တယိတ်ချံၚ်၊ ဒီဇြမ်ပါ ၂၈
ပ္ဍဲရးတနၚ်သဳ ပွိုၚ်ဍုၚ်တယိတ်ချံၚ် ဗ္ဒိုပ် PDF နွံမံၚ်ပ္ဍဲကဵုပွိုၚ်တိုက် တံၚ်ပျံက်မွဲဒၞာဲဂှ် ဒးဒုၚ်ကြဳဗတိုက်ဗုမ်ရဂှ် နူကဵုတမ်ရိုဟ်ပရိုၚ်ပၠန်ဂတးတံ ဟီုကဵုဌာန်ပရိုၚ်သြၚ်လောန်တိုၚ်မ်ရ။
ပ္ဍဲဒဳဇြမ်ပါ ၂၆ အခိၚ်နူဂယး ၜိုတ် ၉ နာဍဳဂှ် ၜၚ်ကျာပၞာန်ဂျက်ဖိုက်တာ ဒပ်ကဝ်မယှေန်ပၞာန် ကၠုၚ်ကြဳဖျေံဏာဗုမ်မွဲမ ပ္ဍဲကဵုဗ္ဒိုပ်ဂကောံလဝေၚ်ပၞာန်ဒံၚ်မေန်ဂှ် ခတိုဟ်အာကရပ်ဗ္ဒိုပ်ရ။
ဟိုတ်ဒးဘဲဗုမ်တုဲ ကောန်သ္ဂံၚ် PDF ၈ တၠ ဒးဝပ်၊ အပ္ဍဲဏံ ကောန်ပၞာန် PDF မွဲတၠလေဝ် ဇိုၚ်ပိုတ်ဒးအာဝပ်နွံ သ္ဂးရ။
ပ္ဍဲကဵုဒၞာဲဗ္ဒိုပ်တဝ်ဝ် ဂွံကြဳဖျေံဏာဗုမ် ဗီုဏံမာန်ဂှ်တှ်ေ ဟိုတ်နူဒလာန်တံကဵုပရိုၚ်လဝ်ဒှ်မာန်ရောၚ် သ္ၚဳဂၠိပ်မံၚ်ရ။
ဂကောံလဝေၚ်ပၞာန်ဒံၚ်မေန် မံက်တိက်ကၠုၚ်လဝ် နူကဵုပၠန်ဂတး တမ်ကညၚ်ဂှ် ပံၚ်တောဲလဝ်ကဵု ဒပ်မဟာမိတ်ပၠန်ဂတးတံတုဲ ဗတိုက်မံၚ်တၠအဝဵုပၞာန်သီအဝဵုတံ မဒှ်ကီုရ။
စပ်ကဵုအကာဲအရာ ဗ္ဒိုပ်ဒးကြဳလဝ်ဗုမ်ဂှ်တုဲ နူကဵုဌာန်ပရိုၚ် သြၚ်လောန်တိုၚ်မ် သၟာန်လဝ် ဂကောံလဝေၚ်ပၞာန်ဒံၚ်မေန်ကီုလေဝ် ဟွံကလေၚ်သှ်ကဵုပရိုၚ်ဏီရ။
ပရိုၚ်-သြၚ်လောန်တိုၚ်မ်
Photo – Social Media