ဍာ်ဗု၊ ဂျာန်နဝါရဳ ၁၇
ရးတနၚ်သဳ ပွိုၚ်ဍုၚ်ဍာ်ဗု အကြာဒပ်ၜါလပါ် ပေါဲဗတိုက်ဒှ်လဝ် သ္ကုတ်ဂၠုၚ် ရေဝ်-ထဝါဲ ကရပ်ကွာန်သာယာမန်ဂှ် ကောန်ကွာန်မွဲတၠ ဒးအာလဝ်မကမ်နွံမံၚ်ရဂှ် ညးဒေသတံ ဟီုကဵု ဌာန်ပရိုၚ်သြၚ်လောန်တိုၚ်မ်ရ။
ပ္ဍဲဂိတုဂျာန်နဝါရဳ ၁၅ အခိၚ်နူဂယးၜိုတ် ၁၁ နာဍဳဂှ် ကရောၚ်ပၞာန်ဒပ်ကဝ်မယှေန်ပၞာန်ဗမာဇြဟတ် ၁၀၀ ပြၚ်ကဵု ဒပ်ပံၚ်တောဲမဟာမိတ်ပၠန်ဂတးတံ ပေါဲဗတိုက်အကြာၜါလပါ် ဒှ်လဝ်ရ။
အကြာပေါဲဗတိုက်ဏံ ညးတြုံအဝဲအယုက် ၄၀ မွဲတၠ ကၠောန်မံၚ်ကမၠောန် ပ္ဍဲကၠအ်ရာဘာဂှ် ဒးအာမကမ်ပ္ဍဲစးတုဲ ပလံၚ်ဗစိုပ်လဝ် ရုၚ်ဂဥုဲ ဍုၚ်ထဝါဲ သ္ဂးရ။
ဟိုတ်နူ ပေါဲဗတိုက်အကြာၜါလပါ်ဒှ်လဝ်ဂှ် ကွဳစက်လၟိဟ်ကဵုကၠံ မာတ်ဆိုအ်အာ ပ္ဍဲကဵုသ္ကုတ်ဂၠံၚ်ရေဝ်-ထဝါဲဂှ်တုဲ ၜိုတ်အခိၚ် ၁ နာဍဳ ဒေါဝ်တ္ၚဲမှဂွံကလေၚ်အာတရဴ အတိုၚ်လၟေၚ်ဓမ္မတာမာန်ရဂှ် ဂွံတီနူညးအာတရဴတံရ။
ပေါဲဗတိုက်တုဲအာဂှ် ကရောၚ်ပၞာန်ဒပ်ကဝ်မယှေန်ပၞာန်ဗမာ ကလေၚ်ဆုတ်အာ လပါ်တမ်ဒပ် ခလရ ၂၈၂ ဍုၚ်ဍာ်ဗုတုဲ ပရေၚ်ဒးဘဲဝပ်ချိုတ်ဂျိုၚ် အကာဲအရာဗီုလဵုနွံဆက်ဂၠိုက်ဂၠာဲမံၚ် ဖိုအ်ရောၚ် ဒပ်ပၠန်ဂတးပွိုၚ်ဍုၚ်ဍာ်ဗုတံ ဟီုရ။
ဒၞာဲဂကောံပၠန်ဂတးတံ ဇြဟတ်ခိုဟ်တဴမံၚ် ပ္ဍဲပွိုၚ်ဍုၚ်ဍာ်ဗုဂှ် အပ္ဍဲအခိၚ်အကြာကာလ ပေါဲရုဲမာဲတုဲကၠုၚ်ဏံ ကရောၚ်ပၞာန်ထပက်မံၚ်မွဲဏှမွဲဏှတုဲ ပေါဲဗတိုက်ကလေၚ်ဒှ်လဝ် စေအ်အ်ကီုရ။
ပရိုၚ်-သြၚ်လောန်တိုၚ်မ်
Photo – Social Media