လံၚ်လုၚ်၊ ဂျာန်နဝါရဳ ၁၈
ရးတနၚ်သဳ ပွိုၚ်ဍုၚ်လံၚ်လုၚ် သွက်ဂွံကၠောန်ပေါဲရုဲမာဲသ္ကုတ် ၃ နွံဂှ်တုဲ ဒပ်ကဝ်မယှေန်ပၞာန် ထပေၚ်လဝ်ဇြဟတ် သၠုၚ်လဝ်ပရေၚ်ဂီုကၠီုတၟေၚ်ရောၚ် ညးဒေသတံကဵုဂကောံဇြဟတ်ပၠန်ဂတးတံ ဟီုကဵုဌာန်ပရိုၚ်သြၚ်လောန်တိုၚ်မ်ရ။
ပ္ဍဲဂိတုဂျာန်နဝါရဳ ၂၅ မ္ဂး ပေါဲရုဲမာဲသ္ကုတ် ၃ ဂှ်သွက်ဂွံကၠောန်အာ ပ္ဍဲကဵုပွိုၚ်ဍုၚ်တယိတ်ချံၚ်၊ ပလဝ်၊ လံၚ်လုၚ်တံရောၚ် ဂွံတီရ။
နူကၠာဟွံကၠောန်ပေါဲရုဲမာဲသ္ကုတ် ၁ ဂှ်ရ ပ္ဍဲအကြာပွိုၚ်ဍုၚ်တံဏံ ဒပ်ကဝ်မယှေန်ပၞာန်ထ္ၜးဟိုတ်ပရေၚ်ဂီုကၠီုတုဲ ထပေၚ်ဇြဟတ် ထပက်ကရောၚ်ပၞာန်ပသောၚ်သ္အးလဝ် ပ္ဍဲကဵုတိဍာ်တံဏံရဂှ် ဂကောံဇြဟတ်ပၠန်ဂတးတံ သ္ဂးရ။
အကြာဏံ ပ္ဍဲကဵုပွိုၚ်ဍုၚ်လံၚ်လုၚ် သွက်ဂွံကၠောန်ပေါဲရုဲမာဲဂှ် ဒပ်ကဝ်မယှေန်ပၞာန် ပတေၚ်လဝ်ပရေၚ်ဂီုကၠီု ဗက်စၟဳစၟတ်မံၚ်တုဲ လ္တူဍုၚ်ကီုအကြာကွာန်ကရပ်ဍုၚ်ဂှ်ကီု ထပက်ကရောၚ်ပၞာန်တုဲပသောၚ်မံၚ်တိဍာ်တံရ။
တုဲပၠန် ပ္ဍဲကဵုဂိက်သၞေဟ်ကၚ်စၟဳစၟတ် ဒဒန်ကမျဝ်ကေၚ်ဂှ်လေဝ် စၟဳစၟတ်မံၚ်ကာတ်ကောန်ဍုၚ်ကီုတုဲ ဆလဆလ သၟတ်လ္ၚဵုလ္ၚဵု ဒးရပ်ပလံၚ်ဏာ သွက်ယိုက်ဂၠေၚ်ဝန်ပၞာန်လေဝ်နွံမံၚ်ရောၚ် ညးတြုံနူဒေသမွဲတၠ ဟီုကဵုဌာန်ပရိုၚ်သြၚ်လောန်တိုၚ်မ်ရ။
ပ္ဍဲပွိုၚ်ဍုၚ်လံၚ်လုၚ် ဂအုံကွာန် ၄၀ ပြၚ်နွံမံၚ်ကီုလေဝ် အပ္ဍဲဏံမ္ဂး ပ္ဍဲအရာပ်လ္တူဍုၚ် ၄ အရာပ်၊ ကွာန်သခါန်ဂျဳ၊ မံၚ်မကာန်ကေုာံကမျဝ်ကေၚ်တံရ ကၠောန်အာပေါဲရုဲမာဲရုဲမာဲရောၚ် ကဝ်မယှေန်ပေါဲရုဲမာဲကၟိန်ဍုၚ် ကဝ်မယှေန်ပၞာန် လလောၚ်တြးလဝ်ရ။
ပရိုၚ်-သြၚ်လောန်တိုၚ်မ်
Photo – Social Media