ဘာအၚ်၊ နိုဝမ်ပါ ၆
ပ္ဍဲကဵုတွဵုရးကရေၚ် ညးဒုၚ်တဲပတေဟ်ကေတ် ပရေၚ်ၜိုဟ်လလမ်ဒပ်ပၞာန် ကောန်သ္ဂံၚ်ဒပ်စဵုဒၞာ ညးဍုၚ်ကွာန် PDF ပိတၠ ကၠုၚ်ဖျေံလဝ်လွဟ် ပ္ဍဲကဵုပရိုၚ်ဒပ်ပၞာန်တြးဝါဒ နိုဝမ်ပါ ၅ ဂှ် ချူလဝ်ထမံက်ရ။
ကောန်သ္ဂံၚ် PDF ပိတၠဖျေံလဝ်လွဟ်တံဝွံ ပ္ဍဲနိုဝမ်ပါ ၃ ဂှ် ကၠောန်ပေါဲ သၠောဲပအပ်ကုဇရေၚ်မိမ ပ္ဍဲကဵုရုၚ်အလဵုအသဳ တွဵုရးကရေၚ် ဍုၚ်ဘာအၚ် သ္ဂးရ။
လွဟ် M-16 (၂) ဇကိုအ်၊ M-4 မွဲဇကိုအ်၊ မါၚ်ကၠောန် (၂) မ ကဵု မကမ်တံဂှ် ကောန်သ္ဂံၚ် PDF ပိတၠဖျေံလွဟ်တံ ကေတ်နၚ်လဝ်ရဂှ် ချူလဝ်ပရိုၚ်ရ။
ဆဂး ကောန်သ္ဂံၚ် PDF ပိတၠဖျေံလွဟ်တံဂှ် နူကဵုတမ်ဒပ် ဒပ်စဵုဒၞာညးဍုၚ်ကွာန်လဵုရော ဟီုဂှ် နူလပါ်ကဝ်မယှေန်ပၞာန် လလောၚ်လဝ်ပရိုၚ်ဟၟဲရ။
ရဲ PDF တံ မိက်ဂွံဖျေံလွဟ်မ္ဂး ညံၚ်ဂွံကေတ်အဆက် ဒၞာဲကြပ်အိုတ် ဇရေၚ်ဂကောံပရေၚ်အုပ်ဓုပ် ခရိုၚ်ပွိုၚ်ဍုၚ်တံကီု ဒပ်ပၞာန်တံကီု ပလံၚ်ပရိုၚ်တုဲသွက်လွဟ်မကမ်တံဂှ် ဖျေံကဵုလာဘ်သြန်တံကီုရောၚ် နူကဝ်မယှေန်ပၞာန် တြးလဝ်ဝါဒရ။
ကဝ်မယှေန်ပၞာန်သီအဝဵုဂှ် ကၠာဟွံစိုပ်ပေါဲရုဲမာဲဏံ ရဲဂကောံ ဒပ်ပၠန်ဂတးတံ ဖျေံမံၚ်လွဟ်ဆက်က် နွံကၠုၚ်မံၚ်ရောၚ် တြးလဝ်ဝါဒရ။
ပရိုၚ်-သြၚ်လောန်တိုၚ်မ်
Photo – MOI