မတ်မလီု ၊ ဂျာန်နဝါရဳ ၂
ပ္ဍဲပွိုၚ်ဍုၚ် ဒၞာဲသွက်ဂွံကၠောန်အာပေါဲရုဲမာဲသ္ကုတ် ၂ ပ္ဍဲကဵုတွဵုရးမန်ဂှ် အကြာတ္ၚဲတံဏံ ပေါဲဗတိုက်တံကလေၚ်ဒှ်မံၚ်တုဲ အကာဲအရာပရေၚ်ပၞာန် ကြံၚ်မ္ၚိုဟ်မံၚ်ရ။
ပ္ဍဲဂျာန်နဝါရဳ ၁၁ ဏံ ပ္ဍဲပွိုၚ်ဍုၚ်ၜဳကလေၚ်၊ ပံၚ်၊ မုဟ်ဍုၚ်၊ ဇြပ်ဗုကဵု ရေဝ်တံ သွက်ဂွံကၠောန်အာပေါဲရုဲမာဲသ္ကုတ် ၂ မဒှ်ရ။
သွက်ဂွံကၠောန်အာပေါဲရုဲမာဲသ္ကုတ် ၂ ဏံ စနူဒဳဇြမ်ပါ ၂၉ ဒဵုကဵု ဂျာန်နဝါရဳ ၉ အကြာပွိုၚ် ၁၂ တ္ၚဲ ခုတ်စၟတ်စွံလဝ်ကဵု အခေါၚ်စန်ဒက်တံၚ်ဂြဲမာဲရ။
ဟိုတ်နူဗော်ဍုၚ်မန်တၟိ AD ပတိတ်လဝ်လိက်လလောၚ်တြးဂှ်ရ ဗော်ပရေၚ်ဍုၚ်ကွာန်တံ ဟွံဂံၚ်စှ်ေပရေၚ်စန်ဒက် တံၚ်ဂြဲမာဲကွေံကွေံရောၚ် ညးဒေသပွိုၚ်ဍုၚ်မုဟ်ဍုၚ်မွဲတၠ ဟီုရ။
“လပါ်ကဵုသ္ကုတ်ပိုဲဏံ ဗော်ဍုၚ်မန်တၟိ AD ကဵုလဝ်သတိတုဲ မုလေဝ်ဟွံဂံၚ်ချဳကွေံကွေံပုဟ်။ ဟိုတ်ဂှ်ရ လပါ်ပိုဲဏံ ညိၚ်မံၚ်” သာ်ဝွံသ္ဂးရ။
တုဲပၠန် ဗော်ပရေၚ်ဍုၚ်ကွာန်တံ ဗီုကၠာတေံစှ်ေမံၚ်ပရေၚ်စန်ဒက် ညးဍုၚ်ကွာန်ဂှ်ဟွံဂွံဆဵုညာတ်ကီုလေဝ် အကြာကောန်ဗော်ညးကဵုညးတံဂှ် ဆၜိုတ်ဟီုဂးဟဝ်တွံမံၚ်နွံ ညးဆက်ဟီုရ။
ဗော်လုပ်ပြိုၚ်မာဲတံဂှ် ဆၜိုတ်ဒၞာဲလ္တူဍုၚ်ရ စန်ဒက်မံၚ်မာဲသ္ၚိတ်တ်ဇြဇြနွံရဂှ် ညးဒေသၜဳကလေၚ်မွဲတၠ ဟီုရ။
“ကၠောန်မံၚ်ဆၜိုတ်လ္တူဍုၚ်သၟး။ စန်ဒက်မံၚ်မာဲသ္ၚိတ်တ်ဇြဇြရ။ ဟွံဂံၚ်ကၠောန် ထတ်တ်ပုဟ်။ မွဲတုဲမွဲ ဒေါမ်မံၚ်တုဲ ကၠောန်မံၚ်သ္ၚိတ်တ်ရ” သာ်ဝွံ သ္ဂးရ။
သွက်ဗော်ပရေၚ်ဍုၚ်ကွာန် စန်ဒက်မာဲတံဂှ် ဒပ်ကဝ်မယှေန်ပၞာန်ကေတ်ကဵုပရေၚ်ဂီုကၠီုကီုလေဝ် ဒၞာဲဒပ်ပၠန်ဂတးတံဇြဟတ်တဴမံၚ်တံဂှ် ဗော်ပရေၚ်ဍုၚ်ကွာန်တံ ဗွဲမဂၠိုၚ်ဖေက်လကိုတ်မံၚ်တုဲ ဟွံဂံၚ်စှ်ေစန်ဒက်မာဲ မဒှ်ရ။
သွက်ပေါဲရုဲမာဲသ္ကုတ် ၂ ဗော်ပရေၚ်ဍုၚ်ကွာန်တံ ညံၚ်ဂွံစှ်ေစန်ဒက်မာဲ မာန်ဂှ် ဒပ်ကဝ်မယှေန်ပၞာန်တြးလဝ်ဇြဟတ် ပ္ဍဲလ္တူဍုၚ်ကီု ထပက်မံၚ်ကရောၚ်ပၞာန် နကဵုဇြဟတ်တီုတီုကီုကၠောန်မံၚ်ရ။
ပေါဲရုဲမာဲသ္ကုတ် ၁ ပ္ဍဲဒဳဇြမ်ပါ ၂၈ ကၠောန်လဝ် တွဵုရးမန် ပ္ဍဲကဵုပွိုၚ်ဍုၚ် ကျာ်ထဝ်၊ သဓီု၊ မတ်မလီု၊ ၜါသွာၚ်ကဵု ကျာ်မြဟ်တံဂှ် ဗော်ပျဳခိုင်ဖျိုဝ် ဒပ်ပၞာန်တံဇၞးလဝ်မာဲဂၠိုၚ်အိုတ်ရ။
ပရိုင်-သြၚ်လောန်တိုၚ်မ်
Photo – CJ