မဂွေ၊ နိုဝမ်ပါ၂၅
အလုံဍုၚ်မွဲ စနူကဵု ဂိတဖေဖဝ်ပါရဳ ဒဵုစိုပ်ဂိတုမေ လောန်ကၠုၚ် ပ္ဍဲကဵုပွိုၚ်ပန်ဂိတုဏံ ဒပ်ကဝ်မယှေန်ပၞာန် စံၚ်ပလီုထောံလဝ် သ္ၚိဌာန်ညးဍုၚ်ကွာန် ကောန်အရာပ်တံ ၃၅၀၀ ပြၚ်နွံမံၚ် ဂကောံသုတေသန Data For Myanmar လလောၚ်ပတိတ်လဝ်ရ။
သ္ၚိဌာန်ညးဍုၚ်ကွာန် ပ္ဍဲ ရးကဵု တွဵုရး ၁၂ ဒၞာဲတံ ပ္ဍဲအကြာပွိုၚ် ၄ ဂိတုဏံ ဒးဒုၚ်စံၚ်ပလီုလဝ်တုဲ ပ္ဍဲရးမဂွေ၊ သကိုၚ်၊ မာန္တလေဝ်ကဵု ရးဗဂေါတံ ပရေၚ်ဒပ်ကဝ်မယှေန်ပၞာန် ဟိုတ်နူစံၚ်ပလီုထောံဂှ် ပရေၚ်ဆောံလေၚ်ဂၠိုၚ်အိုတ် ဒှ်မံၚ်ရောၚ်။
ဗွဲတၟေၚ် ပ္ဍဲကဵုရးမဂွေ ပွိုၚ်ဍုၚ်ယေသဂျို ပ္ဍဲကဵုကွာန် မျေတဝ်ကဵု မျေသောန်တဝ် ၜါကွာန် သ္ၚိဌာန် ၅၄၀ မပြၚ်ၚ်၊ ပ္ဍဲပွိုၚ်ဍုၚ်သလေၚ် ကွာန်ဂွေကုန်ကဵုငတာန်ခံၚ်တံဂှ် သ္ၚိဌာန် ၂၃၉ မ ဒးဒုၚ်စံၚ်ပလံၚ်တုဲ ပရေၚ်ဆောံလေၚ် နွံမံၚ်ဂၠိုၚ်အိုတ် သ္ဂးရ။
ဟိုတ်နူဒပ်ကဝ်မယှေန်ပၞာန်ကဵု ဂကောံသၟဝ်တဲဍေံတံစံၚ်ပလီုလဝ်ဂှ် သ္ၚိဌာန်ကောန်ညးဍုၚ်ကွာန် ၃၆၇၂ မ ဒးဆောံလေၚ်အာတုဲ ဟိုတ်နူကရောၚ်ပၞာန် ဒပ်ကဝ်မယှေန်ပၞာန်ထပက်ကၠုၚ်၊ ဒှ်ပေါဲဗတိုက်ကဵု ဒပ်ပၠန်ဂတးတံ မဒှ်ရ။
ဗွဲတၟေၚ် ပ္ဍဲရးသကိုၚ်မ္ဂး သကိုၚ်၊ မုၚ်ယွာ၊ ချံၚ်ဥူ ကေုာံ မျေၚ်မူ။ ပ္ဍဲရးမဂွေမ္ဂး ယေသဂျို၊ သလေၚ်၊ မျိုၚ် ကဵု ပံက်။ ပ္ဍဲရးမာန္တလေဝ်မ္ဂး ညံၚ်ဥူ၊ မျေၚ်ဇျှာန် ကဵု ငါန်သောန်၊ ပ္ဍဲရးဗဂေါမ္ဂး ပ္ဍဲပွိုၚ်ဍုၚ်မေန်လှကဵု အုက်ဖိုတံ ပရေၚ်ဒးဒုၚ်စံၚ်သ္ၚိ ဂၠိုၚ်အိုတ်ရ။
အခိၚ်ပၞာန်သီလဝ်အဝဵု ပွိုၚ်ပန်သၞာံပြၚ်ဏံ ပ္ဍဲရးကဵု တွဵုရး ၁၂ ဒၞာဲတံမ္ဂး ဟိုတ်နူဒပ်ကဝ်မယှေန်ပၞာန်ကဵု ဂကောံသၟဝ်တဲတံစံၚ်ပလီုလဝ်ဂှ် သ္ၚိဌာန်ကောန်အရာပ် ညးဍုၚ်ကွာန် ၁၁၀,၀၀၀ မပြၚ်ၚ် ဆောံလီုအာလဝ်နွံမံၚ် ဂွံတီရ။
ပရိုၚ်-သြၚ်လောန်တိုၚ်မ်
Photo – Data for Myanmar