ဘာအင်၊ နိုဝမ်ပါ ၁၇
ပ္ဍဲကဵုလၟေၚ်တရဴက္ဍိုပ်သ္ကိုပ်ပၞာန် ကၠုၚ်လဝ်တွဵုရးကရေၚ်ဂှ် ကဝ်မယှေန်ပၞာန် ကၟာတ်လဝ်အခေါင် ဒပ်မၚ်ပယျဵုကရေၚ် BGF ကီု သီုကဵု ဂကောံရပ်လွဟ်ကရေၚ် သီုဖအိုတ် ဟွံကဵုလုပ်အပ္ဍဲဍုၚ်ရဂှ် တမ်ရိုဟ်ပရိုၚ် ညးဒေသတံ ဟီုကဵုဌာန်ပရိုၚ်သြၚ်လောန်တိုၚ်မ်ရ။
က္ဍိုပ်သ္ကိုပ်ပၞာန် ဂဥုပ်သ္ကိုပ်ပၞာန်ဇၞော် မေန်အံၚ်လှိုၚ် ပ္ဍဲကဵုနိုဝမ်ပါ ၁၅ အခိၚ်နူဂယး စိုပ်ကၠုၚ်တွဵုရးကရေၚ် နကဵုၜၚ်ကျာတုဲ ပ္ဍဲကဵုလၟေၚ်တရဴ ဍုၚ်ဘာအၚ်ဏံ ဒပ်ကဝ်မယှေန်ပၞာန်တံ ဖျေံဇြဟတ်ကေတ်လဝ်ဒၞာဲ ပ္ဍဲကဵုဒၞာဲဂၠံၚ်လ္တူဍုၚ်ကဵု ပၞော်လုပ်တိတ်ဍုၚ်တံ သၠုၚ်လဝ်ပရေၚ်ဂီုကၠီုရ။
သဘၚ်ကၞာတ္ၚဲတွဵုရးကရေၚ် ပေင် ၇၀ သၞာံတုဲ လအ်ပွိုၚ်မွဲသတ္တဟဂှ် က္ဍိုပ်သ္ကိုပ်ပၞာန် စိုပ်ကၠုၚ်တွဵုရးကရေၚ် ဍုၚ်ဘာအၚ် မဒှ်ရ။
ဟိုတ်နူတရဴ က္ဍိုပ်သ္ကိုပ်ပၞာန် ကၠုၚ်စိုပ်ဍုၚ်ဘာအၚ်ဏံဝွံ စနူကဵုနိုဝမ်ပါ ၁၄ ဂှ် ပ္ဍဲကဵုသၞေဟ်ကၚ်စၟဳစၟတ်တံဂှ် ကဝ်မယှေန်ပၞာန် ပတေၚ်သၠုၚ်လဝ် ပရေၚ်ဂီုကၠီုတုဲ ဒၞာဲပၞော်လုပ်တိတ်ဍုၚ်တံမ္ဂး ဒပ် BGF, DKBA, PC တံ နကဵုလွဟ်၊ ကယျိုၚ်ပၞာန် လုပ်တိတ်တတ်ကၠောံ အပ္ဍဲဍုၚ်ဗီုလၟေၚ်ဓမ္မတာကၠာတေံဂှ် ဟွံကဵုအခေါၚ်ရောၚ် ညးဒေသတံ ဟီုရ။
တုဲပၠန် က္ဍိုပ်သ္ကိုပ်ပၞာန် ကၠာဟွံစိုပ်ဘာအၚ်ဏီ စနူကဵုနိုဝမ်ပါ ၁၄ ဂှ်ရ ပ္ဍဲကဵုဒၞာဲသၞေဟ်ကၚ်စၟဳစၟတ် လုပ်တိတ်တံမ္ဂး ဗက်ရပ်မၚ်ကွဳစက်
လိုင်သေန်ဟၟဲတံနွံတုဲ ကွဳစက် BGF, KNU/KNLA-PC လိုၚ်သေန်ဟၟဲဂှ်လေဝ် ဒးဒုၚ်သီဏာလဝ်နွံရဂှ် ဂွံတီနူကဵု ရိုဟ်ကၞက်ပရိုၚ် ကြပ်မံၚ်ကဵုကဝ်မယှေန်ပၞာန်တံရ။
ပ္ဍဲကဵုလၟေၚ်တရဴ ကၠုၚ်စိုပ်လဝ်ဘာအၚ်ဏံ က္ဍိုပ်သ္ကိုပ်ပၞာန်အာစိုပ်လဝ် ရုၚ်ဂဥုဲပၞာန်တံၚ်ကလေ -ဘာအၚ်၊ ဂကောံအလဵုအသဳ တွဵုရးကရေၚ် ကေုာံ ကောန်ဇာတ်သ္ၚိဌာန်ကောန်သ္ဂံၚ်ပၞာန်တံတုဲ နူဘာအၚ်မွဲအဆံၚ် ဆက်တိတ်အာ နကဵုတရဴယာန်ကျာ ဇရေၚ်ဍုၚ်မတ်မလီု မဒှ်ရ။
ဟိုတ်ဂှ်တုဲ အလုံမွဲဒမြိပ်ဂၠံၚ်ဘာအၚ်-မတ်မလီုဂှ် ဒပ်ကဝ်မယှေန်ပၞာန် ဖျေံဇြဟတ်ကေတ်လဝ်ဒၞာဲ ပတေၚ်သၠုၚ်လ ဝ်ပရေၚ်ဂီုကၠီုနွံရဂှ် ဂွံတီနူကဵုညးဒေသတံရ။
ပရိုၚ်-သြၚ်လောန်တိုင်မ်
Photo – CJ