ကျာ်မြဟ် ၊ အံက်တဝ်ပါ ၃၁
တွဵုရးမန် ပ္ဍဲကဵုထံၚ်ဗဟဵုကျာ်မြဟ် ကောန်ထံၚ်ပရေၚ်ဍုၚ်ကွာန်တံ မၞိဟ်ဒှ်ယဲဂၞဴလီုဂၠိုၚ်တိုန်မံၚ်ရဂှ် ရဲသ္ၚိကၟိန်ကောန်ထံၚ်ပရေၚ်ဍုၚ်ကွာန်တံကဵု ညးကြပ်မံၚ်ညးတံ ဟီုကဵုဌာန်ပရိုၚ်သြၚ်လောန်တိုၚ်မ်ရ။
ပ္ဍဲကဵုစၞစ ဗ္ဗ္စမံၚ်ကောန်ထံၚ်ဂမၠိုၚ်တံကဵုဍာ်သုၚ်ဟွံသ္အးဇ္ၚးတုဲ ကောန်ထံၚ်ပရေၚ်ဍုၚ်ကွာန်တံ ဒှ်ယဲဂၞဴလီု ဂၠိုၚ်မံၚ် မဒှ်ရ။
ဟိုတ်နူ ဒှ်ဝေဒနာ ယဲဂၞဴလီုဂၠိုၚ်မံၚ်ဂှ်တုဲ ဆေင်စပ်ကဵုစၞစဖျးဖျး ပလံၚ်နၚ်နူမ္ၚးတံဂှ် နူကဵုညးတာလျိုၚ်ထံၚ် သၟဝ်တဲ ကဝ်မယှေန်ပၞာန် တံပြဟ်ဟ်ဏံ ဟွံကဵုထပၠုပ်အပ္ဍဲထံၚ် ပိုၚ်ခြာစၟတ်ထောံလဝ် သ္ဂးရ။
“ဒှ်ယဲဂၞဴလီုဟီုဂှ် ဒၟာနူသွမၜဲ နူကဵုအပ္ဍဲပိုဲလေဝ်ဒှ်မာန်။ ၜိုဟ်လဝ်ဝုန်ဝါဍာ်ဂၠိုၚ်ၚ် အခိၚ်သဝ်တ္ၚဲ ကော်စသွ တာလပအ် ဟိုတ်နူဏံလေဝ်ဒှ်မာန်။ ကၠာတေံ သွဗစး ကဵုမံၚ်မွဲခေါ်ဍောတ်ဏီ မင်ဂၠန်တံ ပလံၚ်ကဵုရဲထံၚ် ဂွံ။ လၟဟ်စပ်ကဵု ဗစးတှ်ေ ယိုဟ်ကြုက်တံလေဝ် ဟွံကဵုဟပၠုပ်ရ” သာ်ဝွံ ညးကြပ်မံၚ်ကဵု သ္ၚိကၟိန် ကောန်ထံၚ်ပရေၚ်ဍုၚ်ကွာန်မွဲတၠ ဟီုရ။
ကောန်ထံၚ်ပရေၚ်ဍုၚ်ကွာန်တံ ဒှ်မံၚ်ယဲဝေဒနာဂၞဴလီု ဂၠိုၚ်ကီုလေဝ် ညးတာလျိုၚ်ထံၚ် သၟဝ်တဲကဝ်မယှေန်ပၞာန်တံဂှ် ကဵုမံၚ်ဂဥုဲဇဗ ရုံရုံဂပ်ပ်ဟွံမာန်ကီု ရဲဒှ်ယဲ အကာဲအရာပရေအ်တိုန်ကွေံကွေံမှ ပတိတ်ကဵုဂဥုဲညိညနွံရဂှ် ညးဆက်ဟီုရ။
ပြဟ်ဟ်ဏံ ရဲသ္ၚိကၟိန်ကောန်ထံၚ်ပရေၚ်ဍုၚ်ကွာန်တံ အာပလံၚ်ကဵုဂဥုဲဂှ်လေဝ် စၟဳစၟတ်ချိုတ်တ်ပၠိုတ်တ် ဓရတ်လဝ်အိုတ်စောန်တုဲမှ ကဵုအခေါၚ်ပလံၚ်ပၠုပ်ဂဥုဲညိညဂွံ မဒှ်ရ။
မွဲလပါ်ပၠန် ညးတာလျိုၚ်၊ သၞာဲဒါက္ဍိုက်က္ဍိုပ်ဌာနထံၚ် သၟဝ်တဲကဝ်မယှေန်ပၞာန်တံဝွံ ရပ်စပ်ကရေပ်ဓရတ်လဝ် အခေါၚ်အရာ လ္တူကောန်ထံၚ်ပရေၚ်ဍုၚ်ကွာန်တံဂှ်တှ်ေ ပဵုၜက်မံၚ်နူကဵုကောန်ထံၚ် ဒုဟ်ဒဏ်ဓမ္မတာတံတုဲ စနူကဵုထပၠုပ်နၚ် စၞစကဵုဂဥုဲဇဗနာနာတံ ယှအ်ဖျေံလဝ်အခေါၚ်အခါသၟးဟွံက ကၠောန်မံၚ်ပရေၚ်ဍဵုဍိုက် ဗီုပြၚ်နာနာသာ်ရ။
တုဲပၠန် လ္တူကောန်ထံၚ်ပရေၚ်ဍုၚ်ကွာန် ယဲဝေဒနာနွံမံၚ်တံဂှ်လေဝ် ဟွံကဵုအခေါၚ်ဝဳယဲဍိုက်က်ပေၚ်ၚ်ကီု၊ ဂဥုဲနွံပၟိက်တံဂှ်လေဝ် ဟွံကဵုအခေါၚ်ထပၠုပ်သၟးဟွံက စနူကဵုပလံၚ်ကပေါတ်ပၠန် ဗီုကၠာကၠာတေံ ရဲမိသဟာဲဒဒှ်ေဒယှ်တံ အခေါၚ်ပလံၚ်ဟၟဲ၊ ရဲကၟိန်သ္ၚိဌာန် ညးဆေင်စပ်တံဟေၚ် ဂွံအခေါၚ်ပလံၚ်ကပေါတ်နွံတုဲ သွက်ကောန်ထံၚ် ကၠုၚ်နူဌာန်ဒေသသ္ၚောဲသ္ၚောဲတံ ဒှ်မံၚ်တၚ်ဝါတ်ဂါတ် ဗွဲမဂၠိုၚ်ရ။
ပ္ဍဲထံၚ်ဗဟဵုကျာ်မြဟ်ဂှ်တှ်ေ ကောန်ထံၚ်ပရေၚ်ဍုၚ်ကွာန် နူကဵုလ္ဂုၚ်၊ မာန္တလေဝ်၊ ဗဂေါ၊ တွဵုရးကရေၚ်ကဵု တွဵုရးမန် နကဵုၝောံပိုဒ်ပရေၚ်ဍုၚ်ကွာန်နာနာ ဒးဒုၚ်ဖျေံလဝ်ထံၚ် ကောန်ထံၚ်ပရေၚ်ဍုၚ်ကွာန် ညးတြုံညးဗြဴ ဟွံအောန်နူကဵု ၃၀၀ နွံမံၚ်ရောၚ်ဂှ် ညးကြပ်မံၚ်ကဵုထံၚ်တံ ဟီုတုဲဂွံတီကေတ်ရ။
ပရိုၚ်သြၚ်လောန်တိုၚ်မ်
Photo – Social Media