သြန်ဒမၠေံကြုက်တံ အမေရိကာန်ကေတ်လဝ်ဂၠိုၚ်အိုတ်ရောၚ် ဂွံလ္ၚတ်ဆဵုလဝ်

ဟံၚ်ကံၚ်၊ နိုဝမ်ပါ ၂၂

သြန်ဒမၠေံကြုက်တံ ပတိတ်ကဵုမံၚ် ပ္ဍဲအလုံဂၠးကဝ်မွဲဂှ် အမေရိကာန်ကေတ်လဝ်ဂၠိုၚ်အိုတ်ရောၚ် ဂွံလ္ၚတ်ဆဵုလဝ်တုဲ ဍုၚ်သြန်လုပ်ခိုဟ်တံဂှ် အလဵုအသဳဗေကျေန် ပဵုတုဲပတိတ်ဂၠေံကဵုမံၚ်သြန် နူကဵုဍုၚ်ဖောအ်ဗြဳတံဏီ ဆဵုလဝ်ရ။

ပ္ဍဲအရာပရေၚ်လ္ၚတ် တက္ကသိုလ်အမေရိကာန် ဝဳလဳယာန်ကဵု ဂကောံသုတေသန AidData ကၠောန်လဝ်ဂှ်မ္ဂး စနူသၞာံ ၂၀၀၀ ပေၚ် ဒဵုကဵု ၂၀၂၃ တေံ နူဍုၚ်ကြုက် ဂၠေံကဵုလဝ်သြန် အလုံဂၠးကဝ်ဍုၚ်မၞုံမံၚ် ၂၀၀ တံဂှ် သြန်ဒဝ်ဠာ ၂ ဒဿမ ၂ ထရဳလဳယာန် ပတိတ်ဂၠေံကဵုလဝ်ရောၚ် ချူလဝ်ရ။

အတိုၚ်ကိုန်အစဳဇန်ကြုက် ဗၞဳအဝန်မွဲ ဂၠံၚ်မွဲမ္ဂး ဍုၚ်အဃောဖောအ်ဗြဳတဴတက်မံၚ်တံဂှ် ကြုက်ဂၠေံကဵုလဝ်သြန်ရောၚ် ညးဂမၠိုၚ်ညာတ်ကေတ်လဝ်လအ်ကီုလေဝ် ဍုၚ်ပရေၚ်ပိုန်ဒြပ်ခိုဟ်တံဂှ် ကြုက်ပဵုတုဲ ဒမၠေံပတိတ်ကဵုလဝ်သြန် ပ္ဍဲတၚ်လ္ၚတ်ဂွံလဝ်တံ ချူလဝ်ရ။

ပရေၚ်သြန်ဒမၠေံကြုက်တံဝွံ သွက်စမြိုၚ်သ္ဇိုၚ်ဗျူဟာတံ၊ ပ္ဍဲကဵုနဲကဲထံက်ပၚ်ပညာအဆံၚ်သၠုၚ် ကပေါတ်ဓါတ်လလဳကၠောံမွဲသ္ကုတ်တံ၊ ဂမြၚ်ဥာဏ်ပတောအ်တံ၊ ဓါတ်အစောံသ္အးတံဂှ် ပဵုတုဲဂၠေံပတိတ်ကဵုလဝ်သြန်ရောၚ် လ္ၚတ်ဆဵုလဝ်ရ။

လၟိဟ်ပမာဏ ကြုက်တံဂၠေံကဵုလဝ်သြန်ဂှ်တှ်ေ နူကဵုချိၚ်ဆကေတ်လဝ်ကၠာတေံဂှ် ၜိုဟ်ပန်ဆ ပဵုဂၠိုၚ်မံၚ်တုဲ ပ္ဍဲဂၠးကဝ်ဏံ ဍုၚ်ပတိတ်ဂၠေံကဵုမံၚ်သြန်ဂှ် ဒှ်ဍုၚ်ကြုက်ရောၚ် AidData ချူလဝ်ရ။

စပ်ကဵုပရေၚ်လ္ၚတ်ဂၠိုက်ဂၠာဲဂွံလဝ်တၚ်နၚ်တံဏံ ညံၚ်ဂွံကဵုတင်စၟတ်သမ္တီမွဲမွဲသာ်ကီု အာတ်မိက်ဏာ ဌာနဝန်ဇၞော်ဍုၚ်သ္အာၚ်ကြုက်ဂှ် ပရေၚ်ဍုၚ်ပိုဲ ဓလိုက်လဝ်တမ်ရိုဟ်ဍုၚ်မ္ဂး ကေုာံ စေက်လဝ်သြန်ဘဏ္ဍာဟီုဂှ် ဒုၚ်ကေတ်လဝ် အခိုက်အလိုက်ဂၠးကဝ်တံ၊ မူဝါဒဗွဝ်ဖျာတံ ဒဂေတ်ဗက်လဝ် မူဝါဒသြန်ဒမၠေံတံတုဲ ကၠောန်လဝ်ရောၚ် ကလေၚ်ဟီုနၚ်ရ။

ပရေၚ်သြန်ဒမၠေံကြုက် ၜိုတ်ပန်ဂအုံပိဂအုံဂှ်တှ်ေ ဍုၚ်သြန်လုပ်ဂၠိုၚ်နူကဵုဍုၚ်အဆံၚ်အဒေါဝ်တံကဵု ဍုၚ်သြန်လုပ်ဂၠိုၚ်အိုတ်တံဒှ်မံၚ်ရောၚ် ညးလ္ၚတ်တံ ချူလဝ်ရ။

ပၞောဝ်ကဵုဍုၚ်ကေတ်လဝ်သြန်ဒမၠေံကြုက်တံမ္ဂး အမေရိကန်နွံမံၚ်လ္တူသၠုၚ်အိုတ်ဒှ်တုဲ သွက်ကိုန်အစဳဇန်ကဵု ကမၠောန် ကရပ် ၂၅၀၀ ဂကူတံ ကေတ်လဝ်သြန်ဒမၠေံ ၂၀၀ ဗဳလဳယာန်ပြၚ်နွံမံၚ် ဆဵုလဝ်ပ္ဍဲတၚ်လ္ၚတ်ဂွံလဝ်ရ။

သွက်ကာန်ပနဳ နဲကဲပညာအဆံၚ်သၠုၚ် ဗေကျေန်တံ သွက်ဂွံရာန် ဂၠေံကဵုလဝ်သြန်လေဝ်နွံမံၚ် ဆဵုလဝ်ပ္ဍဲကဵုတၚ်လ္ၚတ်ဏံရ။

Ref:Reuters

Leave a Reply

Your email address will not be published. Required fields are marked *