မုင်၊ နိုဝမ်ပါ ၁၉
ပ္ဍဲရးဗဂေါ ပွိုၚ်ဍုၚ်မုၚ်ဂှ် ညးယိုက်ဝန်ပၞာန် ၃ တၠ နူကဵုဒပ် ကဝ်မယှေန်ပၞာန် ဂြိပ်တိတ်ကၠုၚ်လဝ်နွံရဂှ် ဗော်သွးကောန်ဂကူ ကရေၚ် ဗဟဵု KNU လလောၚ်တြးလဝ်ပ္ဍဲကဵုနဝ်ဝမ်ပါ ၁၈ ရ။
ကောန်ပၞာန်တၟိ ပိတၠဏံ ဂြိပ်စိုပ်ကၠုၚ် ဇရေၚ်ဒပ်ပၞာန်ဗၠးၜးကောန်ဂကူကရေၚ် KNLA တမ်ဒပ် ၈ နွံမံၚ် KNU ပွိုၚ်ဍုၚ်မုၚ်ရ။
ကောန်ပၞာန်တၟိ တဇြေန်ထောန်၊ ကျဝ်ဇြေန်ထောန်ကဵု ပျေအ်ဇြုၚ်ထောန်တံ ပိတၠ ဂြိပ်တိတ်ကၠုၚ်လဝ် မဒှ်ရ။
ကောန်ပၞာန်တၟိ ပိတၠဏံဂှ် နူကဵုတမ်ဒပ် ခမရ ၅၈၁ ဖျေံသ္ဇိုၚ်ဍုၚ် ကအ်သံၚ် ရးတနၚ်သဳ မဒှ်တုဲ အဃောပလံၚ်မုက်ပၞာန် စိုပ်ကၠုၚ်ပွိုၚ်ဍုၚ်မုင်ဂှ် ဂြိပ်တိတ်ကၠုၚ်ဇရေၚ် ဒပ် KNLA ရ။
ယဝ်ရ ဒးဒုၚ်ပကောံလဝ် ကောန်ပၞာန်တၟိ ဗွဲအတေင်အဓ္ဓမမ္ဂး ဒၞာဲဂကောံပၠန်ဂတး ကြပ်အိုတ်နွံမံၚ်တံဂှ် ညံၚ်ဂွံကၠုၚ်ပံၚ်တောဲ လုပ်ဖျေံလွဟ်ညိဂှ် ဗတိုက်ဖအောဝ်လဝ်နွံရ။
အတိုၚ်လိက်ဒုၚ်စဳရေၚ် ဂကောံပျဳတုပါန်တိုင်ဂှ်မ္ဂး ပ္ဍဲကဵုအံက်တဝ်ပါ ပွိုၚ်မွဲဂိတုဂှ် အလုံဍုၚ်မွဲ ကောန်ပၞာန်၊ ဒပ်ဗၠာဲသၟိၚ်ကဵု ဒပ်မၚ်ကွာန် ဒပ်ကဝ်မယှေန်ပၞာန်တံ အပံၚ်ဖအိုတ် ၁၂၅ တၠ ဖျေံကၠုၚ်လဝ်လွဟ်နွံ လလောၚ်ပတိတ်လဝ်ရ။
ပရိုင်-သြၚ်လောန်တိုင်မ်
Photo – KNU