လံၚ်လုၚ်၊ ဒဳဇြမ်ပါ ၂
ရးတနၚ်သဳ ပွိုၚ်ဍုၚ်လံၚ်လုၚ် ပ္ဍဲကွာန်သာပ်ပျေဝ် ဟိုတ်နူကရောၚ်ပၞာန်ဒပ်ကဝ်မယှေန် ထပက်လုပ်ကၠုၚ်တုဲ ညးဒေသ ၂၀၀၀ ပြင် ဒးထပ်ဂြိပ်ပါဲဒဴဘဲပၞာန်ရဂှ် ဂွံတီနူကဵု ဒပ်ပၠန်ဂတးတံရ။
စနူဒဳဇြမ်ပါ ၁ ၜိုတ်အခိၚ်နူဂယးပြဟ် ၃ နာဍဳဂှ် ကရောၚ်ပၞာန် ဒပ်ကဝ်မယှေန်ပၞာန် ဇြဟတ် ၅၀ ပြၚ်ၚ်တံ နူကဵုဍုၚ်လံၚ်လုၚ် ကရောၚ်ပၞာန်ထပက်လုပ်အာ ပ္ဍဲကွာန်သာပ်ပျေဝ် မဒှ်ရ။
ဟိုတ်နူကရောၚ်ပၞာန်ထပက်လုပ်ကၠုၚ်တုဲ အကြာၜါ်လပါ် ဂွိၚ်ဖေက်ဒှ်ပေါဲဗတိုက်ဂှ်ရ ညးဒေသတံ ဒၞာဲဗၠးဘဲမာန် ဂြိပ်ပါဲဒဴအာရဂှ် ညးတာလျိုၚ်လလောၚ်ပရိုၚ် ဒပ်စဵုဒၞာညးဍုၚ်ကွာန် ပွိုၚ်ဍုၚ်လံၚ်လုၚ်ယှေဝ်ဒိုဝ် ဟီုကဵုဌာန်ပရိုၚ်သြၚ်လောန်တိုၚ်မ်ရ။
ကရောၚ်ပၞာန်ဒပ်ကဝ်မယှေန် ဟိုတ်နူထပက်လုပ်ကၠုၚ်ဂှ် ညးဒေသကွာန်သာပ်ပျေဝ်၊ ညှေၚ်မဝ် ကဵုယေန်ဗုၚ်တံ ၂၀၀၀ ပြၚ် ဒးဂြိပ်ပါဲဒဴအာ ဒၞာဲဗၠးဘဲမာန်ရဂှ် သ္ဂးရ။
ဒပ်ကဝ်မယှေန် ဟိုတ်နူ ထပက်မံၚ်ကရောၚ်ပၞာန် မွဲဏှမွဲဏှဂှ်ရ ညးဒေသလံၚ်လုၚ်တံ ဒးဂြိပ်ပါဲမံၚ်လၟိုန်တုဲ ဟွံဂွံရတ်သြောံ၊ ဟွံဂွံ ခွာတ်ရာဘာ သီုကဵုကမၠောန် ပရေၚ်ထပေၚ်ဗုၚ်ဂၞဴတံ ဟွံဂွံကၠောန်ၜိုတ်ခိုဟ်ဟ် သ္ဂးရ။
လောန်ကၠုၚ် နိုဝမ်ပါ ၁၀ ဂှ်လေဝ် ကရောၚ်ပၞာန်ဒပ်ကဝ်မယှေန် ထပက်လုပ်ကၠုၚ် ပွဳပွူကွာန်သာပ်ပျေဝ်၊ ညှေၚ်မဝ် ၜိုတ်ပွိုၚ် ၜါသတ္တဟနွံကၠုၚ်ဂှ် ညးဒေသတံ ဒးထပ်ဂြိပ်ပါဲဒဴဘဲပၞာန်တုဲ လၟုဟ်ကလေၚ်စိုပ်ကၠုၚ်သ္ၚိ မွဲသတ္တဟလေဝ် ဟွံပေၚ်ဏီ ဂွံတီရ။
အတိုၚ်လိက်ဒုၚ်စဳရေၚ် ဂကောံသုတေသန FE5 Thanintharyi မ္ဂး ကြပ်ကၠုၚ် ပေါဲရုဲမာဲဟဍၚ် ပ္ဍဲကဵုရးတနၚ်သဳ ပရေၚ်ဒပ်ကဝ်မယှေန် ထပက်ကရောၚ်ပၞာန်ကီု ၜၚ်ကျာကြဳဗုမ်တံဂှ်တှ်ေ ညးဒေသ ၉၃၀၀၀ ပြၚ် ဒးဂြိပ်ပါဲမံၚ်ဘဲပၞာန်ရ။
ပရိုၚ်-သြၚ်လောန်တိုၚ်မ်
Photo – CJ