တယိတ်ချံၚ်၊ ဒဳဇြမ်ပါ ၁
ပ္ဍဲရးတနၚ်သဳ ဟိုတ်နူဒှ်ပေါဲဗတိုက်အကြာၜါလပါ်တုဲ ဂၠံၚ်ဗိက်-ထဝါဲ အကြာဍုၚ်တယိတ်ချံၚ်ကဵု ပလံက် ကၟာတ်လဝ် ပွိုၚ် ၂၀ ဂှ် ကလေၚ်ပံက်ကဵုယျ ဗော်သွးကောန်ဂကူကရေၚ် KNU မဟာဒပ်(၄) ခရိုၚ်ဗိက်-ထဝါဲ လလောၚ်တြးရ။
စနူကဵု နိုဝမ်ပါ ၈ တေံတုဲ ကရောၚ်ပၞာန်ဒပ်ပၞာန်ဗမာ ထပက်ကၠုၚ်လဝ် သ္ကုတ်ဂၠံၚ်တယိတ်ချံၚ်ကဵု ဍုၚ်ပလံက်ဂှ် ဒှ်လဝ်ပေါဲဗတိုက်ကဵု ဗော်သွးကောန်ဂကူကရေၚ် KNU မဟာဒပ်(၄) ခရိုၚ်ဗိက်-ထဝါဲသ္ကိုပ်သ္က ဂကောံပၠန်ဂတးတံ ရိုဟ်ဟ်တ္ၚဲနွံရ။
ဆးဂပြဟ်ဟ်ဏံ ပရေၚ်ပၞာန်အကြာၜါလပါ် ကလေၚ်ညိင်စှ်ေအာတုဲ သွက်ညးဍုၚ်ကွာန်တံ ညံၚ်ဂွံအာကၠုၚ်မာန် ကလေၚ်ပံက်ကဵုဂၠံၚ် ဗိက်-ထဝါဲ စနူနိုဝမ်ပါ ၂၈ ရဂှ် တမ်ဒပ် ၁၂ KNU မဟာဒပ်(၄) ခရိုၚ်ဗိက်-ထဝါဲ ကဵုသမ္တီ ပတိတ်လိက်လလောၚ်တြးရ။
ကလေၚ်ပံက်ကဵုဂၠံၚ် ဗိက်-ထဝါဲတုဲ စနူနိုဝမ်ပါ ၂၈ အခိၚ်နူဂယး ၈ နာဍဳ ဂှ် ကွဳစက်ဖ္ဍိုက်ဗၞိက်ကဵု ကွဳစက်ညးအာတရဴတံ ကလေၚ်အာကၠုၚ်မံၚ်အိုတ်ရဂှ် ညးဒဳကွဳစက် ဖ္ဍိုက်ကပေါတ်မွဲတၠ ဟီုကဵု ဌာန်ပရိုၚ်သြန်လောန်တိုၚ်မ်ရ။
ဟိုတ်နူကၟာတ်လဝ် ဂၠံၚ်ဗိက်-ထဝါဲ ပွိုၚ် ၂၀ ဂှ် ကွဳစက်ဖ္ဍိုက်ဗၞိက်ကဵု ကွဳစက်ညးအာတရဴတံ ၁၀၀၀ မပြၚ် မာတ်ဆိုအ်မံၚ် ပ္ဍဲအကြာကွာန် ပျေၚ်ဖျူကျဳ၊ မေန်တာတ်၊ ယင္ၚေဝ်၊ ဗုက်တံၚ်၊ ပေဝ်ဒက်ကဵု ပ္ဍဲကွာန်စိင်ဇၞော်ထပက် ပွိုၚ်ဍုၚ်တယိတ်ချံၚ်တံရ။
ဟိုတ်နူဂၠံၚ်မာတ်အာတုဲ ခၞေဝ်ကေဝ်ဂမၠိုၚ်၊ က၊ ဖျုန်နာနာ ဖ္ဍိုက်နၚ်လဝ်ကဵုကွဳစက်တံ သီုဖအိုတ် အုဲအေၚ်လီုအိုတ်ဂှ် ပရေၚ်ကူသာန်တံ ဒးကျဟောံလေၚ်အာလဝ်ရ တၠကမၠောန်တံ ပတိုန်ထ္ၜး ဟီုမံၚ်အိုတ်ရ။
ပရိုၚ်-သြန်လောန်တိုၚ်မ်
Photo – CJ