ပလဝ်၊ ဂျာန်နဝါရဳ ၂၄
သွက်ဂွံကၠောန်အာပေါဲရုဲမာဲသ္ကုတ် ၃ ပ္ဍဲကဵုရးတနၚ်သဳ ပွိုၚ်ဍုၚ်ပလဝ်ဂှ် ဟိုတ်နူဒပ်ကဝ်မယှေန်ပၞာန် ထပက်ကရောၚ်ပၞာန်တုဲ ညးဍုၚ်ကွာန် လၟိဟ်ကဵုလ္ၚီတံဒးဂြိပ်ပါဲဒဴမံၚ်ရဂှ် ညးဒေသတံဟီုကဵု ဌာန်ပရိုၚ်သြၚ်လောန်တိုၚ်မ်ရ။
စနူကဵုဂျာန်နဝါရဳ ၁၉ ဂှ်တုဲ ကရောၚ်ပၞာန် ဒပ်ကဝ်မယှေန်ပၞာန်ထပက်လုပ်ကၠုၚ် ကွာန်ယှာတ်ပုၚ် ပွိုၚ်ဍုၚ်ပလဝ်ဂှ် ဒှ်ပေါဲဗတိုက်ကဵု ဒပ်ပၠန်ဂတးတံ ပွိုၚ်ၜါတ္ၚဲဆက်က်ရ။
ကရောၚ်ပၞာန်ဒပ်ကဝ်မယှေန်ပၞာန်လေဝ် ထပက်ပေါဲဗတိုက်လေဝ်ဒှ်မံၚ်ဂှ် ယှာတ်ပုၚ်ၢ ကျေဝ်၊ သိတ်တဝ်ယာ၊ ကျံက်ကာကဵု ခန္တဳတံ ကောန်ညးဍုၚ်ကွာန်လၟိဟ်ကဵုလ္ၚီတံ ဒးဂြိပ်ပါဲဒဴမံၚ်ရ။
ကရောၚ်ပၞာန်ဏံ ဒဵုကဵုဂျာန်နဝါရဳဂှ် ဟွံကလေၚ်စဴဏီတုဲ အကာဲအရာပၞာန်ၜါလပါ် ဆက်ကြံၚ်မ္ၚိုဟ်မံၚ်ဂှ်ရ ညးဒေသတံ ဟွံဂွံကလေၚ်စဴသ္ၚိဌာန်ညးတံဏီပုဟ်။
သွက်ဂွံကၠောန်အာပေါဲရုဲမာဲ လ္တူဍုၚ်ပလဝ်ဂှ်ဒးစဒုၚ်တုဲကေတ်လဝ် ပရေၚ်ဂီုကၠီုလပါ်ကွာန်တံတုဲ ဒပ်ကဝ်မယှေန်ပၞာန်တံ ထပက်မံၚ်ကရောၚ်ပၞာန်ဒှ်မာန်ရောၚ် ညးဒေသတံသ္ၚဳဂၠိပ်လဝ်ရ။
ပြဟ်ဟ်ဏံလေဝ် ပ္ဍဲကဵုပၞော်လုပ်တိတ်ဍုၚ်ပလဝ်တံဂှ် ဒပ်ပၞာန်ထပ်ဖျေံထပေၚ်လဝ်ဇြဟတ် လၟိဟ်ကဵုကၠံပၠန်တုဲ အပ္ဍဲဍုၚ်ဂှ်လေဝ် ဗွဲတၟေၚ်ပတေၚ်လဝ်ပရေၚ်ဂီုကၠီုရ။
ပ္ဍဲဂျာန်နဝါရဳ ၂၅ ဏံ ပေါဲရုဲမာဲသ္ကုတ် ၃ ဂှ် ကၠောန်အာပ္ဍဲပွိုၚ်ဍုၚ်ပလဝ် ဟီုမံၚ်ကီုလေဝ် ဆၜိုတ်အရာပ်လ္တူဍုၚ်ဟေၚ် သွက်ဂွံကၠောန်အာပေါဲရုဲမာဲ မဒှ်ရ။
ပရိုၚ်-သြၚ်လောန်တိုၚ်မ်
Photo – CJ