နေပျဳတဝ်၊ ဒီဇြမ်ပါ ၂၇
စိုပ်ကၠုၚ်ဂျာန်နဝါရဳ ၂၅ မ္ဂး ကၠောန်ပေါဲရုဲမာဲသ္ကုတ် ၃ ရောၚ် ကဝ်မယှေန်ပေါဲရုဲမာဲကၟိန်ဍုၚ် ပ္ဍဲဒဳဇြမ်ပါ ၂၅ ဂှ် လလောၚ်တြးရ။
စပ်ကဵုကၠောန်ပေါဲရုဲမာဲသ္ကုတ် ၃ ဂှ် သွက်ဂွံကၠောန်အာ ပ္ဍဲကဵု ၆၃ ပွိုၚ်ဍုၚ်၊ ပ္ဍဲကချေၚ်၊ ကရေၚ်၊ သဂိုၚ်၊ တနၚ်သဳ၊ ဗဂေါဝ်၊ မာန္တလေဝ်၊ လ္ဂုၚ်၊ သေံကဵု ရးဧရာဝတဳတံ မဒှ်ရောၚ်။
ပေါဲရုဲမာဲသ္ကုတ် ၁ ဂှ် ပ္ဍဲကဵုဒဳဇြမ်ပါ ၂၈ ဏံမ္ဂး ၁၀၂ ပွိုၚ်ဍုၚ်၊ ပ္ဍဲဂျာန်နဝါရီ ၁၁ မ္ဂး ကၠောန်အာပေါဲရုဲမာဲ ၂ ပ္ဍဲကဵု ၁၀၀ ပွိုၚ်ဍုၚ် မဒှ်ရ။
အတိုၚ်ကဝ်မယှေန်ပၞာန်လလောၚ်တြးလဝ်မ္ဂး အလုံဍုၚ်မွဲနွံမံၚ် ၃၃၀ ပွိုၚ်ဍုၚ်ဂှ် ၂၆၅ ပွိုၚ်ဍုၚ်ရ ကၠောန်ပေါဲရုဲမာဲမာန်တုဲ ပ္ဍဲကဵု ၆၅ ပွိုၚ်ဍုၚ်ဂှ် ကၠောန်ဗ္ဒျ်ပေါဲရုဲမာဲ ဟွံမာန်ရ။
သွက်ဂွံမၚ်ရံၚ်အာပေါဲရုဲမာဲ ကဝ်မယှေန်ပၞာန်ဂှ် နူကဵုညးစၞးဍုၚ် သမ္မတဗာလာရု ဥက္ကဌကဝ်မယှေန်ပေါဲရုဲမာဲဗဟဵု သ္ကိုပ်သ္ကဂကောံတံ စိုပ်ကၠုၚ်ဍုၚ်လ္ဂုၚ်ယျဂှ် ကဝ်မယှေန်ပၞာန် လလောၚ်တြးလဝ်ရ။
ပရိုၚ်-သြၚ်လောန်တိုၚ်မ်
Photo – MOI