တယိတ်ချံၚ်၊ အံက်တဝ်ပါ ၃၀
ပ္ဍဲကဵုဒၞာဲဒပ်ကဝ်မယှေန်ပၞာန် ထပက်မံၚ်ကရောၚ်ပၞာန် ပ္ဍဲကဵုခရိုၚ်ဗိက်-ခရိုၚ် ဇြဲပန်တၞံ ဗော်သွးကောန်ဂကူကရေၚ်နွံမံၚ်ဂှ် သ္ၚိဒးဒုၚ်စံၚ်တုဲ ပၟတ်တူလီုလာ်အာ ၁၀၀ မပြၚ်နွံမံၚ် နူကဵု ဌာန်ဂအုပ်ဗဟဵု KNU လလောၚ်ပတိတ်လဝ်ပရိုၚ်ရ။
တုဲကၠုၚ်အံက်တဝ်ပါ ၂၅ တေံဂှ် ပ္ဍဲကဵုပွိုၚ်ဍုၚ်တယိတ်ချံၚ် ဒေသ KNU ခရိုၚ်ဗိက်-ထဝါဲ ကရောၚ်ပၞာန် ဒပ်ကဝ်မယှေန်ပၞာန်ဗမာ ထပက်လုပ်ကၠုၚ်တုဲ ကွာန်လဘ ဟွံဆေၚ်ကဵုဒၞာဲပေါဲဗတိုက်ဂှ် စံၚ်ပလီုထောံသ္ၚိ ၄၂ မ မဒှ်ရ။
နူကဵုတမ်ဒပ် (၄၀၃)၊ (၄၀၄)၊ (၄၀၅) ပံၚ်တောဲလဝ်တုဲ ဒပ်ကဝ်မယှေန်ပၞာန်တံ စံၚ်ပလီုထောံလဝ် သ္ၚိတံဏံဂှ် ပ္ဍဲကဵုလိက်လလောၚ်တြး KNU ချူလဝ်ရ။
တုဲပၠန် ပ္ဍဲကဵုအံက်တဝ်ပါ ၁၀ ဂှ်လေဝ် ခရိုၚ်ဇြဲပန်တၞံ တိဍာ် KNU ပ္ဍဲပွိုၚ်ဍုၚ် မုၚ်ဂှ် ကရောၚ်ပၞာန် ဒပ်ကဝ်မယှေန်ပၞာန် ထပက်လုပ်ကၠုၚ် စံၚ်ပလီုထောံ သ္ၚိကွာန် “ကွေန်ဒလကျဳ” ၇၂ မ မဒှ်ကီုရ။
မွဲလပါ်ပၠန် အခိၚ်ညောန်ကြပ်ကၠုၚ်မံၚ်ကဵု ပေါဲရုဲမာဲဏံမ္ဂး ပ္ဍဲကဵုတိဍာ် KNU ဒၞာဲကွာန်ညးဍုၚ်ကွာန်တံဂှ် နူကဵုဒပ်ကဝ်မယှေန်ပၞာန် ပဵုတုဲ ပန်မံၚ်ကဵုလွဟ်ဇၞော်ကဵု ၜၚ်ကျာတံနွံမံၚ် နူ KNU ကဵုသမ္တီလဝ် ပ္ဍဲလိက်လလောၚ်တြးရ။
ပရိုၚ်-သြၚ်လောန်တိုၚ်မ်
Photo – KNU