ၜါသွၚ်၊ နိုဝမ်ပါ ၁၂
တွဵုရးမန် ပွိုၚ်ဍုၚ်ၜါသွာင် ပ္ဍဲကဵုကွာန်ယိုက် ညးတြုံအယုက်ဇၞော်ဇၞော်မွဲတၠ နကဵုဥပဒေစဵုဒၞာပေါဲရုဲမာဲ ဒးဒုၚ်ရပ်ချုက်ပံက်လဝ်အမှုရဂှ် ဂွံတီနူကဵု ညးဒေသတံရ။
ပ္ဍဲကဵုရုၚ်ပရေၚ်အုပ်ဓုပ်ကွာန် ဗါန်စွံလဝ် ယၟုအလံၚ်အမာတ်တံဂှ် ဥူကျဝ်မျေအ် အယုက် ၆၅ သၞာံ ရဲကွာန်ယိုက်ဝွံ စောဲစပ်လဝ် နကဵုတံၚ်ဂစိုက်ထောံစက္ခူတၞးလိက်တုဲ ဒးဒုၚ်ရပ်ဏာရ။
အတိုၚ်ညးဒေသတံဟီုလဴမ္ဂး နူကဵုကဝ်မယှေန်ပၞာန် တ္ၚဲရပ်ကၠေၚ်ဏာ ဥူကျဝ်မျေအ်တုဲဂှ် ဒဵုကဵုအခိၚ်လၟုဟ် ရဲကၟိန်အိန်ထံၚ်ညးတံ ကေတ်အဆက်ဟွံဂွံဏီ သ္ဂးရ။
ပြဟ်ဟ်ဏံ ပ္ဍဲကဵုဗ္ဒိုပ်ဗၠာဲသၟိၚ်ၜါသွာၚ်ဂှ် နကဵုဥပဒေစဵုဒၞာပေါဲရုဲမာဲ ၝောံပိုဒ် ၂၆(က)/ ၝောံပိုဒ် ၂၄(က) ကဝ်မယှေန်ပၞာန် ပံက်အမှုတုဲ ရပ်ချုက်လဝ်ရောၚ် ဂွံတီရ။
တုဲကၠုၚ် ဂိတုနဝ်ဝမ်ပါ ၂ တေံကီုလေဝ် ပ္ဍဲဍုၚ်ဘာအၚ် အရာပ် ၂ ဂှ် ပလီုထောံဂတဵုမုက်စန်ဒက် အလံၚ်အမာတ် သ္ကိုပ်ဝန်ဇၞော် တွဵုရးကရေၚ်ဂှ် ညးဍုၚ်ကွာန် ၂ တၠ ဒးဒုၚ်ပံက်ဏာအမှုရ။
ကဝ်မယှေန်ပၞာန်သီလဝ်အဝဵု ချူခၞံသ္ပဒတန် ဥပဒေစဵုဒၞာပေါဲရုဲမာဲတုဲ ဒဵုကဵုအံက်တဝ်ပါ ၃၁ တေံ အလုံဍုၚ်မွဲ ညးတြုံညးဗြဴ ကြပ် ၁၀၀ တၠ ဒးဒုၚ်ရပ်၊ ပံက်လဝ်အမှု မဒှ်ရ။
သတင်း – သံလွင်တိုင်းမ်
Photo – Social Media