ဇြပ်ဗု၊ နိုဝမ်ပါ ၂
တွဵုရးမန် ပွိုၚ်ဍုၚ်ဇြပ်ဗု အကြာကွာန်အနေၚ်ကဵုနှေဟ်ခြေၚ် သ္ကိုပ်အုပ်ဓုပ်တြေံမွဲတၠ အခိၚ်စဴကၠုၚ် နူကဵုကၠအ်ရာဘာ ဒးပန်ဂစိုတ်လဝ်လ္တူဍာန်ရဂှ် ညးဒေသတံ ဟီုကဵုဌာန်ပရိုၚ်သြၚ်လောန်တိုၚ်မ်ရ။
တုဲကၠုၚ်အံက်တဝ်ပါ ၃၀ အခိၚ်နူဂယးၜိုတ် ၁၀ နာဍဳ နူကဵုလပါ်ကွာန်နှေဟ်ခြၚ် ဥူသိုဝ်အံၚ် မွဲတၠဓဝ် ဍိုက်ကွဳလိုန်ဓါတ် စဴကၠုၚ်ကွာန် အနေၚ်ဂှ် ရဲရပ်လွဟ်တံ ပန်ဂစိုတ်ဏာ မဒှ်ရ။
ဟိုတ်နူဒးဒုၚ်ပန်ဂစိုတ်ဏာတုဲ သ္ကိုပ်အုပ်ဓုပ်တြေံ ကွာန်အနေၚ် ဥူသိုဝ်အံၚ် (အယုက် ၅၀ ပြၚ်) ဒးလဝ်ဝပ်မကမ် ပ္ဍဲက္ဍိုပ်ကဵုဗုၚ်တံတုဲ မွဲအခိၚ်ဓဝ်ချိုတ်အာလဝ်ရ။
ဇွဒးဒုၚ်ပန်လဝ်ဏံဂှ် ညးဒေသတံ ပလံၚ်ဗစိုပ်ဏာ ရုၚ်ဂဥုဲ ဍုၚ်လၟိုၚ်တုဲမှ ညးတာလျိုၚ်ဒပ်ဗၠာဲသၟိၚ်တံ ဂွံကၠုၚ်စၟဳစၟတ်ဂွံရ။
ပူဂဵုညးချိုတ်အာလဝ်ဏံဂှ် ကေၚ်ကၠောန်လဝ် သ္ကိုပ်ပရေၚ်အုပ်ဓုပ် နူကဵုသၞာံၜိုတ် ၂၀၁၀ တေံမဒှ်တုဲ ဗွဲကြဴဏံ ကၠောန်ကမၠောန်ကၠအ်ရာဘာ မၞိဟ်မံၚ်ကၠုၚ်ၜိုဟ်ဟ်သြိုဟ်ဟ် မွဲတၠရောၚ် သ္ဂးရ။
စပ်ကဵုပရေၚ်ပန်ဂစိုတ်လဝ်မၞိဟ်သာ်ဏံဂှ် ဂကောံပၠန်ဂတးကီု လပါ်ကဝ်မယှေန်ပၞာန်ကီု မွဲသာ်လေဝ် လလောၚ်ပတိတ်လဝ်ပရိုၚ် ဟွံဆဵုဏီရ။
ပရိုၚ်-သြၚ်လောန်တိုၚ်မ်
Photo – Social Media