ကျာ်ထဝ်၊ နိုဝမ်ပါ ၆
တွဵုရးမန် ပ္ဍဲကဵုဍုၚ်ကျာ်ထဝ်ကဵု ကွာန်ပွဳပွူကရပ်တံဂှ် နူကဵုကဝ်မယှေန်ပၞာန် တံၚ်ရပ်မံၚ်ပဝ်တာ သၟတ်တံဂၠိုၚ်မံၚ်တုဲ ညးဂံၚ်တိတ်မ္ၚးသ္ၚိဌာန် အောန်ဗွဲမလောန်ရဂှ် ညးဒေသတံ ဟီုကဵုဌာန်ပရိုၚ်သြၚ်လောန်တိုၚ်မ်ရ။
ဒပ်ကဝ်မယှေန်ပၞာန်၊ ဗၠာဲသၟိၚ်ကဵု ဒပ်ပၞာန်မၚ်ကွာန်တံဂှ် စနူကဵုဂိတု အံက်တဝ်ပါမံက်တေံတုဲ ပ္ဍဲအခိၚ်ဗတမ် အခိၚ်ဂေတ်မံၚ်ကၚ်မ္ဂး ဆဵုသၟတ် နွံမံၚ်လ္တူဂၠံၚ်တံဂှ် မွဲအလန်ဓဝ်ရပ်ကော်ဏာမံၚ် အဆက်က်မဒှ်ရ။
အခိၚ် ဒပ်ကဝ်မယှေန်ပၞာန်တံ ဂေတ်ကၚ်မ္ဂး သၟတ်ပါဲဟွံဗၠးတံ ဒးဒုၚ်ရပ်ကော်ဏာဂှ်ရ အခိၚ်ဗတမ် ၈ နာဍဳပြၚ်အာတုဲ မၞိဟ်လ္တူဂၠံၚ် မွလေဝ်ဟၟဲရဂှ် ညးဒေသဍုၚ်ကျာ်ထဝ်မွဲတၠ သ္ဂးရ။
ဟိုတ်နူကဵု ဒပ်ကဝ်မယှေန်ပၞာန် ရပ်မံၚ်ပဝ်တာတုဲ ဗီုကၠာကၠာတေံ သၟတ်တံ ဂဇအ်ဒကဲဂၠံၚ် တက်ကျာကီု အာလ္တူဂၠံၚ်ကီု တိၚ်ဂေတ်တာတံဟွံက အခိၚ်ဗ္တံ မၞိဟ်တိတ်ဂၠံၚ်ဟၟဲရဂှ် ဂွံတီရ။
သၟတ်ဒးဒုၚ်ကော်ရပ်ဏာလဝ်တံဂှ် ကဝ်မယှေန်ပၞာန်တံ အာတ်သြန် နူကဵု ၅၀ ကိုတ် ဒဵုကဵု ၁၀၀ ကိုတ်လေဝ်နွံမံၚ်တုဲ ကလေၚ်နုက်ဟွံမာန်မ္ဂး ဒးဒုၚ်စုတ်ပကောံဏာ ကောန်ပၞာန်တၟိ မဒှ်ရ။
အတိုၚ်တၚ်နၚ် ဌာန်ပရိုၚ်သြၚ်လောန်တိုၚ်မ် ပကောံဂွံလဝ်မ္ဂး ပ္ဍဲဂိတုအံက်တဝ်ပါ ကဝ်မယှေန်ပၞာန် ပ္ဍဲကဵုပံက်လဝ်ဘာ တန်ဗတောန် ယိုက်ဝန်ပၞာန် လၟေၚ် ၁၈ ဂှ် သၟတ်နူကဵု ပွိုၚ်ဍုၚ်ကျာ်ထဝ် ဟွံအောန်နူကဵု ၄၀ တၠ ဒးဒုၚ်ပကောံလဝ် ကောန်ပၞာန်တၟိတံနွံရ။
ပရိုၚ်-သြၚ်လောန်တိုၚ်မ်
Photo – CJ