မတ်မလီု၊ ဂျာန်နဝါရဳ ၁၈
အလုံဍုၚ်မွဲ ပ္ဍဲအကြာဂိတုဂျာန်နဝါရဳ ပွိုၚ်ၜါသတ္တဟဏံ ဟိုတ်နူဒပ်ကဝ်မယှေန်ပၞာန် ကောန်ကွာန်ဟၟဲကဵုဒုဟ်ဒဏ် ၃၄ တၠတံ ချိုတ်အာလဝ်ရဂှ် ဂကောံရီုဗၚ်မၚ်မွဲကောန်ထံၚ်ပရေၚ်ဍုၚ်ကွာန် AAPP လလောၚ်တြးလဝ်ရ။
စနူကဵုဂျာနဝါရဳ ၁ ဒဵုစိုပ် ၁၄ တေံ အလုံမွဲဍုၚ် ဟိုတ်နူဒပ်ကဝ်မယှေန်ပၞာန် ဖန်ဖက်လဝ်တုဲ ညးဗြဴ ၁၇ တၠ၊ ညးတြုံ ၁၇ တၠ အပံၚ်ဖအိုတ် ချိုတ်အာလဝ် ၃၄ တၠတံဂှ် သီုကဵုယၟုပေၚ်ၚ် သ္ပဒ္တန်မာန်ကၠုၚ် သ္ဂးရ။
ပ္ဍဲကဵုဏံ ကောန်ၚာ်သၟဝ်အယုက် ၁၈ သၞာံ ၇ တၠ မပါလုပ် နူကဵုရးသဂိုၚ် ၁၅ တၠ လၟိဟ်ချိုတ်လဝ်ဂၠိုၚ်အိုတ် သ္ပဒတန်မာန်တုဲ ကောန်ကွာန် ၂၈ တၠချိုတ်လဝ်ဂှ်လေဝ် သွက်ဂွံဆက်သ္ပအာဒတန် သှ်ေမံၚ်ဏီ အတိုၚ်လလောၚ်တြး AAPP ဂွံတီရ။
လောန်ကၠုၚ် ဂျာန်နဝါရဳ ၉ တေံ နူကဵုဂိက်သၞေဟ်ကၚ်ကဝ်မယှေန်ပၞာန် နွံမံၚ်ကွာန်ယှာန်တာတ်ကျေၚ် ပွိုၚ်ဍုၚ်မေန်လှ ရးသဂိုၚ် ပန်ဏာကဵုမကမ်သၠောဝ်ဂှ် ရဲသၟာဗ္ၚအယုက်ဇၞော်ဇၞော် ဥူချငို၊ သမ္ဘာညး ဒဝ်အုၚ်သိၚ်ကေုာံဥူတာန်ထောန်တံ ဒးမကမ်သၠောဝ် ချိုတ်အာရဂှ် ပ္ဍဲကဵုလိက်လလောၚ်တြး ချူထ္မံက်လဝ်ရ။
တုဲကၠုၚ် ပ္ဍဲသၞာံ ၂၀၂၅ ဂှ် အလုံဍုၚ်မွဲ ဟိုတ်နူကဝ်မယှေန်ပၞာန် ပန်ဗတိုက်လဝ်ကဵု ၜၚ်ကျာကေုာံ လွဟ်ဇၞော်တံကီု သီုကဵုရပ်ဂစိုတ် လဝ်တုဲ ညးဍုၚ်ကွာန်ကောန်အရာပ် ၂၈၃၁ တၠ ချိုတ်လဝ်နွံမံၚ်ရဂှ် နူကဵု Spring Revolution Database – SRD လလောၚ်တြးလဝ်ရ။
ပရိုၚ်-သြၚ်လောန်တိုၚ်မ်
Photo – KNU