လံၚ်လုၚ်၊ နိုဝမ်ပါ ၄
ပ္ဍဲကဵုရးတနၚ်သဳ ကရောၚ်ပၞာန်ဒပ်ကဝ်မယှေန်ပၞာန် ထပက်ကၠုၚ်လပါ်ပွိုၚ်ဍုၚ်လံၚ်လုၚ်ဂှ် ဟိုတ်နူ ဒးဒုၚ်ဗတိုက် ၂ တ္ၚဲဆက်က်ဂှ်ရ ချိုတ်အာ ၈ တၠနွံမံၚ်ရောၚ် ပ္ဍဲနဝ်ဝမ်ပါ ၂ ဂှ် ကရောၚ်ပၞာန် ဒူရက လလောၚ်ပတိတ်ပရိုၚ်ရ။
နူကဵုကွာန်မံၚ်မကာန် ပွိုၚ်ဍုၚ်လံၚ်လုၚ် ကရောၚ်ပၞာန်ဒပ်ကဝ်မယှေန်ပၞာန် ထပက်အာလပါ်ကွာန် ကရေၚ်ဇၞော်တုဲ ပ္ဍဲကဵုအံက်တဝ်ပါ ၂၁ -၂၂ ဂှ် ဒပ်မဟာမိတ်ပံၚ်တောဲပၠန်ဂတးတံ ဗက်အာဗတိုက်လဝ် မဒှ်ကီုရ။
ပ္ဍဲအကြာပေါဲဗတိုက်ဏံ ကောန်ဒပ်ကဝ်မယှေန်ပၞာန် ၈ တၠ ချိုတ်တုဲ၊ ဒးအာဘဲဝပ် ဗွဲမဂၠိုၚ်ကီု အပ္ဍဲပေါဲဗတိုက်ဝွံ နူကဵုဒပ်ကဝ်မယှေန်ပၞာန် ပန်ရီုပလံၚ်ကဵုမံၚ် လွဟ်ဇၞော်ကီု နူကဵုၜၚ်ပၞာန်တံလေဝ် ပန်ရီုကဵုမံၚ်ကီု သ္ဂးရ။
ပ္ဍဲပေါဲဗတိုက်ဏံ ဗီုပြၚ်ကရောၚ်ပၞာန် လီုလာ်အာတုဲ ဒပ်ကဝ်မယှေန်ပၞာန် ကလေၚ်ဆုတ်စဴအာဂှ် ထပ်ပကောံ ထပေၚ်ဇြဟတ်တုဲ ထပ်ကလေၚ်ထပက် ကရောၚ်ပၞာန် ဇရေၚ်ကွာန် ကာန်ပနဳ နူဏံမွဲကဆံၚ်ယာယဳမွဲခဏ ဖျေံလဝ်ဒပ် ပ္ဍဲကဵုဒဵု သၟိၚ်အိန်ပိုၚ် သ္ဂးရ။
ပ္ဍဲပေါဲဗတိုက်ဏံ ကရောၚ်ပၞာန်ဒဝ်န-၃ (KBDF)၊ ဒပ်ပါ်ဒဝ်န-၇ (LPF)၊ ဒပ်ပံၚ်ကောံခရိုၚ်ထဝါဲ၊ ကရောၚ်ပၞာန်ဒူရက DNLA၊ ဒပ်မန်ရာမည RMA ကဵု ပကဖ လံၚ်လုၚ်တံ ပံၚ်တောဲဗတိုက်လဝ် မဒှ်ရ။
တုဲကၠုၚ်အံက်တဝ်ပါ ၂၆ တေံကီုလေဝ် ဒပ်ပၠန်ဂတးတံ လုပ်ပန်ဗတိုက် သီကေတ်ဗ္ဒိုပ်ဗၠာဲသၟိၚ် မံၚ်မကာန်ဂှ် နူကဵုဒပ်ကဝ်မယှေန်ပၞာန် ချိုတ် ၁၂ တၠနွံမံၚ် ဂကောံဇြဟတ်ပၠန်ဂတးတံ လလောၚ်ပတိတ်လဝ်ပရိုၚ်ရ။
ပရိုၚ်-သြၚ်လောန်တိုၚ်မ်
Photo – LLPDF