မတ်မလီု၊ နိုဝမ်ပါ ၁၅
ပ္ဍဲဂိတုအံက်တဝ်တုဲကၠုၚ်ဏံ အလုံဍုၚ်မွဲ ဟိုတ်နူကဝ်မယှေန်ပၞာန်ဖန်လဝ်တုဲ ကောန်အရာပ်ကြပ် ၂၀၀ ဒးချိုတ်လဝ်တုဲ ၅၀၀ ပြၚ် ဒးလဝ်ဝပ်နွံမံၚ်ရဂှ် ဌာနဝန်ဇၞော်အခေါၚ်အရာမၞိဟ် အလဵုအသဳညဳသၟဟ်ကောန်ဂကူ NUG လလောၚ်တြးလဝ်ရ။
လောန်ကၠုၚ် ပ္ဍဲဂိတုအံက်တဝ်ပါဂှ် အလုံဍုၚ်မွဲ ပရေၚ်ဖံက်ပကဝ် အခေါၚ်အရာမၞိဟ် ကဝ်မယှေန်ပၞာန်ကၠောန်လဝ် ဟွံအောန်နူ ၅၅၉ ဂကူ၊ ပ္ဍဲဏံ နကဵုၜၚ်ကျာဗတိုက်လဝ် လၟိဟ် ၂၅၀ ဝါ ပါလုပ် ဖံက်ပကဝ်လဝ်ရ။
ဟိုတ်နူကဵု ကဝ်မယှေန်ပၞာန်ကၠောန်လဝ် ပရေၚ်ဖံက်ပကဝ်အခေါၚ်အရာမၞိဟ်တုဲ ညးဍုၚ်ကွာန်ကောန်အရာပ် ၁၈၅ တၠ ချိုတ်အာတုဲ၊ အပ္ဍဲကဵုဒးလဝ်ဝပ် ၅၂၂ တၠဂှ် ကောန်ၚာ်သၟဝ် ၁၈ သၞာံ ပါလုပ် ၃၈တၠရဂှ် NUG သ္ဂးလဝ်ရ။
ဗီုဂှ်ကီု နူကဵုကဝ်မယှေန်ပၞာန်ဂစိုတ်လဝ်မၞိဟ် ကောံကောံကလောအ်ကလောအ် ၁၁ ဝါနွံတုဲ ပ္ဍဲကဵု ၁၁၆ တၠ ချိုတ်လဝ်ဂှ် ကောန်ၚာ်သၟဝ်အယုက် ၁၈ သၞာံတံ ၁၆ တၠပါလုပ်မံၚ်ရ။
စပ်ကဵုပရေၚ်ဖံက်ပကဝ်လဝ်တံဏံ နကဵုတၚ်နၚ်သက်သဳပေၚ်ၚ် ပကောံစွံလဝ်တုဲ သွက်ညးဒးဒုၚ်အာလဝ် ဘဲဒဏ်ပရေၚ်တံဏံ သွက်သ္ဂောံဒုၚ်စသိုၚ်အာ ပရေၚ်ဗဗွဲဓရ်ဍာံမာန် နကဵုဌာနဝန်ဇၞော်အခေါၚ်အရာမၞိဟ် အလဵုအသဳညဳသၟဟ်ဂကူ ပကောံစွံသ္ပလဝ်ကဵုစၟတ်သမ္တီ သ္ဂးရ။
ပေါဲရုဲမာဲဟၟဲကဵုဗဗွဲသၞောဝ်ဂှ် ကဝ်မယှေန်ပၞာန် ဂစာန်ကၠောန်အာဟဍၚ် ဆက်ရပ်ဖျေံအာထံၚ်ကဵု ညးဍုၚ်ကွာန်ဏီ၊ တက်ဟပၠုပ်မံၚ်ဓရ်ဖေက်တုဲ ထမံၚ်မံၚ်ရုပ်ရဴပေါဲရုဲမာဲအလီရောၚ် NUG ကဵုလဝ်သမ္တီ ပတိတ်လိက်လလောၚ်တြးရ။
ပရိုၚ်-သြၚ်လောန်တိုၚ်မ်
Photo – EIO(ဆက်သွယ်ရေးနဲ့ ပြန်ကြားရေး)