ရေဝ် ၊ အံက်တဝ်ပါ ၃၁
ပ္ဍဲကဵုတွဵုရးမန် ပွိုၚ်ဍုၚ်ရေဝ် သၟတ် ညးအာပေါဲသ္ဘၚ်အခိၚ်ဗ္တံတံဂှ် နူကဝ်မယှေန်ပၞာန်ကဵု ဒပ်ပၞာန်မၚ်ကွာန် တံ ရပ်ဒက်အာတ်ကေတ် သြန်နွံမံၚ်တုဲ သၟတ်ကဵုသြန်ဟွံမာန်တံဂှ်တှ်ေ ဒးဒုၚ်ပကောံ နဒဒှ် ညးယိုက်ဝန်ပၞာန်တၟိတၟိတံရောၚ်ဂှ် ညးဒေသတံ ဟီုကဵုဌာန်ပရိုၚ်သြၚ်လောန်တိုၚ်မ်ရ။
စနူဂိတုအံက်တဝ်ပါဏံမံက်ဂှ် ပ္ဍဲပွိၚ်ဍုၚ်ရေဝ် ကွာန်ပါၚ်ၜဳ၊ အစေန်၊ တၟံကျာံ ကွာန်ဟွံအောန်နူကဵု ၅ ကွာန်တံ ကၠောန်ဗ္ဒျ်သဘၚ်ကျာ်ဂှ် သီုပံက်လဝ်ဝိုင်ဝေၚ် “အာဝါဒေး” ကဵုလဝ်အခေါၚ်ကၠောန်ကီုရ။
အခိၚ်သၟတ်တံ ကလေၚ်စဴနူကဵုပေါဲဝိုၚ်ဝေၚ်တံပၠန် အခိၚ်ဗ္တံအာကၠုၚ်သၞောတ်ထ္ၜတ်ဟၟဲ ရဲဒပ်ကဝ်မယှေန်ပၞာန်ကဵု ဒပ်မၚ်ကွာန်တံ ထ္ၜးဟိုတ် ရပ်ထိၚ်အာတ်ကေတ်မံၚ်သြန် မဒှ်ရ။
ပ္ဍဲကဵုရပ်ဏာလဝ်တံဂှ်တှ်ေ ညးမွဲအောန်အိုတ် နူကဵုသြန် ၅ ဠက် ဒဵုကဵုကိုတ်အာတ်မိက်တုဲ နုက်ကဵုသြန်မာန်မှ ဂွံကလေၚ်စဴကၠုၚ် သၟတ်ဒေသမွဲတၠ ဟီုရ။
သၟတ်ဒးဒုၚ်ရပ်အာတ်ကေတ်သြန်တံဂှ် ယဝ်ရဒှ်မံၚ် သၟာကမၠောန်ဆုဲပြံၚ်တံမ္ဂး မွဲအလန်ဓဝ် နဒဒှ်ကောန်ပၞာန်တၟိ ကော်ရပ်ဏာဟဂှ် သ္ဂးရ။
ပ္ဍဲကဵုပွိုၚ်မွဲဂိတုဏံ ရဲသၟာကမၠောန်ဆုဲပြံၚ် ဟွံအောန်နူ ၁၀ တၠ အခိၚ်ဗ္တံအာဗဵုပေါဲတုဲ ဒးဒုၚ်ပကောံဏာ ကောန်ပၞာန်နွံမံၚ် ဂွံတီလဝ် နူကဵုညးဒေသတံရ။
အတိုၚ်ဌာန်ပရိုၚ်သြၚ်လောန်တိုၚ်မ် ပကောံဂွံလဝ်တၚ်နၚ်တံမ္ဂး ပ္ဍဲကဵုတွဵုရးမန် ကဝ်မယှေန်ပၞာန် ပံက်ဏာလဝ် ဘာကတ်ဗတောန်ကွတ်ပၞာန်ယိုက်ဝန်ပၞာန် ဒဵုကဵုလၟေၚ် ၁၈ ဂှ် သၟတ်ဟွံအောန်နူကဵု ၃၃၀၀ တၠ ဒးဒုၚ်ပကောံလဝ် နဒဒှ်ကောန်ပၞာန်တၟိတၟိတံ မဒှ်ရ။
ပရိုၚ်သြၚ်လောန်တိုၚ်မ်
Photo – CJ