လံၚ်လုၚ်၊ နိုဝမ်ပါ ၁၂
ရးတနၚ်သဳ ပွိုၚ်ဍုၚ်လံၚ်လုၚ် ပ္ဍဲကဵုကွာန်ညေန်မဝ်ဂှ် ကရောၚ်ပၞာန်ဒပ်ကဝ်မယှေန်ပၞာန် ထပက်လုပ်ကၠုၚ်ဂှ်ရ အလုံမွဲကွာန် ဒးဂြိပ်ပါဲတိတ်အာဖအိုတ်ရဂှ် ညးဒေသတံ ဟီုကဵုဌာန်ပရိုၚ် သြၚ်လောန်တိုၚ်မ်ရ။
စနူဂိတုနိုဝမ်ပါ ၁၀ အခိၚ်နူဂယးပြဟ်ဂှ် ဇြဟတ်ဒပ်ကဝ်မယှေန်ပၞာန် ပွဳပွူ ၅၀ တံ နူကဵုလ္တူဍုၚ်လံၚ်လုၚ် မွဲအဆံၚ် ကရောၚ်ပၞာန်ထပက်လုပ်ကၠုၚ် ကွာန်ညေန်မဝ် မဒှ်ရ။
ကရောၚ်ပၞာန်ဒပ်ကဝ်မယှေန်ပၞာန် စိုပ်ကၠုၚ်ကွာန်ညေန်မဝ်ဂှ် ဖျေံလဝ်ဒပ်ပ္ဍဲကဵုဘာလကျာ်တုဲ အခိၚ်ဗတမ်မ္ဂး လွဟ်ဍောတ်တ်ဇၞော်ဇၞော် ဗက်ပန်ခြော်မံၚ်ကြာန်န်ရောၚ် သ္ဂးရ။
ဟိုတ်နူကဵုကရောၚ်ပၞာန်လုပ်စိုပ်ကၠုၚ် ပန်မံၚ်ကဵုလွဟ်ဇၞော် ကြာန်န်ဂှ်ရ ညးဍုၚ်ကွာန်ညေန်မဝ် ကြပ် ၁၅၀၀ အလုံကွာန်မွဲ ဒးဂြိပ်ပါဲတိတ်အာနူကွာန်ကီု ကၠာဟွံဂြိပ်ပါဲတိတ်အာဂှ် ညးဒေသလ္ၚဵုတံ ဒးဒုၚ်ရပ်လေဝ်နွံမံၚ်ရောၚ် ညးတြုံဒေသမွဲတၠ ဟီုကဵုဌာန်ပရိုၚ် သြၚ်လောန်တိုၚ်မ်ရ။
ပြဟ်ဟ်ဏံ ဒပ်ကဝ်မယှေန်ပၞာန် ဖျေံလဝ်သ္ဇိုၚ်ပ္ဍဲကဵုဘာလကျာ် ကွာန်ညေန်မဝ်ဂှ်တုဲ ဗက်ပန်မံၚ်ကဵုလွဟ်ဇၞော် ကွာန်ဗ္ဒာဲဗ္ဒာဲတံကြာန်န်ရဂှ် ဂွံတီရ။
လောန်ကၠုၚ် နဝ်ဝမ်ပါ ၈ အခိၚ်နူဂယးဂှ်လေဝ် ရုၚ်ဗော်ပျဳခိုၚ်ဖျိုဝ် နွံမံၚ်လ္တူဍုၚ်လံၚ်လုၚ် ဒးဒုၚ်ဖတိုဟ်လဝ်ကဵုမာင်တုဲ ဒၞာဲကရပ်ကွာန်ဗ္ဒာဲဗ္ဒာဲတံဂှ် ဒပ်ကဝ်မယှေန်ပၞာန် ထပက်မံၚ်ကရောၚ်ပၞာန် မဒှ်ရ။
ပရိုၚ်-သြၚ်လောန်တိုၚ်မ်
Photo – CJ