ပလဝ်၊ နိုဝမ်ပါ ၂၄
ရးတနၚ်သဳ ဍုၚ်ပလဝ် သ္ၚိဥက္ကဌ ဗော်ပျဳခိုၚ်ဖျိုဝ် နွံမံၚ် အရာပ် ၃ ကဵု ရုၚ်ပရေၚ်အုပ်ဓုပ်တံ ဒးဒုၚ်စံၚ်ဏာရဂှ် ညးဒေသတံ ဟီုကဵုဌာန်ပရိုၚ်သြၚ်လောန်တိုၚ်မ်ရ။
ပ္ဍဲနိုဝမ်ပါ ၂၁ အခိၚ်ဗတမ် ၜိုတ် ၁၁ နာဍဳဂှ် ရဲရပ်လွဟ်မွဲဂကောံလုပ်စံၚ်ဏာ သ္ၚိဥက္ကဌ ဗော်ပျဳခိုၚ်ဖျိုဝ် ဥူဇာနဲအံၚ် (သ္ၚိမၞိဟ်ဟွံမံၚ်) ကဵု ရုၚ်ပရေၚ်အုပ်ဓုပ်အရာပ် (၃) တံ မဒှ်ရ။
ဟိုတ်နူဒးဒုၚ်စံၚ်ဂှ် သ္ၚိဥူဇာနဲအံၚ်ကဵု ရုၚ်ပရေၚ်အုပ်ဓုပ် ပၟတ်တူအာတုဲ လအ်ပွိုၚ်ၜိုတ်မွဲနာဍဳဂှ်မှ ဂကောံပြာ်ပၟတ်ကဵု ဒပ်ဗၠာဲသၟိၚ်တံ ဂွံကၠုၚ်ဂစိုတ်ပၟတ်ပၠိုတ်အာ သ္ဂးရ။
သ္ၚိညးမဒးဒုၚ်စံၚ် ဥူဇာနဲအံၚ်ဝွံ ပ္ဍဲကဵုပေါဲရုဲမာဲ ကဝ်မယှေန်ပၞာန်ကၠောန်လၟုဟ်ဏံ နကဵုအလံၚ်အမာတ် စၠတ်ဓဝ်ရးဒေသဇၞော်မွဲတၠ ဘိုအ်ဂွံလုပ်ပြိုၚ်အာ နွံရ။
အခိၚ်ကာလသီအဝဵုဏံ ပ္ဍဲဍုၚ်ပလဝ် ဆၜိုတ် ဒၞာဲအရာပ်လ္တူဍုၚ် ဂှ်ဟေၚ် ဒပ်ကဝ်မယှေန်ပၞာန် ထိၚ်ချုက်ဂွံလဝ်မဒှ်တုဲ ဂကောံဇြဟတ်ပၠန်ဂတး ဒပ်ပံၚ်တောဲတံဂှ် ထိၚ်ချုက်ဂွံလဝ် ကွာန်ဂမၠိုၚ် မဒှ်ရ။
ပ္ဍဲအံက်တဝ် ၂၃ တုဲကၠုၚ်တေံလေဝ် လ္တူဍုၚ်ပလဝ် ပ္ဍဲအရာပ် ၄ ဂှ် သ္ကိုပ်အုပ်ဓုပ်ကဵု ကောန်ပၞာန်ဗမာမွဲတၠ ဒးဒုၚ်ပန်ဂစိုတ်လဝ်ရဂှ် ဂွံတီနူကဵု ညးဒေသတံရ။
ပရိုၚ်-သြၚ်လောန်တိုၚ်မ်
Photo – PAN