ရေဝ်၊ ဂျာန်နဝါရဳ ၃
ပ္ဍဲကဵုပွိုၚ်ဍုၚ်ရေဝ် အဃောဒပ်ကဝ်မယှေန်ပၞာန် ပတေၚ်လဝ် ပရေၚ်ဂီုကၠီု ပ္ဍဲအကြာတ္ၚဲတံဏံ သၟတ်ဟွံအောန်နူကဵု ၂၅ တၠ ဒးဒုၚ်ရပ်လဝ်နွံမံၚ်ရောၚ် ညးနွံလ္တူဍုၚ်တံ ဟီုကဵုဌာန်ပရိုၚ်သြၚ်လောန်တိုင်မ်ရ။
အခိၚ်ကြပ်ကၠုၚ်မံၚ်ကဵု ပေါဲရုဲမာဲဏံ ပ္ဍဲဒၞာဲပၞော်လုပ်တိတ်ဍုၚ်တံကီု ဂၠံၚ်သွာၚ်ကီု ပါ်လဝ် ၁၀ ဒၞာဲတုဲ ဒပ်ကဝ်မယှေန်ပၞာန် ကၠောန်မံၚ်ပရေၚ်မာတ်ဆိုအ်စၟဳစၟတ် အိုတ်အစောန်ရ။
ညးတြုံၜါတၠ ဍိုက်ကၠုၚ်မွဲကွဳလိုန်ဓါတ်ကီု မၞိဟ်ဟွံသင်ကာတံကီု ရပ်မံၚ်ဆက်က်မဒှ်ရ။
ရပ်ဂွံလဝ်ညးတြုံအယုက်အကြာ ၂၀ ကဵု ၄၀ သၞာံတုဲ ချုက်စွံလဝ် ပ္ဍဲကဵုဗ္ဒိုပ်ဗၠာဲသၟိၚ် ဍုၚ်ရေဝ်ကေုာံ ပ္ဍဲကဵုတမ်ဒပ် ဒပ်ပၞာန်နွံမံၚ် လ္တူဍုၚ်ရေဝ် ရ။
အခိၚ်ရပ်လဝ်မၞိဟ်တံဏံ သီကေတ်လဝ်ကွဳလိုန်ဓါတ်တံဂှ်တှ်ေ ဂျာန်နဝါရဳ ၁၁ ပေါဲရုဲမာဲတုဲမှ ကလေၚ်ကဵုရောၚ်ဂှ် ဂွံတီလဝ်နူကဵု ရဲကြပ်ကဵုကဝ်မယှေန်ပၞာန်တံရ။
ပ္ဍဲဒဳဇြမ်ပါ ၂၉ အကြာပ်ဒပ်ဇၞော်ဗၠာဲသၟိၚ်မွဲတၠ ဒးဒုၚ်ပန်ဂစိုတ်လဝ်လ္တူဍုၚ်ရေဝ်ဂှ် နူကဵုဒပ်ကဝ်မယှေန်ပၞာန် သၠုၚ်ပရေၚ်ဂီုကၠီုတုဲ ကၠောန်မံၚ်ပရေၚ်မာတ်ဆိုအ်စၟဳစၟတ် မဒှ်ရ။
ဟိုတ်နူ ကၠောန်မံၚ် ပရေၚ်မာတ်ဆိုအ်စၟဳစၟတ်ဂှ်ရ ရဲနူကဵုကွာန်တံ ဟွံဂံၚ်တိုန်လ္တူဍုၚ်ရေဝ်တုဲ ရဲသွံရာန်ဖျာ အောန်စှ်ေအာကီု သၟတ်ဗွဲမဂၠိုၚ်တံလေဝ်ဟွံဂံၚ်တိတ်မ္ၚးရဂှ် ဂွံတီနူကဵုညးဒေသတံရ။
ပရိုၚ်-သြၚ်လောန်တိုင်မ်