗွဝ်သၞာံဟလိုၚ် ဟိုတ်နူပေါဲဗတိုက်တံတုဲ ဂၠံၚ်တံလီုလာ်၊ ပရေၚ်အထိၚ်ကြာပ်ကော်ကာဲ စေဝ်ပၞောန်ချိုတ်တ်ပၠိုတ်တ်လေဝ် ပ္ဍဲအာဖကာန်နဳသတာန်ဟၟဲမံင်တုဲ ပရေင်ဟိုတ်ဗီုတံဏံ ကေၚ်ဒှ်ကၠုၚ်မံင် တွဵုရ။
ပ္ဍဲသၞာံ ၁၉၇၉ တေံ အခိၚ်ဒပ်သိုဗဳယိတ်တံ ၜက်ၜေတ်ဗတိုက်ကၠုၚ်လဝ် အာဖကာန်နဳသတာန်တေံဝွံ မၞိဟ်ဗွဲမဂၠိုၚ်တံဂှ် ဂြိပ်တိတ်စိုပ်အာ အဳရာန်ကဵု ပါကေတ်သတာန်တုဲ ပ္ဍဲ ၁၉၇၀ သၞာံပေၚ်ဂှ် ညးဂြိပ်ဒဴ လၟိဟ်ကဵုပြကောဋိကတ် နွံကၠုၚ်လဝ်ရ။
ပ္ဍဲသၞာံ ၂၀၂၁ တာလဳဗာန် ကလေၚ်ဂွံအဝဵုတုဲလေဝ် မၞိဟ်ထပ်ဂြိပ်တိတ်အာ နွံဗွဲမဂၠိုၚ်ရ။
ပရေၚ်ဒးဒုၚ်ထဍေၚ်ဖာပ်ပတိတ်ဏံဝွံ ပ္ဍဲအဳရာန်ဂှ် သဘဴလစွံစိုတ် ညးဒစဵုဒစးကဵု အာဖကာန်နဳသတာန်တံ ပရေအ်ဂၠိုၚ်တိုန်တုဲ နူကဵုဏံ လ္တူညးဒဴပါဲမံၚ်စံၚ်လဝ်တံ ပရေၚ်ပါ်ခြာဆက်ဆောံ ဗီုပြၚ်နာနာ ဒးဆဵုဂဗကၠုၚ် ဒှ်မာန် သ္ဂးအိုတ်ရ။
Ref:BBC