ဗုက်ပျေၚ်၊ ဂျာန်နဝါရဳ ၂
ရးတနၚ်သဳ ပွိုၚ်ဍုၚ်ဗုက်ပျေၚ် ပ္ဍဲဍုၚ်ပျဳကျဳမာန်တိုၚ်ဂှ် ဒပ်ပၞာန်ဗမာဒးဒုၚ်ဗတိုက်ပိတ္ၚဲဆက်က်ဂှ်ရ ချိုတ်လဝ် ၈ တၠနွံမံၚ်ရောၚ် ဒပ်ပၞာန်စဵုဒၞာညးဍုၚ်ကွာန် PDF တမ်ဒပ် ၁ လလောၚ်ပတိတ်ပရိုၚ်ရ။
ပ္ဍဲဒဳဇြမ်ပါ ၂၉ သွက်ပေါဲရုဲမာဲ ဒၞာဲဒပ်ကဝ်မယှေန်ပၞာန်တံ ဖျေံလဝ်ဒပ်ဂီုကၠီု ပ္ဍဲဘာလကျာ်စိၚ်ၜါ ဍုၚ်ပျဳကျဳမာန်တိုၚ်ဂှ် ဂကောံဒပ်ပံၚ်ကောံပၠန်ဂတးတံ ကြဳဖျေံဗုမ်နကဵုဒရုၚ်တုဲ ကောန်ပၞာန်ဗမာ ချိုတ် ၃ တၠ၊ ဒးဝပ် ၂ တၠ သ္ဂးရ။
ပ္ဍဲဒဳဇြမ်ပါ ၂၈ ပၠန် ပ္ဍဲကုန်ဗဒိုပ်ဗၠာဲသၟိၚ် ပျဳကျဳမာန်တိုၚ်ဂှ် ဒပ်ကဝ်မယှေန်ပၞာန်ကၠုၚ်ထပေၚ်ဂီုကၠီု သွက်ပေါဲရုဲမာဲဂှ် ဂကောံဒပ်ပံၚ်ကောံပၠန်ဂတးတံ အာပန်လဝ်ကဵုဗလံက်တဲရဂှ် ထမံက်လဝ်ပရိုၚ်ရ။
တုဲပၠန် ပ္ဍဲဒဳဇြမ်ပါ ၂၆ အခိၚ်နူဂယး ကရပ်ဂိက်သၞေဟ်ကၚ်ဒဒန်လေညာ ဍုၚ်ပျဳကျဳမာန်တိုၚ်ဂှ် အခိၚ်ဒပ်ကဝ်မယှေန်ပၞာန်တံ ပလေဝ်မံၚ်ရုၚ်မာဲဒးဒုၚ်ဗတိုက်ကဵုဒရုၚ်တုဲ ချိုတ်အာ ၅ တၠဂှ်တှ်ေ ညးတာလျိုၚ်ပၞာန်လဝ်ပါမံၚ်ရောၚ် လလောၚ်တြးလဝ်ရ။
ဒပ် PDF ခရိုၚ်ကအ်သံၚ် တမ်ဒပ် ၁ / ဒပ်ပါ် SOF၊ ပကဖ ဗုက်ပျေၚ်၊ ဒရက်ဂန် သကွာတ်- တဳအၚ်န်အိုၚ် (Dragon Squard-TNI) တံပံၚ်ကောံဗတိုက်လဝ် မဒှ်ရ။
ပ္ဍဲဍုၚ်ပျဳကျဳမာန်တိုၚ်ဂှ် အကြာဒပ်ပၞာန်ဗမာကဵုဂကောံပၠန်ဂတးတံ ခြာဟွံလံဟွံလံ ပေါဲဗတိုက်ဒှ်မံၚ်တုဲ ညးဒေသတံ ပြၚ်အာလပါ်ကွာန်ကြုၚ်ဟနဳတေံနွံမံၚ် ဂွံတီရ။
ပရိုင်-သြၚ်လောန်တိုၚ်မ်