ဒပ်ပၞာန်ဂစာန်မံၚ် သွက်ဂွံကလေၚ်ထိင်ချုက်မဝ်တံၚ်

မဝ်တံၚ်၊ နိုဝမ်ပါ ၂၂

သွက်ဂွံကလေၚ်ထိင်ချုက် ဍုၚ်မဝ်တံၚ် ရးတနၚ်သဳ ဒေသပယျဵုသေံ-ဗမာဂှ် ဒပ်ပၞာန်ဗမာထပက်မံၚ်ပၞာန် ဇြဟတ်ဂၠိုၚ်ၚ်ဂှ်ရ ပေါဲဗတိုက်သ္ကာတ်မြဟ်က္တဵုဒှ်မံၚ်ရောၚ် ဂကောံဇြဟတ်ပၠန်ဂတးတံ ဟီုကဵုဌာန်ပရိုၚ်သြၚ်လောန်တိုၚ်ရ။

ဍုၚ်မဝ်တဝ်ဝွံ ဒှ်ဍုၚ် ပရေၚ်ကူသာန်ဗၞိက်ဒေသပယျဵု အဓိကမွဲဂှ် ဂကောံဇြဟတ်ပၠန်ဂတးတံ ဗတိုက်သီကေတ်လဝ်တုဲ နူကဵုပၞာန်ကျာ ဖျေံကဵုဇြဟတ်ပၞာန်အရီုဗၚ်သၟးဟွံက နူကဵုဗလးတိဂှ်လေဝ် ထပေၚ်ကဵုမံၚ်ဇြဟတ်ဂှ်ရ ပ္ဍဲဒၞာဲပွဳပွူ ကွာန်သိၚ်ခေါန်ကဵု သယ်ဖျုတံ အကြာၜါ်လပါ် ဒှ်မံၚ်ပေါဲဗတိုက်ရ။

သွက်ဂွံကလေၚ်သီထိၚ်ချုက် ဍုၚ်မဝ်တံၚ်ပၠန်ဂှ် နူကဵုဒပ်ပၞာန်ကျာ ကဝ်မယှေန်ပၞာန် ကြပ်အရိုဟ်ဒဒှ်တ္ၚဲ ကြဳဖျေံဗုၚ် ကဵုမံၚ်ပၞာန်ရီု တံရောၚ်ဂှ် ဂကောံဇြဟတ်ပၠန်ဂတးတံဟီုလဴတုဲ ဂွံတီရ။

တုဲပၠန် ကရောၚ်ပၞာန် ဒပ်ကဝ်မယှေန်ပၞာန် နွံမံၚ်ပ္ဍဲကဵုကွာန်သိၚ်ခေါန် ကဵုသယ်ဖျုတံ ထပက်မံၚ်ပၞာန်အရိုဟ်တ္ၚဲတုဲ ပေါဲဗတိုက်အကြာၜါ လပါ် ဒှ်မံၚ်ဂှ်ရ ဒးဝပ်ချိုတ်နွံမံၚ်ရဂှ် သ္ဂံၚ်ပၠန်ဂတးမွဲတၠ နူကဵုပွိုၚ်ဍုၚ်တနၚ်သဳ ဟီုကဵု ဌာန်ပရိုၚ်သြၚ်လောန်တိုၚ်ရ။

မွဲလပါ်ပၠန် ပ္ဍဲကဵုသ္ကုတ်ဂၠံၚ် အာဍုၚ်မဝ်တံၚ်တေံဂှ် ဂကောံဇြဟတ် ပၠန်ဂတးတံ ထိၚ်ချုက်လဝ်တုဲ ကရောၚ်ပၞာန်ဗလးတိ ကဝ်မယှေန်ပၞာန်တံ ထပက်ယိုတ်လုပ်ဟွံမာန်ဂှ် ဒပ်ပၞာန်ကျာ ဘိုၚ်ရီုပန်မံၚ်ကီုလေဝ် ဟွံစိုပ်တရဴပုဟ် သ္ဂးရ။

ပြဟ်ဟ်ဏံ ညးဒေသမဝ်တံၚ်ကီု ဒေသပွဳပွူဗ္ဒာဲဗ္ဒာဲတံဗွဲမဂၠိုၚ် ဟိုတ်နူ ပၞာန်ကျာကဝ်မယှေန်ပၞာန် ပေါဲဗတိုက်အကြာၜါ်လပါ်ဆက်ဒှ်မံၚ်တုဲ ဟွံဂံၚ်ကလေၚ်စဴသ္ၚိဏီရဂှ် ဂွံတီရ။

ပရိုၚ်-သြၚ်လောန်တိုၚ်မ်

Photo – PDF

Leave a Reply

Your email address will not be published. Required fields are marked *