ရေဝ်၊ ဒဳဇြမ်ပါ ၂
ကောန်ပၞာန်ဗမာယိုက်ဝန်ပၞာန် ၃ တၠ ဂြိပ်တိတ်ကၠုၚ် နူကဵုတမ်ဒပ် ခမရ ၅၈၆ ဍုၚ်ရေဝ်ဂှ် ဂကောံလကိုဟ်ရေဝ် ရပ်ထိၚ်ဂွံလဝ်ရဂှ် က္ဍိုပ်သ္ကိုပ်ဂကောံလကိုဟ်ရေဝ် ဟီုရ။
ဒၞာဲဂကောံလကိုဟ်ရေဝ် ပံက်လဝ်မုက်ပၞာန်ဏံ ကောန်ပၞာန် ၃ တၠ ဂြိပ်လုပ်စိုပ်ကၠုၚ်ဗွိုၚ်ဂှ်တုဲ ရပ်ထိၚ်ဂွံလဝ် မဒှ်ရ။
လွဟ်ဟွံကေတ်နၚ်မွဲသာ် ဍေံတံပိတၠ ဂြိပ်တိတ်ကၠုၚ်နူကဵု တမ်ဒပ် ခမရ ၅၈၆ မဒှ်တုဲ ပြဟ်ဟ်ဏံ ရပ်ထိၚ်စွံလဝ် ခိုဟ်ဟ်ရဂှ် သ္ဂးရ။
ကောန်ဒပ် ချေတ်ထောန် အယုက် ၂၃ သၞာံ၊ ကောန်ဒပ် အံၚ်တာန်ဥူ အယုက် ၂၄ သၞာံ၊ ကောန်ဒပ် ယာန်နိုၚ်ဝေန် အယုက် ၂၉ သၞာံပိတၠတံ ဂြိပ်တိတ်ကၠုၚ်လဝ် မဒှ်ရ။
ကြပ်ကၠုၚ်ကဵုပေါဲရုဲမာဲဟဍၚ် ပ္ဍဲကဵုပွိုၚ်ဍုၚ်ရေဝ် စကာဇြဟတ်ကောန်ပၞာန်ယိုက်ဝန်ပၞာန်တံတုဲ ကဝ်မယှေန်ပၞာန် ထပက် ကရောၚ်ပၞာန် ဆက်ဒှ်မံၚ်ပေါဲဗတိုက်ကဵု ဒပ်ပၠန်ဂတးတံလေဝ်နွံ ကောန်ပၞာန်ဗမာတံ ဖျေံလွဟ်လေဝ် နွံမံၚ်ရ။
အတိုၚ်တၚ်နၚ် ဂကောံတိုၚ်ပ္ကဴညးဍုၚ်ကွာန်မ္ဂး စနူကဵုသၞာံ ၂၀၂၅ ဂိတု ဂျာန်နဝါရဳ ဒဵုကဵုဂိတုအံက်တဝ်ပါဂှ် အလုံဍုၚ်မွဲ နူကဵုဒပ်ကဝ်မယှေန်ပၞာန် ဖျေံလဝ်လွဟ် ၂၂၄၆ တၠနွံမံၚ်ရ။
ပရိုၚ်-သြၚ်လောန်တိုၚ်မ်
Photo – လကိုဟ်ရေဝ်