တယိတ်ချံၚ်၊ နိုဝမ်ပါ ၂၀
ရးတနၚ်သဳ ပွိုၚ်ဍုၚ်တယိတ်ချံၚ် ကရောၚ်ပၞာန် ဒပ်ကဝ်မယှေန်ပၞာန်ဗမာ လုပ်ဂၠိုက်ဂၠာဲဏာ ကွာန်တယိတ်ချံၚ်သၟဝ်ဂှ်တုဲ ကပေါတ်ၚုဟ်မးနွံနူကဵုသ္ၚိတံဂှ် သီကေတ်ဏာလဝ်ရဂှ် ညးဒေသတံ ဟီုကဵုဌာန်ပရိုၚ်သြၚ်လောန်တိုင်မ်ရ။
ကရောၚ်ပၞာန်ဒပ်ကဝ်မယှေန်ပၞာန်ဗမာ ဇြဟတ် ၁၀၀ ပြၚ်ၚ် ပ္ဍဲကဵုနဝ်ဝမ်ပါ၁၉ ၜိုတ်အခိၚ်နူဂယး ၁၁ နာဍဳဂှ် လုပ်ကၠုၚ်လဝ်သ္ၚိ ရဲဒဴပါဲလဝ်ပၞာန်တံတုဲ ဂၠံက်ဂၠိုက်ဂၠာဲဏာကပေါတ်တံမဒှ်ရ။
အတိုၚ်ညးဒေသတံဟီုမ္ဂး ဒပ်ကဝ်မယှေန်ပၞာန်ဗမာတံ တက်ပလီုထောံပါ်တြင်သ္ၚိတံတုဲ ဗက်ဂၠိုက်ဂၠာဲဏာ ကပေါတ်ၚုဟ်မးနွံသီုဖအိုတ် ဂွံတီရ။
ကရောၚ်ပၞာန် ဒပ်ကဝ်မယှေန်ပၞာန် ဆက်နွံမံၚ်ကရပ်ပွဳပွူ ကရပ်ကွာန်တယိတ်ချံၚ်သၟဝ် ဖိုအ်ဏီတုဲ ကပေါတ်သ္ၚိၚုဟ်မး ၜိုတ်ဂမၠိုၚ်လဵုကၠေံဆောံလီုလာ်အာဂှ် ဟွံဂွံတီဏီပုဟ် ညးဒေသတံဟီုရ။
ကရောၚ်ဏံဝွံ ပ္ဍဲကဵုနိုဝမ်ပါ ၁၈ ဂှ်လေဝ် ထပက်လုပ်ကၠုၚ် ကွာန်ကြုၚ်ဗၜေအ်ဂှ် ကော်ရပ်ဏာ ညးတြုံကောန်ကွာန် ၅ တၠကီုတုဲ ဒဵုအခိၚ်လၟုဟ် ဟွံဂွံကလေၚ်ဗလးဖျဴဏီ သ္ဂးရ။
စနူကဵု ဂိတုအံက်တဝ်ပါ လောန်ကၠုၚ်ဏံဂှ် ကရောၚ်ပၞာန်ထပက်မံၚ် ပ္ဍဲပွိုၚ်ဍုၚ်တယိတ်ချံၚ်တုဲ ညးဍုၚ်ကွာန်လၟိဟ်ကဵုဠက်တံဒးဂြိပ်ပါဲ မံၚ်အိုတ်ကီု နွံမံၚ်ပၟိက်ကဵုအရီုဗၚ်ပရေၚ်ဗ္စာရဏာမၞိဟ်တံရဂှ် ဂွံတီနူကဵု ညးကဵုမံၚ်ပရေၚ်ရီုဗၚ်ဒဴပၞာန်တံရ။
ကရောၚ်ပၞာန် ဒပ်ကဝ်မယှေန်ပၞာန်ဝွံ ပ္ဍဲကဵုနဝ်ဝမ်ပါ ဒုတိယသတ္တဟဂှ်လေဝ် လုပ်ကၠုၚ်ကွာန်တိၚ်ကုၚ်ကဵု ကွာန်ကတောဲ ပ္ဍဲပွိုၚ်ဍုၚ်တယိတ်ချံၚ်တုဲ စံၚ်ပလီုထောံလဝ်သ္ၚိဌာန်ညးဍုၚ်ကွာန်တံရ။
ပရိုင်-သြၚ်လောန်တိုၚ်မ်
Photo – CJ

